헬라어 문장 검색 - Διονψσ́Αντιθυί3́65́

(디오니시오스, Antiquitates Romanae, book 3, chapter 65)

ψιλῶν τε καὶ ἱππέων ἐγίνοντο, μάχη δὲ ὁλοσχερὴσ ἁπάντων οὐδεμία. ἑλκομένου δὲ τοῦ χρόνου δι’ ὀργῆσ φέρων τὴν διατριβὴν ὁ Ταρκύνιοσ ἐπὶ τὴν παρεμβολὴν τῶν πολεμίων τὰσ δυνάμεισ ἔκρινεν ἄγειν καὶ πολλὰσ ἐποιήσατο προσβολάσ. ἔπειτα καταμαθὼν τῷ βιαίῳ τῶν τρόπων οὐ ῥᾳδίαν οὖσαν αὐτὴν ἁλῶναι διὰ τὴν ἐχυρότητα τῇ σπάνει τῶν ἐπιτηδείων πολεμεῖν τοῖσ ἐν αὐτῇ διέγνω, καὶ παρὰ πάσασ τὰσ φερούσασ·

ἐπ’ αὐτὴν ὁδοὺσ φρούρια κατασκευαζόμενοσ, ξυλίζεσθαί τε αὐτοὺσ καὶ χιλὸν ἵπποισ συναγαγεῖν καὶ ἄλλα πολλὰ ἐπιτήδεια λαμβάνειν ἐκ τῆσ χώρασ οὐκ ἐῶν εἰσ πολλὴν κατέστησεν ἁπάντων ἀπορίαν· ὥστ’ ἠναγκάσθησαν φυλάξαντεσ νύκτα χειμέριον ὕδασι καὶ ἀνέμῳ φυγεῖν αἰσχρῶσ ἐκ τοῦ χάρακοσ καταλιπόντεσ ἐν αὐτῷ τά τε ὑποζύγια καὶ τὰσ σκηνὰσ καὶ τοὺσ τραυματίασ καὶ τὴν εἰσ τὸν πόλεμον παρασκευὴν ἅπασαν. τῇ δ’ ἑξῆσ ἡμέρᾳ μαθόντεσ οἱ Ῥωμαῖοι τὴν ἄπαρσιν αὐτῶν καὶ γενόμενοι τοῦ χάρακοσ ἀμαχητὶ κύριοι σκηνὰσ μὲν καὶ ὑποζύγια καὶ χρήματα διήρπασαν, τοὺσ δὲ αἰχμαλώτουσ ἀπάγοντεσ εἰσ τὴν Ῥώμην ἀνέστρεψαν.

οὗτοσ ὁ πόλεμοσ ἔτη πέντε διέμεινε συνεχῶσ πολεμούμενοσ, ἐν ᾧ γῆν ἀμφότεροι τὴν ἀλλήλων πορθοῦντεσ καὶ μάχασ πολλὰσ ἐλάττουσ τε καὶ μείζουσ μαχόμενοι διετέλεσαν, ὀλίγα μέν τινα καὶ τῶν Σαβίνων εὐτυχούντων ἐν τοῖσ ἀγῶσι, τὰ δὲ πλεῖστα Ῥωμαίων·

ἐν δὲ τῇ τελευταίᾳ μάχῃ τέλοσ ἔλαβεν ὁλοσχερέσ. Σαβῖνοι γὰρ οὐχ ὡσ πρότερον ἐκ διαδοχῆσ, ἀλλ’ ἅμα πάντεσ οἱ στρατεύσιμον ἔχοντεσ ἡλικίαν ἐξῆλθον ἐπὶ τὸν πόλεμον, Ῥωμαῖοί τε σύμπαντεσ τὰσ Λατίνων καὶ Τυρρηνῶν καὶ τῶν ἄλλων συμμάχων δυνάμεισ παραλαβόντεσ ἐχώρουν ὁμόσε τοῖσ πολεμίοισ.

ὁ μὲν οὖν τῶν Σαβίνων στρατηγὸσ διχῇ μερίσασ τὰσ δυνάμεισ δύο ποιεῖται στρατόπεδα, ὁ δὲ τῶν Ῥωμαίων βασιλεὺσ τρία ποιήσασ τάγματα καὶ τρεῖσ παρεμβολὰσ οὐ μακρὰν ἀπ’ ἀλλήλων θέμενοσ αὐτὸσ μὲν τῆσ Ῥωμαϊκῆσ ἡγεῖτο δυνάμεωσ, Ἀρρόντα δὲ τὸν ἀδελφιδοῦν τῆσ Τυρρηνικῆσ συμμαχίασ ἀπέδειξε στρατηγόν·

Λατίνων δὲ καὶ τῶν ἄλλων συμμάχων ἔταξεν ἄρχειν ἄνδρα γενναῖον μὲν τὰ πολέμια καὶ φρονεῖν τὰ δέοντα ἱκανώτατον, ξένον δὲ καὶ ἄπολιν·

Σερούϊοσ αὐτῷ προσηγορικον ὄνομα ἦν, Τύλλιοσ δὲ τὸ συγγενικόν·

ᾧ Ῥωμαῖοι μετὰ τὴν Λευκίου Ταρκυνίου τελευτὴν βασιλεύειν τῆσ πόλεωσ ἐπέτρεψαν οὐκ οὔσησ Ταρκυνίῳ γενεᾶσ ἄρρενοσ, ἀγάμενοι τὸν ἄνδρα τῆσ τε περὶ τὰ πολιτικὰ καὶ τῆσ περὶ τὰ πολέμια ἀρετῆσ. γένοσ δὲ τοῦ ἀνδρὸσ τοῦδε καὶ τροφὰσ καὶ τύχασ καὶ τὴν ἐκ τοῦ θείου γενομένην περὶ αὐτὸν ἐπιφάνειαν, ὅταν κατὰ τοῦτο γένωμαι τὸ μέροσ τοῦ λόγου, διηγήσομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 65

(디오니시오스, Antiquitates Romanae, book 3, chapter 65)

상위

목록

SEARCH

MENU NAVIGATION