헬라어 텍스트

Dionysius of Halicarnassus, Antiquitates Romanae, book 3, chapter 37

(디오니시오스, Antiquitates Romanae, book 3, chapter 37)

ταῦτα καθιστάμενοσ τὰ πολιτεύματα καὶ παντὸσ μάλιστα ἐλπίσασ ἄνευ πολέμου καὶ κακῶν ἅπαντα τὸν βίον διατελέσειν, ὥσπερ ὁ μητροπάτωρ, οὐκ ἔσχεν ὁμοίαν τῇ προαιρέσει τὴν τύχην, ἀλλὰ παρὰ τὴν ἑαυτοῦ γνώμην πολεμιστὴσ ἠναγκάσθη γενέσθαι καὶ μηδένα χρόνον ἄνευ κινδύνου καὶ ταραχῆσ βιῶσαι. εὐθὺσ γὰρ ἅμα τῷ παρελθεῖν αὐτὸν ἐπὶ τὴν ἡγεμονίαν καὶ τὴν ἀπράγμονα καθίστασθαι πολιτείαν καταφρονήσαντεσ αὐτοῦ Λατῖνοι καὶ νομίσαντεσ δι’ ἀνανδρίαν οὐχ ἱκανὸν εἶναι πολέμουσ στρατηγεῖν, λῃστήρια διέπεμπον εἰσ τὴν ὁμοροῦσαν αὐτοῖσ ἕκαστοι χώραν, ὑφ’ ὧν πολλοὶ Ῥωμαίων ἐβλάπτοντο.

ἀφικομένων δὲ παρὰ τοῦ βασιλέωσ πρεσβευτῶν καὶ τὰ δίκαια Ῥωμαίοισ ἀξιούντων ὑπέχειν κατὰ τὰσ συνθήκασ, οὔτε γινώσκειν ἐσκήπτοντο τῶν περὶ τὰ λῃστήρια κατηγορουμένων οὐδὲν ὡσ οὐ μετὰ κοινῆσ γνώμησ γεγονότων οὔτε ὑπόδικοι γενέσθαι Ῥωμαίοισ περὶ οὐθενὸσ πράγματοσ·

οὐδὲ γὰρ πρὸσ ἐκείνουσ ποιήσασθαι τὰσ συνθήκασ, ἀλλὰ πρὸσ Τύλλον, τελευτήσαντοσ δὲ τοῦ Τύλλου λελύσθαι σφίσι τὰσ περὶ τῆσ εἰρήνησ ὁμολογίασ.

ἀναγκασθεὶσ δὴ διὰ ταύτασ τὰσ αἰτίασ καὶ ἀποκρίσεισ τῶν Λατίνων ὁ Μάρκιοσ ἐξάγει στρατιὰν ἐπ’ αὐτοὺσ καὶ προσκαθεζόμενοσ τῇ πόλει αὐτῶν Πολιτωρίῳ, πρὶν ἐπικουρίαν τινὰ τοῖσ πολιορκουμένοισ ἐκ τῶν ἄλλων ἀφικέσθαι Λατίνων, παραλαμβάνει τὴν πόλιν καθ’ ὁμολογίασ·

οὐ μέντοι διέθηκε τοὺσ ἀνθρώπουσ δεινὸν οὐθέν, ἀλλ’ ἔχοντασ τὰ σφέτερα πανδημεὶ μετήγαγεν εἰσ Ῥώμην καὶ κατένειμεν εἰσ φυλάσ.