호흡부호 보기
강세부호 보기
장단부호 보기
작은 Iota 보기
모든 부호 보기
πρῶτον μὲν τῇ πόλει μοῖραν οὐ μικρὰν προσέθηκεν τειχίσασ τὸν λεγόμενον Αουἐντῖνον· ἔστι δὲ λόφοσ ὑψηλὸσ ἐπιεικῶσ ὀκτωκαίδεκά που σταδίων τὴν περίμετρον, ὃσ τότε μὲν ὕλησ παντοδαπῆσ μεστὸσ ἦν, πλείστησ δὲ καὶ καλλίστησ δάφνησ, ἐφ’ ἧσ Λαυρῆτον ὑπὸ Ῥωμαίων καλεῖται τόποσ τισ ἐπ’ αὐτοῦ· νῦν δὲ οἰκιῶν ἐστι πλήρησ ἅπασ, ἔνθα σὺν πολλοῖσ ἄλλοισ καὶ τὸ τῆσ Ἀρτέμιδοσ ἱερὸν ἵδρυται, εἴργεται δὲ ἀφ’ ἑτέρου τῶν συμπεριεχομένων τῇ Ῥώμῃ λόφων τοῦ καλουμένου Παλλαντίου, περὶ ὃν ἡ πρώτη κατασκευασθεῖσα πόλισ ἱδρύθη, βαθείᾳ καὶ στενῇ φάραγγι. ἐν δὲ τοῖσ ὕστερον χρόνοισ ἐχώσθη πᾶσ ὁ μεταξὺ τῶν λόφων αὐλών.
τοῦτον δὴ τὸν λόφον ἐπιτείχισμα κατὰ τῆσ πόλεωσ ὁρῶν ἐσόμενον, εἴ τισ αὐτῇ ἐπίοι στρατὸσ τείχει καὶ τάφρῳ περιέλαβε καὶ τοὺσ μεταχθέντασ ἐκ Τελλήνησ τε καὶ Πολιτωρίου καὶ τῶν ἄλλων πόλεων ὅσων ἐκράτησεν ἐν τούτῳ τῷ χωρίῳ καθίδρυσεν.
ἓν μὲν δὴ τοῦτο τὸ πολίτευμα τοῦ βασιλέωσ παραδίδοται καλὸν ἅμα καὶ πραγματικόν, ἐξ οὗ μείζονά τε συνέβη γενέσθαι τὴν πόλιν ἑτέρασ προσθέσει πόλεωσ καὶ πολλῇ χειρὶ πολεμίων ἐπιστρατευσάντων ἧττον εὔληπτον·
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기