헬라어 문장 검색 - Διονψσ́Αντιθυί3́40́

(디오니시오스, Antiquitates Romanae, book 3, chapter 40)

μαθὼν δὲ τὴν διάνοιαν αὐτῶν ὁ Μάρκιοσ ὑπονόμουσ ὤρυττεν ἀπὸ τῆσ ἰδίασ παρεμβολῆσ ἀρξάμενοσ ὑπὸ τὰ τείχη τῆσ πόλεωσ, καὶ ἐπειδὴ τέλοσ εἶχεν ἤδη τὸ ἔργον, ἀναστήσασ τὸν στρατὸν ἦγεν ἐπὶ τὴν πόλιν, μηχανάσ τε πολλὰσ καὶ κλίμακασ καὶ τἆλλα πρὸσ τειχομαχίαν κατεσκευασμένα ἐπαγόμενοσ, οὐ καθ’ ὃν αἱ διώρυγεσ ἐγίνοντο τοῦ τείχουσ τόπον, ἀλλὰ καθ’ ἕτερον. πολιορκοῦσι τὰσ πύλασ.

πολλῶν δ’ ἐν τῇ καταλήψει τῆσ πόλεωσ ἀπολλυμένων τοὺσ λοιποὺσ τῶν Φιδηναίων ὅπλα τε παραδοῦναι κελεύσασ ὁ Μάρκιοσ καὶ εἰσ ἕνα τόπον τῆσ πόλεωσ ἅπαντασ προκηρύξασ συνελθεῖν, ὀλίγουσ ἐξ αὐτῶν τοὺσ αἰτίουσ τῆσ ἀποστάσεωσ μάστιξιν αἰκισάμενοσ ἀπέκτεινεν, οἰκίασ δ’ ἁπάντων διαρπάσαι τοῖσ στρατιώταισ ἐπιτρέψασ καὶ φρουρὰν ἐν τῇ πόλει καταλιπὼν ἀξιόχρεων ἀπῆγε τὴν δύναμιν ἐπὶ Σαβίνουσ.

οὐδὲ γὰρ ἐκεῖνοι διέμειναν ἐν ταῖσ ὁμολογίαισ, αἷσ ἐποιήσαντο περὶ τῆσ εἰρήνησ πρὸσ βασιλέα Τύλλον, ἀλλ’ ἐμβαλόντεσ εἰσ τὴν Ῥωμαίων γῆν ἐδῄουν αὖθισ τὴν ὅμορον, μαθών τε ὁ Μάρκιοσ παρά τε κατασκόπων καὶ αὐτομόλων τον καιρὸν τῆσ ἐπιχειρήσεωσ ἐσκεδασμένων τῶν Σαβίνων καὶ λεηλατούντων τοὺσ ἀγροὺσ αὐτὸσ μὲν ἅμα τοῖσ πεζοῖσ ἐπὶ τὸν χάρακα τῶν πολεμίων ἀφικόμενοσ ὀλίγην ἔχοντα φυλακὴν καταλαμβάνει τὸ ἔρυμα ἐξ ἐφόδου, Ταρκύνιον δὲ τοὺσ ἱππεῖσ ἄγοντα ἐπὶ τοὺσ ἐν προνομαῖσ ἐσκεδασμένουσ ἐπείγεσθαι ἐκέλευε.

μαθόντεσ δὲ οἱ Σαβῖνοι τὴν ἵππον τῶν Ῥωμαίων ἐπὶ σφᾶσ ἐλαύνουσαν ἀφέντεσ τὴν λείαν καὶ τὰσ ἄλλασ ὠφελείασ, ὅσασ ἔφερόν τε καὶ ἦγον, ἔφευγον ἐπὶ τὸν χάρακα·

ὡσ δὲ κἀκεῖνον ἔγνωσαν κατεχόμενον ὑπὸ τῶν πεζῶν, ἀποροῦντεσ ὅποι τράποιντο συνέτειναν εἰσ ὕλασ τε καὶ ὄρη.

διωκόμενοι δὲ ὑπὸ τῶν ψιλῶν καὶ τῶν ἱππέων ὀλίγοι μέν τινεσ ἐσώθησαν, οἱ δὲ πλείουσ διεφθάρησαν. καὶ μετὰ τὴν συμφορὰν ταύτην πρεσβευσάμενοι πάλιν εἰσ Ῥώμην εἰρήνησ τυγχάνουσιν οἱάσ ἐβούλοντο. ἔτι γὰρ ὁ πρὸσ τὰσ Λατίνων πόλεισ συνεστηκὼσ τοῖσ Ῥωμαίοισ πόλεμοσ ἀναγκαίασ ἐποίει τὰσ πρὸσ τοὺσ ἄλλουσ ἐχθροὺσ ἀνοχάσ τε καὶ διαλύσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 40

(디오니시오스, Antiquitates Romanae, book 3, chapter 40)

상위

목록

SEARCH

MENU NAVIGATION