Dionysius of Halicarnassus, Antiquitates Romanae, book 3, chapter 45

(디오니시오스, Antiquitates Romanae, book 3, chapter 45)

ἐτείχισε δὲ καὶ τὸ καλούμενον Ιἀνίκολον ὄροσ ὑψηλὸν ἐπέκεινα τοῦ Τεβέριοσ ποταμοῦ κείμενον καὶ φρουρὰν ἱκανὴν ἐν αὐτῷ κατέστησεν ἀσφαλείασ ἕνεκα τῶν διὰ τοῦ ποταμοῦ πλεόντων· ἐλῄστευον γὰρ οἱ Τυρρηνοὶ τοὺσ ἐμπόρουσ ἅπασαν κατέχοντεσ τὴν ἐπέκεινα τοῦ ποταμοῦ χώραν· καὶ τὴν ξυλίνην γέφυραν, ἣν ἄνευ χαλκοῦ καὶ σιδήρου δεδέσθαι θέμισ ὑπ’ αὐτῶν διακρατουμένην τῶν ξυλίνων, ἐκεῖνοσ ἐπιθεῖναι τῷ Τεβέρει λέγεται, ἣν ἄχρι τοῦ παρόντοσ διαφυλάττουσιν ἱερὰν εἶναι νομίζοντεσ.

εἰ δέ τι πονήσειεν αὐτῆσ μέροσ οἱ ἱεροφάνται θεραπεύουσι θυσίασ τινὰσ ἐπιτελοῦντεσ ἅμα τῇ κατασκευῇ πατρίουσ. ὁ βασιλεὺσ οὗτοσ ἱστορίασ ἄξια καὶ τὴν Ῥώμην οὐκ ὀλίγῳ κρείττονα παραδοὺσ τοῖσ ἐπιγινομένοισ ἧσ αὐτὸσ παρέλαβεν, ἔτη τέτταρα πρὸσ τοῖσ εἴκοσι τὴν βασιλείαν κατασχὼν ἀποθνήσκει δύο καταλιπὼν υἱούσ, τὸν μὲν ἔτι παῖδα τὴν ἡλικίαν, τὸν δὲ πρεσβύτερον ἀρτίωσ γενειῶντα.

일치하는 문장이 없습니다.

SEARCH

MENU NAVIGATION