헬라어 문장 검색 - Διονψσ́Αντιθυί3́49́

(디오니시오스, Antiquitates Romanae, book 3, chapter 49)

τοιοῦτοσ μὲν δή τισ ὁ Ταρκύνιοσ ἦν καὶ διὰ ταύτασ τὰσ αἰτίασ ζῶντόσ τε Μαρκίου πάντων ἐγένετο Ῥωμαίων ἐπιφανέστατοσ καὶ τελευτήσαντοσ ἐκείνου τῆσ βασιλείασ ὑπὸ πάντων ἄξιοσ ἐκρίθη. ἐπειδὴ δὲ παρέλαβε τὴν ἀρχήν, πρῶτον μὲν ἐπολέμησε τοῖσ καλουμένοισ Ἀπιολανοῖσ πόλει τοῦ Λατίνων ἔθνουσ οὐκ ἀφανεῖ. οἱ γὰρ Ἀπιολανοὶ καὶ οἱ ἄλλοι σύμπαντεσ Λατῖνοι μετὰ τὸν Ἄγκου Μαρκίου θάνατον λελύσθαι τὰσ περὶ τῆσ εἰρήνησ ὁμολογίασ οἰόμενοι λῃστείαισ τε καὶ προνομαῖσ τὴν Ῥωμαίων γῆν ἐπόρθουν· ἀνθ’ ὧν τιμωρήσασθαι βουλόμενοσ αὐτοὺσ ὁ Ταρκύνιοσ ἐξεστράτευσε πολλῇ δυνάμει καὶ τῆσ γῆσ αὐτῶν τὴν κρατίστην ἐδῄωσεν·

ἀφικομένησ δ’ ἐκ τῶν πλησιοχώρων Λατίνων ἐπικουρίασ μεγάλησ τοῖσ Ἀπιολανοῖσ διττὰσ τίθεται πρὸσ αὐτοὺσ μάχασ, κρατήσασ δ’ ἐν ἀμφοτέραισ περὶ τὴν πολιορκίαν τῆσ πόλεωσ ἐγίνετο καὶ προσῆγε τοῖσ τείχεσι τὰσ δυνάμεισ ἐκ διαδοχῆσ·

οἱ δ’ ἐκ τῆσ πόλεωσ ὀλίγοι τε πρὸσ πολλοὺσ μαχόμενοι καὶ κατ’ οὐδένα καιρὸν ἀναπαύσεωσ τυγχάνοντεσ ἐξῃρέθησαν σὺν χρόνῳ. ἁλούσησ δὲ κατὰ κράτοσ τῆσ πόλεωσ οἱ μὲν πλείουσ τῶν Ἀπιολανῶν μαχόμενοι κατεσφάγησαν, ὀλίγοι δὲ τὰ ὅπλα παραδόντεσ ἅμα τοῖσ ἄλλοισ λαφύροισ ἐπράθησαν, παῖδέσ τε αὐτῶν καὶ γυναῖκεσ ἀνδραποδισθέντεσ ὑπὸ Ῥωμαίων ἀπήχθησαν, καὶ ἡ πόλισ διαρπασθεῖσα ἐνεπρήσθη. ταῦτα διαπραξάμενοσ ὁ βασιλεὺσ καὶ τὸ τεῖχοσ ἐκ θεμελίων κατασκάψασ ἀπῆγε τὴν δύναμιν ἐπ’ οἴκου καὶ μετὰ τοῦθ’ ἑτέραν στρατιὰν ἦγεν ἐπὶ τὴν Κρουστομερίνων πόλιν.

αὕτη δὲ ἀποικία μὲν ἦν Λατίνων, προσεχώρησε δὲ Ῥωμαίοισ ἐπὶ τῆσ Ῥωμύλου δυναστείασ· Ταρκυνίου δὲ τὴν ἀρχὴν παραλαβόντοσ τὰ Λατίνων αὖθισ ἤρξατο φρονεῖν. οὐ μὴν ἐδέησέ γε καὶ ταύτην πολιορκίᾳ τε παραστήσασθαι καὶ πόνῳ· μαθόντεσ γὰρ οἱ Κρουστομερῖνοι τό τε πλῆθοσ τῆσ ἡκούσησ ἐπ’ αὐτοὺσ δυνάμεωσ καὶ τὴν ἑαυτῶν ἀσθένειαν οὐδεμιᾶσ αὐτοῖσ ἐπικουρίασ παρὰ τῶν ἄλλων Λατίνων ἀφικομένησ ἀνέῳξαν τὰσ πύλασ καὶ προελθόντεσ οἱ πρεσβύτατοι τῶν πολιτῶν καὶ τιμιώτατοι παρέδοσαν αὐτῷ τὴν πόλιν ἀξιοῦντεσ ἐπιεικῶσ σφισι χρήσασθαι καὶ μετρίωσ.

τῷ δὲ κατ’ εὐχὴν τὸ πρᾶγμα ἐφάνη καὶ παρελθὼν εἰσ τὸ τεῖχοσ ἀπέκτεινε μὲν οὐδένα Κρουστομερίνων, ὀλίγουσ δὲ πάνυ τοὺσ αἰτίουσ τῆσ ἀποστάσεωσ φυγαῖσ ἀιδίοισ ἐζημίωσε, τοῖσ δ’ ἄλλοισ ἅπασι τὰ σφέτερα συνεχώρησεν ἔχειν καὶ τῆσ Ῥωμαίων πολιτείασ μετέχειν ὡσ πρότερον, τοῦ δὲ μηδὲν ἔτι παρακινῆσαι χάριν ἐποίκουσ αὐτοῖσ κατέλιπε Ῥωμαίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 49

(디오니시오스, Antiquitates Romanae, book 3, chapter 49)

상위

목록

SEARCH

MENU NAVIGATION