호흡부호 보기
강세부호 보기
장단부호 보기
작은 Iota 보기
모든 부호 보기
ἐπαγωγὰ πρὸσ ἐπιείκειαν καὶ μετριότητα καὶ τῆσ συγγενείασ, ἧσ εἶχε πρὸσ τὸ ἔθνοσ, ὑπομιμνησκόντων ἓν τοῦτο μόνον ἔφη παρ’ αὐτῶν βούλεσθαι μαθεῖν, πότερον ἔτι διαφέρονται περὶ τῶν ἴσων καὶ ἐπὶ ῥητοῖσ τισι τὰσ περὶ τῆσ εἰρήνησ ὁμολογίασ πάρεισι ποιησόμενοι, ἢ συγγινώσκουσιν ἑαυτοῖσ κεκρατημένοισ καὶ τὰσ πόλεισ ἐπιτρέπουσιν αὐτῷ. ἀποκριναμένων δ’ αὐτῶν ὅτι καὶ τὰσ πόλεισ ἐπιτρέπουσιν αὐτῷ καὶ τὴν εἰρήνην στέρξουσιν ἐφ’ οἷσ ἄν ποτε δικαίοισ αὐτῆσ τύχωσι, περιχαρὴσ ἐπὶ τούτοισ γενόμενοσ, ἀκούσατε νῦν, ἔφησεν, ἐφ’ οἷσ καταλύσομαι τὸν πόλεμον δικαίοισ καὶ τίνασ ὑμῖν δίδωμι χάριτασ· ἐγὼ Τυρρηνῶν οὔτε ἀποκτεῖναί τινα πρόθυμόσ εἰμι οὔτε φυγάδα ποιῆσαι τῆσ πατρίδοσ οὔτε ἀφαιρέσει τῶν ὑπαρχόντων ζημιῶσαι τάσ τε πόλεισ ὑμῖν ἀφίημι πάσασ ἀφρουρήτουσ καὶ ἀφορολογήτουσ καὶ αὐτονόμουσ πολιτείασ τε κόσμον ἑκάστῃ φυλάττειν συγχωρῶ τὸν ἀρχαῖον.
διδοὺσ δὲ ταῦθ’ ὑμῖν ἓν οἰόμαι δεῖν ἀνθ’ ὧν δίδωμι πάντων ὑπάρξαι μοι παρ’ ὑμῶν, τὴν ἡγεμονίαν τῶν πόλεων, ἧσ κύριοσ μὲν ἔσομαι καὶ μὴ βουλομένων ὑμῶν ἑώσ ἂν κρατῶ τοῖσ ὅπλοισ, παρ’ ἑκόντων δὲ μᾶλλον ἢ παρ’ ἀκόντων τυχεῖν αὐτῆσ βούλομαι.
ταῦτ’ ἀπαγγέλλετε ταῖσ πόλεσιν, ἐγὼ δὲ ὑμῖν ἐκεχειρίαν ἑώσ ἂν ἀφίκησθε παρέξειν ὑπισχνοῦμαι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기