헬라어 문장 검색 - Διονψσ́ΔεΛψσιά13́

(디오니시오스, chapter 13)

ἀνιτέον δέ, ὅθεν ἐξέβημεν εἰσ ταῦτα, ὅτι κράτιστόν ἐστι τῶν Λυσίου ἔργων καὶ χαρακτηρικώτατον τῆσ δυνάμεωσ ἡ κοσμοῦσά τε καὶ ἀνθίζουσα τὴν λέξιν αὐτοῦ χάρισ, ἣν οὔθ’ ὑπερεβάλετο τῶν ἐπιγινομένων οὐθεὶσ οὔτε εἰσ ἄκρον ἐμιμήσατο. καὶ τὰ μὲν περὶ τὴν ἑρμηνείαν ἀγαθὰ τοῦ ῥήτοροσ ταῦτα· συγκεφαλαιώσομαι γὰρ τὰ ῥηθέντα· τὸ καθαρὸν τῶν ὀνομάτων, ἡ ἀκρίβεια τῆσ διαλέκτου, τὸ διὰ τῶν κυρίων καὶ μὴ τροπικῶν κατασκευῶν ἐκφέρειν τὰ νοήματα, ἡ σαφήνεια, ἡ συντομία, τὸ συστρέφειν τε καὶ στρογγυλίζειν τὰ νοήματα, τὸ ὑπὸ τὰσ αἰσθήσεισ ἄγειν τὰ δηλούμενα, τὸ μηδὲν ἄψυχον ὑποτίθεσθαι πρόσωπον μηδὲ ἀνηθοποίητον, ἡ τῆσ συνθέσεωσ τῶν ὀνομάτων ἡδονὴ μιμουμένησ τὸν ἰδιώτην, τὸ τοῖσ ὑποκειμένοισ προσώποισ καὶ πράγμασι τοὺσ πρέποντασ ἐφαρμόττειν λόγουσ, ἡ πιθανότησ καὶ τὸ πειστικὸν καὶ ἡ χάρισ καὶ ὁ πάντα μετρῶν καιρόσ. ταῦτα παρὰ Λυσίου λαμβάνων ἄν τισ ὠφεληθείη. ὑψηλὴ δὲ καὶ μεγαλοπρεπὴσ οὐκ ἔστιν ἡ Λυσίου λέξισ οὐδὲ καταπληκτικὴ μὰ Δία καὶ θαυμαστὴ οὐδὲ τὸ πικρὸν ἢ τὸ δεινὸν ἢ τὸ φοβερὸν ἐπιφαίνουσα οὐδὲ ἁφὰσ ἔχει καὶ τόνουσ ἰσχυροὺσ οὐδὲ θυμοῦ καὶ πνεύματόσ ἐστι μεστὴ οὐδ’, ὥσπερ ἐν τοῖσ ἤθεσίν ἐστι πιθανή, οὕτωσ ἐν τοῖσ πάθεσιν ἰσχυρὰ οὐδ’ ὡσ ἡδῦναι καὶ πεῖσαι καὶ χαριεντίσασθαι δύναται, οὕτω βιάσασθαί τε καὶ προσαναγκάσαι. ἀσφαλήσ τε μᾶλλόν ἐστιν ἢ παρακεκινδυνευμένη καὶ οὐκ ἐπὶ τοσοῦτον ἰσχὺν ἱκανὴ δηλῶσαι τέχνησ, ἐφ’ ὅσον ἀλήθειαν εἰκάσαι φύσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, chapter 13

(디오니시오스, chapter 13)

상위

목록

SEARCH

MENU NAVIGATION