헬라어 문장 검색 - Διονψσ́ΔεΛψσιά15́

(디오니시오스, chapter 15)

νυνὶ δὲ περὶ τῶν ἑξῆσ διαλέξομαι, τίσ ὁ πραγματικόσ ἐστι Λυσίου χαρακτήρ, ἐπειδὴ τὸν ὑπὲρ τῆσ λέξεωσ λόγον ἀποδέδωκα· τουτὶ γὰρ ἔτι λείπεται τὸ μέροσ. εὑρετικὸσ γάρ ἐστι τῶν ἐν τοῖσ πράγμασιν ἐνόντων λόγων ὁ ἀνήρ, οὐ μόνον ὧν ἅπαντεσ ἂν εὑρ́οιμεν, ἀλλὰ καὶ ὧν μηθείσ. οὐδὲν γὰρ ἁπλῶσ Λυσίασ παραλείπει τῶν στοιχείων, ἐξ ὧν οἱ λόγοι, οὐ τὰ πρόσωπα, οὐ τὰ πράγματα, οὐκ αὐτὰσ τὰσ πράξεισ, οὐ τρόπουσ τε καὶ αἰτίασ αὐτῶν, οὐ καιρούσ, οὐ χρόνουσ, οὐ τόπουσ, οὐ τὰσ ἑκάστου τούτων διαφορὰσ ἄχρι τῆσ εἰσ ἐλάχιστον τομῆσ, ἀλλ’ ἐξ ἁπάσησ θεωρίασ καὶ παντὸσ μερισμοῦ τὰσ οἰκείασ ἀφορμὰσ ἐκλέγει. δηλοῦσι δὲ μάλιστα τὴν δεινότητα τῆσ εὑρέσεωσ αὐτοῦ οἵ τε ἀμάρτυροι τῶν λόγων καὶ οἱ περὶ τὰσ παραδόξουσ συνταχθέντεσ ὑποθέσεισ, ἐν οἷσ πλεῖστα καὶ κάλλιστα ἐνθυμήματα λέγει καὶ τὰ πάνυ δοκοῦντα τοῖσ ἄλλοισ ἄπορα εἶναι καὶ ἀδύνατα εὔπορα καὶ δυνατὰ φαίνεσθαι ποιεῖ, κριτικὸσ ὧν δεῖ λέγειν καὶ ὅτε μὴ πᾶσιν ἐξῆν χρῆσθαι τοῖσ εὑρεθεῖσι, τῶν κρατίστων δὲ καὶ κυριωτάτων ἐκλεκτικόσ, εἰ μὴ καὶ μάλιστα τῶν ἄλλων ῥητόρων, οὐδενόσ γε ἧττον. τάξει δὲ ἁπλῇ τινι κέχρηται τῶν πραγμάτων καὶ τὰ πολλὰ ὁμοειδεῖ, καὶ περὶ τὰσ ἐξεργασίασ τῶν ἐπιχειρημάτων ἀφελήσ τισ καὶ ἀπερίεργόσ ἐστιν·

οὔτε γὰρ προκατασκευαῖσ οὔτ’ ἐφόδοισ οὔτε μερισμοῖσ οὔτε ποικιλίαισ σχημάτων οὔτε ταῖσ ἄλλαισ ταῖσ τοιαύταισ πανουργίαισ εὑρίσκεται. χρώμενοσ,. ἀλλ’ ἔστιν ἀπέριττόσ τισ ἐλευθέριόσ τε καὶ ἀπόνηροσ οἰκονομῆσαι τὰ εὑρεθέντα. ἐκ δὴ τούτων παρακελεύομαι τοῖσ ἀναγινώσκουσιν αὐτὸν τὴν μὲν εὑρ́εσιν τῶν ἐνθυμημάτων καὶ τὴν κρίσιν ζηλοῦν, τὴν δὲ τάξιν καὶ τὴν ἐργασίαν αὐτῶν, ἐνδεεστέραν οὖσαν τοῦ προσήκοντοσ, μὴ ἀποδέχεσθαι τοῦ ἀνδρόσ, ἀλλὰ παρ’ ἑτέρων, οἳ κρείττουσ οἰκονομῆσαι τὰ εὑρεθέντα ἐγένοντο, περὶ ὧν ὕστερον ἐρῶ, τοῦτο τὸ στοιχεῖον λαμβάνειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 15

(디오니시오스, chapter 15)

상위

목록

SEARCH

MENU NAVIGATION