Dionysius of Halicarnassus, chapter 25 8:

(디오니시오스, chapter 25 8:)

καὶ ἐκβάλλειν τούτουσ ἠξίωκασ θυγατριδοῦσ ὄντασ ἐκ τῆσ οἰκίασ τῆσ αὑτῶν ἐν τριβωνίοισ, ἀνυποδήτουσ, οὐ μετὰ ἀκολούθου, οὐ μετὰ στρωμάτων, οὐ μετὰ ἱματίων, οὐ μετὰ τῶν ἐπίπλων, ἃ ὁ πατὴρ αὐτοῖσ κατέλιπεν, οὐδὲ μετὰ τῶν παρακαταθηκῶν, ἃσ ἐκεῖνοσ παρὰ σοὶ κατέθετο. καὶ νῦν τοὺσ μὲν ἐκ τῆσ μητρυιᾶσ τῆσ ἐμῆσ παιδεύεισ ἐν πολλοῖσ χρήμασιν εὐδαίμονασ ὄντασ καὶ ταῦτα μὲν καλῶσ ποιεῖσ, τοὺσ δ’ ἐμοὺσ ἀδικεῖσ, οὓσ ἀτίμουσ ἐκ τῆσ οἰκίασ ἐκβαλὼν ἀντὶ πλουσίων πτωχοὺσ ἀποδεῖξαι προθυμεῖ. καὶ ἐπὶ τοιούτοισ ἔργοισ οὔτε τοὺσ θεοὺσ φοβεῖ οὔτε ἐμὲ τὴν συνειδυῖαν αἰσχύνῃ οὔτε τοῦ ἀδελφοῦ μέμνησαι, ἀλλὰ πάντασ ἡμᾶσ περὶ ἐλάττονοσ ποιεῖ χρημάτων. τότε μὲν οὖν, ὦ ἄνδρεσ δικασταί, πολλῶν καὶ δεινῶν ὑπὸ τῆσ γυναικὸσ ῥηθέντων οὕτω διετέθημεν πάντεσ οἱ παρόντεσ ὑπὸ τῶν τούτῳ πεπραγμένων καὶ τῶν λόγων τῶν ἐκείνησ, ὁρῶντεσ μὲν τοὺσ παῖδασ οἱᾶ ἦσαν πεπονθότεσ, ἀναμιμνησκόμενοι δὲ τοῦ ἀποθανόντοσ, ὡσ ἀνάξιον τῆσ οὐσίασ τὸν ἐπίτροπον κατέλιπεν, ἐνθυμούμενοι δέ, ὡσ χαλεπὸν ἐξευρεῖν ὅτῳ χρὴ περὶ τῶν ἑαυτοῦ πιστεῦσαι·

일치하는 문장이 없습니다.

SEARCH

MENU NAVIGATION