헬라어 문장 검색 - Διονψσ́Αντιθυί3́59́

(디오니시오스, Antiquitates Romanae, book 3, chapter 59)

τελευταία δὲ μάχη Ῥωμαίων καὶ Τυρρηνῶν ἐγένετο πόλεωσ Ἠρήτου πλησίον ἐν τῇ Σαβίνων γῇ. δι’ ἐκείνησ γὰρ ἐποιήσαντο τὴν ἐπὶ τοὺσ Ῥωμαίουσ ἔλασιν οἱ Τυρρηνοὶ πεισθέντεσ ὑπὸ τῶν ἐκεῖ δυνατῶν, ὡσ συστρατευσομένων σφίσι τῶν Σαβίνων. αἱ γὰρ ἑξαετεῖσ αὐτοῖσ περὶ τῆσ εἰρήνησ πρὸσ Ταρκύνιον ἀνοχαὶ διεληλύθεσαν ἤδη, καὶ πολλοῖσ τῶν Σαβίνων πόθοσ ἦν ἐπανορθώσασθαι τὰσ προτέρασ ἥττασ ἐπιτεθραμμένησ ἐν ταῖσ πόλεσι νεότητοσ ἱκανῆσ. οὐ μὴν ἐχώρησέ γε αὐτοῖσ ἡ πεῖρα κατὰ νοῦν θᾶττον ἐπιφανείσησ τῆσ Ῥωμαίων στρατιᾶσ, οὐδ’ ἐξεγένετο παρ’ οὐδεμιᾶσ τῶν πόλεων κοινὴν ἀποσταλῆναι τοῖσ Τυρρηνοῖσ συμμαχίαν, ἀλλ’ ἐθελονταί τινεσ ἐπεκούρησαν αὐτοῖσ ὀλίγοι μισθοῖσ μεγάλοισ ὑπαχθέντεσ.

ἐκ ταύτησ τῆσ μάχησ μεγίστησ τῶν προτέρων γενομένησ, ὅσασ πρὸσ ἀλλήλουσ ἐπολέμησαν, τὰ μὲν Ῥωμαίων πράγματα θαυμαστὴν ὅσην ἐπίδοσιν ἔλαβε νίκην ἐξενεγκαμένων καλλίστην, καὶ βασιλεῖ Ταρκυνίῳ τὴν τροπαιοφόρον πομπὴν κατάγειν ἥ τε βουλὴ καὶ ὁ δῆμοσ ἐψηφίσατο, τὰ δὲ τῶν Τυρρηνῶν ἔπεσε φρονήματα πάσασ μὲν ἐξαποστειλάντων εἰσ τὸν ἀγῶνα τὰσ ἐξ ἑκάστησ πόλεωσ δυνάμεισ, ὀλίγουσ δέ τινασ ἐκ πολλῶν τοὺσ διασωθέντασ ὑποδεξαμένων.

οἱ μὲν γὰρ ἐν τῇ παρατάξει μαχόμενοι κατεκόπησαν, οἱ δ’ ἐν τῇ τροπῇ δυσχωρίαισ ἐγκυρήσαντεσ ἀνεξόδοισ παρέδοσαν τοῖσ κεκρατηκόσιν ἑαυτούσ.

τοιαύτησ μέντοι συμφορᾶσ πειραθέντεσ οἱ δυνατώτατοι τῶν ἐν ταῖσ πόλεσιν ἔργον ἐποίησαν ἀνθρώπων φρονίμων.

ἑτέραν γὰρ στρατιὰν ἐπ’ αὐτοὺσ ἐξαγαγόντοσ βασιλέωσ Ταρκυνίου συναχθέντεσ εἰσ μίαν ἀγορὰν περὶ καταλύσεωσ τοῦ πολέμου διαλέγεσθαι πρὸσ αὐτὸν ἐψηφίσαντο καὶ πέμπουσι τοὺσ πρεσβυτάτουσ ἄνδρασ καὶ τιμιωτάτουσ ἐξ ἑκάστησ πόλεωσ αὐτοκράτορασ ἀποδείξαντεσ τῶν περὶ τῆσ εἰρήνησ ὁμολογιῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 59

(디오니시오스, Antiquitates Romanae, book 3, chapter 59)

상위

목록

SEARCH

MENU NAVIGATION