헬라어 문장 검색 - Διονψσ́ΔεΛψσιά25́

(디오니시오스, chapter 25)

ἀδελφοὶ ἦσαν, ὦ ἄνδρεσ δικασταί, Διόδοτοσ καὶ Διογείτων ὁμοπάτριοι καὶ ὁμομήτριοι. καὶ τὴν μὲν ἀφανῆ οὐσίαν ἐνείμαντο, τῆσ δὲ φανερᾶσ ἐκοινώνουν. ἐργασαμένου δὲ Διοδότου κατ’ ἐμπορίαν πολλὰ χρήματα πείθει αὐτὸν Διογείτων λαβεῖν τὴν ἑαυτοῦ θυγατέρα, ἥ περ ἦν αὐτῷ μόνη. καὶ γίνονται αὐτῷ υἱοὶ δύο καὶ θυγάτηρ. αὐτῷ δίδωσι καὶ πέντε τάλαντα ἀργυρίου παρακαταθήκην, ναυτικὰ δὲ ἀπέδειξεν ἐκδεδομένα ἑπτὰ τάλαντα καὶ τετταράκοντα μνᾶσ, . . . δισχιλίασ δὲ ὀφειλομένασ ἐν Χερρονήσῳ. ἐπέσκηψε δέ, ἐάν τι πάθῃ, τάλαντον μὲν ἐπιδοῦναι τῇ γυναικὶ καὶ τὰ ἐν τῷ δωματίῳ δοῦναι, τάλαντον δὲ τῇ θυγατρί. κατέλιπε δὲ καὶ εἴκοσι μνᾶσ τῇ γυναικὶ καὶ τριάκοντα στατῆρασ Κυζικηνούσ. ταῦτα δὲ πράξασ καὶ οἴκοι ἀντίγραφα καταλιπὼν ᾤχετο στρατευσόμενοσ μετὰ Θρασύλλου. ἀποθανόντοσ δὲ ἐκείνου ἐν Ἐφέσῳ Διογείτων τὴν μὲν θυγατέρα ἔκρυπτε τὸν θάνατον τοῦ ἀνδρὸσ καὶ τὰ γράμματα λαμβάνει, ἃ κατέλιπε σεσημασμένα, φάσκων τὰ ναυτικὰ χρήματα δεῖν ἐκ τούτων τῶν γραμματείων κομίσασθαι.

ἐπειδὴ δὲ χρόνῳ ἐδήλωσε τὸν θάνατον αὐτοῖσ καὶ ἐποίησαν τὰ νομιζόμενα, τὸν μὲν πρῶτον ἐνιαυτὸν ἐν Πειραιεῖ διῃτῶντο·

ἅπαντα γὰρ αὐτοῦ κατελέλειπτο τὰ ἐπιτήδεια. ἐκείνων δ’ ἐπιλειπόντων τοὺσ μὲν παῖδασ εἰσ ἄστυ ἀναπέμπει, τὴν δὲ μητέρα αὐτῶν ἐκδίδωσιν ἐπιδοὺσ πεντακισχιλίασ δραχμάσ, χιλίαισ ἔλαττον ὧν ὁ ἀνὴρ αὐτῆσ ἔδωκεν. ὀγδόῳ δ’ ἔτει δοκιμασθέντοσ μετὰ ταῦτα τοῦ πρεσβυτέρου τοῖν μειρακίοιν καλέσασ αὐτοὺσ εἷπε Διογείτων, ὅτι καταλείποι αὐτοῖσ ὁ πατὴρ εἴκοσι μνᾶσ ἀργυρίου καὶ τριάκοντα στατῆρασ. ἐγὼ οὖν πολλὰ τῶν ἐμαυτοῦ δεδαπάνηκα εἰσ τὴν ὑμετέραν τροφήν. καὶ ἑώσ μὲν εἶχον, οὐδέν μοι διέφερεν· νυνὶ δὲ καὶ αὐτὸσ ἀπόρωσ διάκειμαι. σὺ οὖν, ἐπειδὴ δεδοκίμασαι καὶ ἀνὴρ γεγένησαι, σκόπει αὐτὸσ ἤδη, πόθεν ἕξεισ τὰ ἐπιτήδεια. ταῦτ’ ἀκούσαντεσ, ἐκπεπληγμένοι καὶ δακρύοντεσ ᾤχοντο πρὸσ τὴν μητέρα καὶ παραλαβόντεσ ἐκείνην ἧκον πρὸσ ἐμέ, οἰκτρῶσ ὑπὸ τοῦ πάθουσ διακείμενοι καὶ ἀθλίωσ ἐκπεπτωκότεσ, κλαίοντεσ καὶ παρακαλοῦντέσ με μὴ περιιδεῖν αὐτοὺσ ἀποστερηθέντασ τῶν πατρῴων μηδ’ εἰσ πτωχείαν καταστάντασ, ὑβρισμένουσ ὑφ’ ὧν ἥκιστα ἐχρῆν, ἀλλὰ βοηθῆσαι καὶ τῆσ ἀδελφῆσ ἕνεκα καὶ σφῶν αὐτῶν. πολλὰ ἂν εἰή λέγειν, ὅσον πένθοσ ἐν τῇ ἐμῇ οἰκίᾳ ἦν ἐν ἐκείνῳ τῷ χρόνῳ. τελευτῶσα δὲ ἡ μήτηρ αὐτῶν ἠντιβόλει με καὶ ἱκέτευσε συναγαγεῖν αὐτῆσ τὸν πατέρα καὶ τοὺσ φίλουσ, εἰποῦσα ὅτι, εἰ καὶ μὴ πρότερον εἴθισται λέγειν ἐν ἀνδράσι, τὸ μέγεθοσ αὐτὴν ἀναγκάσει τῶν συμφορῶν περὶ τῶν σφετέρων κακῶν δηλῶσαι πάντα πρὸσ ἡμᾶσ. ἐλθὼν δ’ ἐγὼ ἠγανάκτουν μὲν πρὸσ Ἡγήμονα τὸν ἔχοντα τὴν τούτου θυγατέρα, λόγουσ δ’ ἐποιούμην πρὸσ τοὺσ ἄλλουσ ἐπιτηδείουσ, ἠξίουν δὲ τοῦτον εἰσ ἔλεγχον ἰέναι περὶ τῶν πραγμάτων. Διογείτων δὲ τὸ μὲν πρῶτον οὐκ ἤθελε, τελευτῶν δὲ ὑπὸ τῶν φίλων ἠναγκάσθη.

ἐπειδὴ δὲ συνήλθομεν, ἤρετο αὐτὸν ἡ γυνή, τίνα ποτὲ ψυχὴν ἔχων ἀξιοῖ περὶ τῶν παίδων τοιαύτῃ γνώμῃ χρῆσθαι, ἀδελφὸσ μὲν ὢν τοῦ πατρὸσ αὐτῶν, πατὴρ δ’ ἐμόσ, θεῖοσ δὲ αὐτοῖσ καὶ πάπποσ.

καὶ εἰ μηδένα ἀνθρώπων ᾐσχύνου, τοὺσ θεοὺσ ἐχρῆν σε, φησί, δεδιέναι, ὃσ ἔλαβεσ μέν, ὅτ’ ἐκεῖνοσ ἐξέπλει, πέντε τάλαντα παρ’ αὐτοῦ παρακαταθήκην, καὶ περὶ τούτων ἐγὼ θέλω τοὺσ παῖδασ παραστησαμένη καὶ τούτουσ καὶ τοὺσ ὕστερον ἐμαυτῇ γενομένουσ ὀμόσαι, ὅπου ἂν οὗτοσ λέγῃ· καίτοι οὐχ οὕτωσ ἐγώ εἰμι ἀθλία οὐδ’ οὕτω περὶ πολλοῦ ποιοῦμαι χρήματα ὥστ’ ἐπιορκήσασα κατὰ τῶν παίδων τῶν ἐμαυτῆσ τὸν βίον καταναλίσκειν, ἀδίκωσ δὲ ἀφελέσθαι τὴν τοῦ πατρὸσ οὐσίαν.

ἔτι τοίνυν ἐξήλεγχεν αὐτὴ ἑπτὰ τάλαντα κεκομισμένον ναυτικὰ καὶ τετρακισχιλίασ δραχμὰσ καὶ τούτων τὰ γράμματ’ ἀπέδειξεν. ἐν γὰρ τῇ διοικίσει, ὅτ’ ἐκ Κολλυτοῦ διῳκίζετο εἰσ τὴν Φαίδρου οἰκίαν, τοὺσ παῖδασ ἐπιτυχόντασ ἐκβεβλημένῳ βιβλίῳ ἐνεγκεῖν πρὸσ αὐτήν.

ἀπέφηνε δ’ αὐτὸν ἑκατὸν μνᾶσ κεκομισμένον ἐγγείῳ ἐπὶ τόκῳ δεδανεισμένασ καὶ ἑτέρασ δισχιλίασ δραχμὰσ καὶ ἔπιπλα πολλοῦ ἄξια, φοιτᾶν δὲ καὶ σῖτον αὐτοῖσ ἐκ Χερρονήσου καθ’ ἕκαστον ἐνιαυτόν. ἔπειτα σὺ ἐτόλμησασ, ἔφη, εἰπεῖν, ἔχων τοσαῦτα χρήματα, ὡσ δισχιλίασ δραχμὰσ ὁ τούτων πατὴρ κατέλιπε καὶ τριάκοντα στατῆρασ; ἅ περ ἐμοὶ καταλειφθέντα ἐκείνου τελευτήσαντοσ ἐγώ σοι ἔδωκα· καὶ ἐκβάλλειν τούτουσ ἠξίωκασ θυγατριδοῦσ ὄντασ ἐκ τῆσ οἰκίασ τῆσ αὑτῶν ἐν τριβωνίοισ, ἀνυποδήτουσ, οὐ μετὰ ἀκολούθου, οὐ μετὰ στρωμάτων, οὐ μετὰ ἱματίων, οὐ μετὰ τῶν ἐπίπλων, ἃ ὁ πατὴρ αὐτοῖσ κατέλιπεν, οὐδὲ μετὰ τῶν παρακαταθηκῶν, ἃσ ἐκεῖνοσ παρὰ σοὶ κατέθετο.

καὶ νῦν τοὺσ μὲν ἐκ τῆσ μητρυιᾶσ τῆσ ἐμῆσ παιδεύεισ ἐν πολλοῖσ χρήμασιν εὐδαίμονασ ὄντασ καὶ ταῦτα μὲν καλῶσ ποιεῖσ, τοὺσ δ’ ἐμοὺσ ἀδικεῖσ, οὓσ ἀτίμουσ ἐκ τῆσ οἰκίασ ἐκβαλὼν ἀντὶ πλουσίων πτωχοὺσ ἀποδεῖξαι προθυμεῖ. καὶ ἐπὶ τοιούτοισ ἔργοισ οὔτε τοὺσ θεοὺσ φοβεῖ οὔτε ἐμὲ τὴν συνειδυῖαν αἰσχύνῃ οὔτε τοῦ ἀδελφοῦ μέμνησαι, ἀλλὰ πάντασ ἡμᾶσ περὶ ἐλάττονοσ ποιεῖ χρημάτων. τότε μὲν οὖν, ὦ ἄνδρεσ δικασταί, πολλῶν καὶ δεινῶν ὑπὸ τῆσ γυναικὸσ ῥηθέντων οὕτω διετέθημεν πάντεσ οἱ παρόντεσ ὑπὸ τῶν τούτῳ πεπραγμένων καὶ τῶν λόγων τῶν ἐκείνησ, ὁρῶντεσ μὲν τοὺσ παῖδασ οἱᾶ ἦσαν πεπονθότεσ, ἀναμιμνησκόμενοι δὲ τοῦ ἀποθανόντοσ, ὡσ ἀνάξιον τῆσ οὐσίασ τὸν ἐπίτροπον κατέλιπεν, ἐνθυμούμενοι δέ, ὡσ χαλεπὸν ἐξευρεῖν ὅτῳ χρὴ περὶ τῶν ἑαυτοῦ πιστεῦσαι· ὥστε, ὧ ἄνδρεσ δικασταί, μηδένα τῶν παρόντων δύνασθαι φθέγξασθαι, ἀλλὰ καὶ δακρύοντασ μὴ ἧττον τῶν πεπονθότων ἀπιόντασ οἴχεσθαι σιωπῇ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 25

(디오니시오스, chapter 25)

상위

목록

SEARCH

MENU NAVIGATION