헬라어 텍스트

Dionysius of Halicarnassus, Antiquitates Romanae, book 3, chapter 61

(디오니시오스, Antiquitates Romanae, book 3, chapter 61)

ταύτασ λαβόντεσ οἱ πρέσβεισ τὰσ ἀποκρίσεισ ᾤχοντο καὶ μετ’ ὀλίγασ ἡμέρασ παρῆσαν οὐ λόγουσ αὐτῷ μόνον φέροντεσ ψιλούσ, ἀλλὰ καὶ τὰ σύμβολα τῆσ ἡγεμονίασ, οἷσ ἐκόσμουν αὐτοὶ τοὺσ σφετέρουσ βασιλεῖσ, κομίζοντεσ στεφανόν τε χρύσεον καὶ θρόνον ἐλεφάντινον καὶ σκῆπτρον ἀετὸν ἔχον ἐπὶ τῆσ κεφαλῆσ χιτῶνά τε πορφυροῦν χρυσόσημον καὶ περιβόλαιον πορφυροῦν ποικίλον, οἱᾶ Λυδῶν τε καὶ Περσῶν ἐφόρουν οἱ βασιλεῖσ, πλὴν οὐ τετράγωνόν γε τῷ σχήματι, καθάπερ ἐκεῖνα ἦν, ἀλλ’ ἡμικύκλιον. τὰ δὲ τοιαῦτα τῶν ἀμφιεσμάτων Ῥωμαῖοι μὲν τόγασ, Ἕλληνεσ δὲ τήβεννον καλοῦσιν, οὐκ οἶδ’ ὁπόθεν μαθόντεσ· Ἑλληνικὸν γὰρ οὐ φαίνεταί μοι τοὔνομα εἶναι.

ὡσ δέ τινεσ ἱστοροῦσι καὶ τοὺσ δώδεκα πελέκεισ ἐκόμισαν αὐτῷ λαβόντεσ ἐξ ἑκάστησ πόλεωσ ἕνα.

Τυρρηνικὸν γὰρ εἶναι ἔθοσ δοκεῖ ἑκάστου τῶν κατὰ πόλιν βασιλέων ἕνα προηγεῖσθαι ῥαβδοφόρον ἅμα τῇ δέσμῃ τῶν ῥάβδων πέλεκυν φέροντα· εἰ δὲ κοινὴ γίνοιτο τῶν δώδεκα πόλεων στρατεία, τοὺσ δώδεκα πελέκεισ ἑνὶ παραδίδοσθαι τῷ λαβόντι τὴν αὐτοκράτορα ἀρχήν. οὐ μὴν ἅπαντέσ γε συμφέρονται τοῖσ ταῦτα λέγουσιν, ἀλλὰ παλαίτερον ἔτι τῆσ Ταρκυνίου δυναστείασ πελέκεισ δώδεκα πρὸ τῶν βασιλέων φέρεσθαί φασι, καταστήσασθαι δὲ τὸ ἔθοσ τοῦτο Ῥωμύλον εὐθὺσ ἅμα τῷ παραλαβεῖν τὴν ἀρχήν.

καὶ μὴ λαβόντεσ γε παρ’ ἐκείνων ἔχουσιν αὐτά.