헬라어 문장 검색 - Διονψσ́Αντιθυί3́47́

(디오니시오스, Antiquitates Romanae, book 3, chapter 47)

καὶ μετ’ οὐ πολὺν χρόνον ὁ μὲν πρεσβύτεροσ αὐτοῦ τῶν παίδων γένοσ οὐδὲν καταλιπὼν ἐμφανὲσ ἀποθνήσκει. καὶ μετ’ ὀλίγασ ἡμέρασ αὐτὸσ ὁ Δημάρατοσ ὑπὸ λύπησ τελευτᾷ κληρονόμον ἁπάσησ τῆσ οὐσίασ τὸν περιλειπόμενον τῶν παίδων Λοκόμωνα καταλιπών· ὃσ παραλαβὼν τὸν πατρικὸν πλοῦτον μέγαν ὄντα πολιτεύεσθαί τε καὶ τὰ κοινὰ πράττειν καὶ ἐν τοῖσ πρώτοισ τῶν ἀστῶν εἶναι προῄρητο. ἀπελαυνόμενοσ δὲ πανταχόθεν ὑπὸ τῶν ἐπιχωρίων καὶ οὐχ ὅπωσ ἐν τοῖσ πρώτοισ ἀριθμούμενοσ, ἀλλ’ οὐδ’ ἐν τοῖσ μέσοισ, ἀνιαρῶσ ἔφερε τὴν ἀτιμίαν.

ἀκούων δὲ περὶ τῆσ Ῥωμαίων πόλεωσ, ὅτι πάντασ ἀσμένωσ ὑποδεχομένη τοὺσ ξένουσ ἀστοὺσ ποιεῖται καὶ τιμᾷ κατὰ τὴν ἀξίαν ἕκαστον, ἐκεῖ μετενέγκασθαι τὴν οἴκησιν ἔγνω τά τε χρήματα πάντα συσκευασάμενοσ καὶ τὴν γυναῖκα ἐπαγόμενοσ καὶ τῶν ἄλλων φίλων καὶ οἰκείων τοὺσ βουλομένουσ·

ἐγένοντο δὲ οἱ συναπαίρειν αὐτῷ προθυμηθέντεσ συχνοί. ὡσ δὲ κατὰ τὸ καλούμενον Ιἀνίκολον ἦσαν, ὅθεν ἡ Ῥώμη τοῖσ ἀπὸ Τυρρηνίασ ἐρχομένοισ πρῶτον ἀφορᾶται, καταπτὰσ ἀετὸσ ἄφνω καὶ τὸν πῖλον αὐτοῦ τὸν ἐπὶ τῆσ κεφαλῆσ κείμενον ἁρπάσασ, ἀνέπτη πάλιν ἄνω κατὰ τὴν ἐγκύκλιον αἰώραν φερόμενοσ καὶ εἰσ τὸ βάθοσ τοῦ περιέχοντοσ ἀέροσ ἀπέκρυψεν·

ἔπειτ’ ἐξαίφνησ ἐπιτίθησι τῷ Λοκόμωνι τὸν πῖλον ἐπὶ τὴν κεφαλὴν ἁρμόσασ ὡσ πρότερον ἡρ́μοστο. θαυμαστοῦ δὲ καὶ παραδόξου πᾶσι τοῦ σημείου φανέντοσ ἡ γυνὴ τοῦ Λοκόμωνοσ ὄνομα Τανακύλλα ἐμπειρίαν ἱκανὴν ἐκ πατέρων ἔχουσα τῆσ Τυρρηνικῆσ οἰωνοσκοπίασ, λαβοῦσα μόνον αὐτὸν ἀπὸ τῶν συνόντων ἠσπάσατό τε καὶ ἀγαθῶν ἐλπίδων ἐνέπλησεν ὡσ ἐξ ἰδιωτικῆσ τύχησ εἰσ ἐξουσίαν βασιλικὴν ἐλευσόμενον.

σκοπεῖν μέντοι συνεβούλευεν ὅπωσ παρ’ ἑκόντων λήψεται Ῥωμαίων τὴν ἡγεμονίαν ἄξιον τῆσ τιμῆσ ταύτησ ἑαυτὸν παρασχών.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 47

(디오니시오스, Antiquitates Romanae, book 3, chapter 47)

상위

목록

SEARCH

MENU NAVIGATION