헬라어 문장 검색 - Διονψσ́Αντιθυί3́48́

(디오니시오스, Antiquitates Romanae, book 3, chapter 48)

ὁ δὲ περιχαρὴσ τῷ σημείῳ γενόμενοσ ἐπειδὴ ταῖσ πύλαισ ἤδη συνήγγιζεν, εὐξάμενοσ τοῖσ θεοῖσ ἐπιτελῆ γενέσθαι τὰ μαντεύματα καὶ σὺν ἀγαθαῖσ εἰσελθεῖν τύχαισ παρῆλθεν εἰσ τὴν πόλιν· καὶ μετὰ τοῦτο συνελθὼν εἰσ λόγουσ Μαρκίῳ τῷ βασιλεῖ πρῶτον μὲν ἑαυτὸν ἐδήλωσεν ὅστισ ἦν, ἔπειθ’ ὅτι κατοικεῖν ἐν τῇ πόλει βουλόμενοσ παρείη πᾶσαν τὴν πατρικὴν οὐσίαν ἐπαγόμενοσ, ἣν εἰσ τὸ κοινὸν ἔφη τῷ βασιλεῖ καὶ τῇ Ῥωμαίων πόλει τιθέναι μείζονα οὖσαν ἢ κατ’ ἰδιώτην ἄνδρα κεκτῆσθαι. ἀσμένωσ δὲ τοῦ βασιλέωσ αὐτὸν ὑποδεξαμένου καὶ καταχωρίσαντοσ ἅμα τοῖσ συμπαροῦσιν αὐτῷ Τυρρηνῶν εἰσ φυλήν τε καὶ φρατρίαν, οἰκίαν τε κατασκευάζεται τόπον διαλαχὼν τῆσ πόλεωσ τὸν ἀρκοῦντα καὶ γῆσ λαμβάνει κλῆρον.

ἐπεὶ δὲ ταῦτα διῳκήσατο καὶ τῶν ἀστῶν εἷσ ἐγεγόνει, μαθὼν ὅτι Ῥωμαίων ἑκάστῳ κοινόν τ’ ὄνομα κεῖται καὶ μετὰ τὸ κοινὸν ἕτερον, ὃ δὴ συγγενικὸν αὐτοῖσ ἐστι καὶ πατρωνυμικόν, ἐξομοιοῦσθαι καὶ κατὰ τοῦτο αὐτοῖσ βουλόμενοσ Λεύκιον μὲν ἀντὶ Λοκόμωνοσ ἑαυτῷ τίθεται τὸ κοινὸν ὄνομα, Ταρκύνιον δὲ τὸ συγγενικὸν ἐπὶ τῆσ πόλεωσ ἐν ᾗ γενέσεώσ τε καὶ τροφῆσ ἔτυχε·

βασιλέωσ τε φίλοσ ἐν ὀλίγῳ πάνυ χρόνῳ γίνεται δῶρα διδούσ, ὧν αὐτὸν ἐν χρείᾳ μάλιστα γινόμενον ᾐσθάνετο καὶ χρήματα παρέχων εἰσ τὰσ πολεμικὰσ χρείασ ὅσων ἐδεῖτο, ἐν δὲ ταῖσ στρατείαισ ἁπάντων κράτιστα πεζῶν τε καὶ ἱππέων ἀγωνιζόμενοσ γνώμησ τε ὅπου δεήσειεν ἀγαθῆσ ἐν τοῖσ πάνυ φρονίμοισ τῶν συμβούλων ἀριθμούμενοσ.

γενόμενοσ δὲ παρὰ τῷ βασιλεῖ τίμιοσ οὐδὲ τῆσ ἄλλων Ῥωμαίων εὐνοίασ διήμαρτεν, ἀλλὰ καὶ τῶν πατρικίων πολλοὺσ ταῖσ εὐεργεσίαισ ὑπηγάγετο καὶ τὸ δημοτικὸν πλῆθοσ οἰκείωσ ἔχειν ἑαυτῷ παρεσκεύασεν εὐπροσηγόροισ τε ἀσπασμοῖσ καὶ κεχαρισμέναισ ὁμιλίαισ καὶ χρημάτων μεταδόσει καὶ ταῖσ ἄλλαισ φιλοφροσύναισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, book 3, chapter 48

(디오니시오스, Antiquitates Romanae, book 3, chapter 48)

상위

목록

SEARCH

MENU NAVIGATION