Ancient Greek Text

Dionysius of Halicarnassus, Antiquitates Romanae, book 3, chapter 58

(디오니시오스, Antiquitates Romanae, book 3, chapter 58)

Οὐιεντανοὶ μὲν οὖν ἐξ ἐκείνησ τῆσ μάχησ μεγάλωσ κακωθέντεσ οὐκέτι προῄεσαν ἐκ τῆσ πόλεωσ, ἀλλ’ ἠνείχοντο κειρομένην τὴν χώραν ὁρῶντεσ. εὐδαίμων δ’ ἦν εἰ καί τισ ἄλλη τῶν ἐν Τυρρηνίᾳ πόλεων καὶ πολυάνθρωποσ·

ἐξ ἧσ στρατιὰ μεγάλη μαχησομένη περὶ τῆσ χώρασ ἐξῆλθε καὶ πολλοὺσ μὲν διαφθείρασα τῶν πολεμίων, πολλῷ δ’ ἔτι πλείουσ ἀποβαλοῦσα τῶν σφετέρων, εἰσ τὴν πόλιν κατέφυγε.

τῆσ δὲ χώρασ αὐτῶν οἱ Ῥωμαῖοι κρατοῦντεσ ἄφθονα πάντα παρεχομένησ συχνὰσ διέτριψαν ἡμέρασ, καὶ ἐπειδὴ καιρὸσ ἀπάρσεωσ ἦν, ἄγοντεσ ὅσασ οἱοῖ́ τε ἦσαν ὠφελείασ ἀπῄεσαν ἐπ’ οἴκου. Ταρκύνιοσ δ’ ἐπειδὴ τὰ πρὸσ Οὐιεντανοὺσ ἐχώρησεν αὐτῷ κατὰ νοῦν, ἐπὶ τοὺσ ἐν Φιδήνῃ πολεμίουσ ἐξάγει τὴν στρατιὰν ἐκβαλεῖν τε βουλόμενοσ τὴν ἐν αὐτῇ φρουρὰν καὶ τοὺσ παραδόντασ τοῖσ Τυρρηνοῖσ τὰ τείχη τιμωρήσασθαι προθυμούμενοσ.

ἐγένετο μὲν οὖν καὶ ἐκ παρατάξεωσ μάχη τοῖσ Ῥωμαίοισ πρὸσ τοὺσ ἐκ τῆσ πόλεωσ ἐξελθόντασ καὶ ἐν ταῖσ τειχομαχίαισ ἀγὼν καρτερόσ. ἑάλω δ’ οὖν ἡ πόλισ κατὰ κράτοσ, καὶ οἱ μὲν φρουροὶ δεθέντεσ ἅμα τοῖσ ἄλλοισ τῶν Τυρρηνῶν αἰχμαλώτοισ ἦσαν ἐν φυλακῇ, Φιδηναίων δὲ οἱ δοκοῦντεσ αἴτιοι γεγονέναι τῆσ ἀποστάσεωσ οἱ μὲν ὑπὸ μαστίγων αἰκισθέντεσ ἐν τῷ φανερῷ τοὺσ αὐχένασ ἀπεκόπησαν, οἱ δὲ φυγαῖσ ἐζημιώθησαν ἀιδίοισ·

αὐτῶν διέλαχον οἱ καταλειφθέντεσ Ῥωμαίων ἔποικοί τε καὶ φρουροὶ τῆσ πόλεωσ.