헬라어 문장 검색 - Διονψσ́ΔεΛψσιά27́

(디오니시오스, chapter 27)

ἀξιῶ τοίνυν, ὦ ἄνδρεσ δικασταί, τῷ λογισμῷ προσέχειν τὸν νοῦν, ἵνα τοὺσ μὲν νεανίσκουσ διὰ τὸ μέγεθοσ τῶν συμφορῶν ἐλεήσητε, τοῦτον δ’ ἅπασι τοῖσ πολίταισ ἄξιον ὀργῆσ ἡγήσησθε. εἰσ τοσαύτην γὰρ ὑποψίαν Διογείτων πάντασ ἀνθρώπουσ πρὸσ ἀλλήλουσ καθίστησιν, ὥστε μήτε ζῶντασ μήτε ἀποθνῄσκοντασ μηδὲν μᾶλλον τοῖσ οἰκειοτάτοισ ἢ τοῖσ ἐχθίστοισ πιστεύειν· ὃσ ἐτόλμησε τῶν μὲν ἔξαρνοσ γενέσθαι, τὰ δὲ τελευτῶν ὁμολογήσασ ἔχειν εἰσ δύο παῖδασ καὶ ἀδελφὴν λῆμμα καὶ ἀνάλωμα ἐν ὀκτὼ ἔτεσιν ἑπτὰ τάλαντα ἀργυρίου καὶ ἑπτακισχιλίασ δραχμὰσ ἀποδεῖξαι. καὶ εἰσ τοῦτο ἦλθεν ἀναισχυντίασ, ὥστε οὐκ ἔχων, ὅποι τρέψειε τὰ χρήματα, εἰσ ὄψον μὲν δυοῖν παιδίοιν καὶ ἀδελφῇ πέντε ὀβολοὺσ τῆσ ἡμέρασ ἐλογίζετο, εἰσ ὑποδήματα δὲ καὶ εἰσ γναφεῖον καὶ εἰσ ἱμάτια καὶ εἰσ κουρέωσ κατὰ μῆνα οὐκ ἦν αὐτῷ οὐδὲ κατ’ ἐνιαυτὸν γεγραμμένα, συλλήβδην δὲ παντὸσ τοῦ χρόνου πλεῖον ἢ τάλαντον ἀργυρίου. εἰσ δὲ τὸ μνῆμα τοῦ πατρὸσ οὐκ ἀναλώσασ πέντε καὶ εἴκοσι μνᾶσ ἐκ πεντακισχιλίων δραχμῶν, τὸ μὲν ἥμισυ αὑτῷ τίθησι τὸ δὲ τούτοισ λελόγισται. εἰσ Διονύσια τοίνυν, ὦ ἄνδρεσ δικασταί, οὐκ ἄτοπον γάρ μοι δοκεῖ καὶ περὶ τούτου μνησθῆναι, ἑκκαίδεκα δραχμῶν ἀπέφηνεν ἐωνημένον ἀρνίον καὶ τούτων τὰσ ὀκτὼ δραχμὰσ ἐλογίζετο τοῖσ παισίν. ἐφ’ ᾧ ἡμεῖσ οὐχ ἥκιστα ὠργίσθημεν. οὕτωσ, ὦ ἄνδρεσ, ἐν ταῖσ μεγάλαισ ζημίαισ ἐνίοτε οὐχ ἧττον τὰ μικρὰ λυπεῖ τοὺσ ἀδικουμένουσ· λίαν γὰρ φανερὰν τὴν πονηρίαν τῶν ἀδικούντων ἐπιδείκνυσιν.

εἰσ τοίνυν τὰσ ἄλλασ ἑορτὰσ καὶ θυσίασ ἐλογίσατο αὐτοῖσ πλέον ἢ τετρακισχιλίασ δραχμὰσ ἀνηλωμένασ ἕτερά τε παμπληθῆ, ἃ πρὸσ τὸ κεφάλαιον συνελογίζετο· ὥσπερ διὰ τοῦτο ἐπίτροποσ τῶν παιδίων καταλειφθείσ, ἵνα γράμματ’ αὐτοῖσ ἀντὶ τῶν χρημάτων ἀποδείξειεν καὶ πενεστάτουσ ἀντὶ πλουσίων ἀποφήνειε καὶ ἵνα, εἰ μέν τισ αὐτοῖσ πατρικὸσ ἐχθρὸσ ἦν, ἐκείνου μὲν ἐπιλάθωνται, τῷ δ’ ἐπιτρόπῳ τῶν πατρῴων ἀπεστερημένοι πολεμῶσι. καίτοι εἰ ἠβούλετο δίκαιοσ εἶναι περὶ τοὺσ παῖδασ, ἐξῆν αὐτῷ κατὰ τοὺσ νόμουσ, οἳ κεῖνται περὶ τῶν ὀρφανῶν καὶ τοῖσ ἀδυνάτοισ τῶν ἐπιτρόπων καὶ τοῖσ δυναμένοισ, μισθῶσαι τὸν οἶκον ἀπηλλαγμένον πολλῶν πραγμάτων ἢ γῆν πριάμενον ἐκ τῶν προσιόντων τοὺσ παῖδασ τρέφειν, καὶ ὁπότερα τούτων ἐποίησεν, οὐδενὸσ ἂν ἧττον Ἀθηναίων πλούσιοι ἦσαν. νῦν δέ μοι δοκεῖ οὐδεπώποτε διανοηθῆναι ὡσ φανερὰν καταστήσων τὴν οὐσίαν, ἀλλ’ ὡσ αὐτὸσ ἕξων τὰ τούτων, ἡγούμενοσ δεῖν τὴν αὑτοῦ πονηρίαν κληρονόμον εἶναι τῶν τοῦ τεθνεῶτοσ χρημάτων.

ὃ δὲ πάντων δεινότατον, ὦ ἄνδρεσ δικασταί· οὗτοσ γὰρ συντριηραρχῶν Ἀλέξιδι τῷ Ἀριστοδίκου, φάσκων δυοῖν δεούσασ πεντήκοντα μνᾶσ ἐκείνῳ συμβάλλεσθαι, τὸ ἥμισυ τούτοισ ὀρφανοῖσ οὖσι λελόγισται, οὓσ ἡ πόλισ οὐ μόνον παῖδασ ὄντασ ἀτελεῖσ ἐποίησεν, ἀλλὰ καὶ ἐπειδὰν δοκιμασθῶσιν, ἐνιαυτὸν ἀφῆκεν ἁπασῶν τῶν λειτουργιῶν. οὗτοσ δὲ πάπποσ ὢν παρὰ τοὺσ νόμουσ τῆσ ἑαυτοῦ τριηραρχίασ παρὰ τῶν θυγατριδῶν τὸ ἥμισυ πράττεται. καὶ ἀποπέμψασ εἰσ τὸν Ἀδρίαν ὁλκάδα δυοῖν ταλάντοιν, ὅτε μὲν ἀπέστελλεν, ἔλεγε πρὸσ τὴν μητέρα αὐτῶν, ὅτι τῶν παίδων ὁ κίνδυνοσ εἰή, ἐπεὶ δὲ ἐσώθη καὶ ἐδιπλασίασεν, αὑτοῦ τὴν ἐμπορίαν φάσκει εἶναι. καίτοι εἰ μὲν τὰσ ζημίασ τούτων ἀποδείξει, τὰ δὲ σωθέντα τῶν χρημάτων αὐτὸσ ἕξει, ὅποι μὲν ἀνήλωται τὰ χρήματα οὐ χαλεπῶσ εἰσ τὸν λόγον ἐγγράψει, ῥᾳδίωσ δὲ ἐκ τῶν ἀλλοτρίων αὐτὸσ πλουτήσει.

καθ’ ἕκαστον μὲν οὖν, ὦ ἄνδρεσ δικασταί, πολὺ ἂν ἔργον εἰή πρὸσ ὑμᾶσ λογίζεσθαι. ἐπειδὴ δὲ μόλισ παρ’ αὐτοῦ παρέλαβον τὰ γράμματα, μάρτυρασ ἔχων ἠρώτων Ἀριστόδικον τὸν ἀδελφὸν τὸν Ἀλέξιδοσ αὐτὸσ γὰρ ἐτύγχανε τετελευτηκώσ, εἰ ὁ λόγοσ αὐτῷ εἰή τῆσ τριηραρχίασ. ὃ δὲ ἔφασκεν εἶναι. καὶ ἐλθόντεσ οἴκαδε εὑρ́ομεν Διογείτονα τέτταρασ καὶ εἴκοσι μνᾶσ ἐκείνῳ συμβεβλημένον εἰσ τὴν τριηραρχίαν. οὗτοσ δὲ ἐπέδειξε δυοῖν δεούσασ πεντήκοντα μνᾶσ ἀνηλωκέναι· ὥστε τούτοισ λελογίσθαι, ὅσον περ ὅλον τὸ ἀνάλωμα αὐτῷ γεγένηται. καίτοι τί αὐτὸν οἰέσθε πεποιηκέναι περὶ ὧν αὐτῷ οὐδεὶσ σύνοιδεν, ἀλλ’ αὐτὸσ μόνοσ διεχείριζεν, ὃσ, ἃ δι’ ἑτέρων ἐπράχθη καὶ οὐ χαλεπὸν ἦν περὶ τούτων πυθέσθαι, ἐτόλμησε ψευσάμενοσ τέτταρσι καὶ εἴκοσι μναῖσ τοὺσ αὑτοῦ θυγατριδοῦσ ζημιῶσαι;

καί μοι ἀνάβητε τούτων μάρτυρεσ. ‐ μάρτυρεσ. ‐ τῶν μὲν μαρτύρων ἀκηκόατε, ὦ ἄνδρεσ δικασταί. ἐγὼ δ’ ὅσα τελευτῶν ὡμολόγησεν ἔχειν αὐτὸσ χρήματα, ἑπτὰ τάλαντα καὶ τετταράκοντα μνᾶσ, ἐκ τούτων αὐτῷ λογιοῦμαι πρόσοδον μὲν οὐδεμίαν ἀποφαίνων, ἀπὸ δὲ τῶν ὑπαρχόντων ἀναλίσκων, καὶ θήσω, ὅσον οὐδεὶσ πώποτ’ ἐν τῇ πόλει, εἰσ δύο παῖδασ καὶ ἀδελφὴν καὶ παιδαγωγὸν καὶ θεράπαιναν χιλίασ δραχμὰσ ἑκάστου ἐνιαυτοῦ, μικρῷ ἔλαττον ἢ τρεῖσ δραχμὰσ τῆσ ἡμέρασ. ἓξ τάλαντα περιόντα τῶν ἑπτὰ ταλάντων, καὶ εἴκοσι μναῖ τῶν τετταράκοντα μνῶν.

οὐ γὰρ ἂν δύναιτο ἀποδεῖξαι οὔθ’ ὑπὸ λῃστῶν ἀπολωλεκὼσ οὔτε ζημίαν εἰληφὼσ οὔτε χρήσταισ ἀποδεδωκώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 27

(디오니시오스, chapter 27)

상위

목록

SEARCH

MENU NAVIGATION