헬라어 문장 검색 - Διονψσ́ΔεΛψσιά08́

(디오니시오스, chapter 8)

ἀποδίδωμί τε οὖν αὐτῷ καὶ τὴν εὐπρεπεστάτην ἀρετήν, καλουμένην δὲ ὑπὸ πολλῶν ἠθοποιϊάν. ἁπλῶσ γὰρ οὐδὲν εὑρεῖν δύναμαι παρὰ τῷ ῥήτορι τούτῳ πρόσωπον οὔτε ἀνηθοποίητον οὔτε ἄψυχον. τριῶν τε ὄντων, ἐν οἷσ καὶ περὶ ἃ τὴν ἀρετὴν εἶναι ταύτην συμβέβηκε, διανοίασ τε καὶ λέξεωσ καὶ τρίτησ τῆσ συνθέσεωσ, ἐν ἅπασι τούτοισ αὐτὸν ἀποφαίνομαι κατορθοῦν. οὐ γὰρ διανοουμένουσ μόνον ὑποτίθεται χρηστὰ καὶ ἐπιεικῆ καὶ μέτρια τοὺσ λέγοντασ, ὥστε εἰκόνασ εἶναι δοκεῖν τῶν ἠθῶν τοὺσ λόγουσ, ἀλλὰ καὶ τὴν λέξιν ἀποδίδωσι τοῖσ ἤθεσιν οἰκείαν, ᾗ πέφυκεν αὐτὰ ἑαυτῶν κράτιστα δηλοῦσθαι, τὴν σαφῆ καὶ κυρίαν καὶ κοινὴν καὶ πᾶσιν ἀνθρώποισ συνηθεστάτην· ὁ γὰρ ὄγκοσ καὶ τὸ ξένον καὶ τὸ ἐξ ἐπιτηδεύσεωσ ἅπαν ἀνηθοποίητον. καὶ συντίθησί γε αὐτὴν ἀφελῶσ πάνυ καὶ ἁπλῶσ, ὁρῶν ὅτι οὐκ ἐν τῇ περιόδῳ καὶ τοῖσ ῥυθμοῖσ, ἀλλ’ ἐν τῇ διαλελυμένῃ λέξει γίνεται τὸ ἦθοσ. καθόλου δέ, ἵνα καὶ περὶ ταύτησ εἴπω τῆσ ἀρετῆσ, οὐκ οἶδ’ εἴ τισ ἄλλοσ ῥητόρων τῶν γε τῇ ὁμοίᾳ κατασκευῇ χρησαμένων τοῦ λόγου εἴτε ἥδιον συνέθηκεν εἴτε πιθανώτερον. δοκεῖ μὲν γὰρ ἀποίητόσ τισ εἶναι καὶ ἀτεχνίτευτοσ ὁ τῆσ ἁρμονίασ αὐτοῦ χαρακτὴρ καὶ οὐ θαυμάσαιμ’ ἄν, εἰ πᾶσι μὲν τοῖσ ἰδιώταισ, οὐκ ὀλίγοισ δὲ καὶ τῶν φιλολόγων, ὅσοι μὴ μεγάλασ ἔχουσι τριβὰσ περὶ λόγουσ, τοιαύτην τινὰ παράσχοι δόξαν, ὅτι ἀνεπιτηδεύτωσ καὶ οὐ κατὰ τέχνην, αὐτομάτωσ δέ πωσ καὶ ὡσ ἔτυχε σύγκειται. ἔστι δὲ παντὸσ μᾶλλον ἔργου τεχνικοῦ κατεσκευασμένοσ. πεποίηται γὰρ αὐτῷ τοῦτο τὸ ἀποίητον καὶ δέδεται τὸ λελυμένον καὶ ἐν αὐτῷ τῷ μὴ δοκεῖν δεινῶσ κατεσκευάσθαι τὸ δεινὸν ἔχει. τὴν ἀλήθειαν οὖν τισ ἐπιτηδεύων καὶ φύσεωσ μιμητὴσ γίνεσθαι βουλόμενοσ οὐκ ἂν ἁμαρτάνοι τῇ Λυσίου συνθέσει χρώμενοσ·

ἑτέραν γὰρ οὐκ ἂν εὑρ́οι ταύτησ ἀληθεστέραν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, chapter 8

(디오니시오스, chapter 8)

상위

목록

SEARCH

MENU NAVIGATION