헬라어 문장 검색 - Διονψσ́Αντιθυί3́35́

(디오니시오스, Antiquitates Romanae, book 3, chapter 35)

ταῦτα διαπραξάμενοσ ἐπὶ τῆσ ἰδίασ ἀρχῆσ βασιλεὺσ Τύλλοσ Ὁστίλιοσ, ἀνὴρ ἐν ὀλίγοισ ἄξιοσ εὐλογεῖσθαι τῆσ τε εὐτολμίασ ἕνεκα τῆσ πρὸσ τὰ πολέμια καὶ τῆσ φρονήσεωσ τῆσ περὶ τὰ δεινά, ὑπὲρ ἄμφω δὲ ταῦτα, ὅτι οὐ ταχὺσ ὢν εἰσ πόλεμον ἰέναι βέβαιοσ ἦν καταστὰσ εἰσ αὐτὸν ἐν ἅπασι τῶν ἀντιπάλων προέχειν, ἔτη δὲ κατασχὼν τὴν ἀρχὴν δύο καὶ τριάκοντα τελευτᾷ τὸν βίον ἐμπρησθείσησ τῆσ οἰκίασ, καὶ σὺν αὐτῷ γυνή τε ἀπόλλυται καὶ τέκνα καὶ ὁ ἄλλοσ οἰκετικὸσ ἅπασ ὄχλοσ καταληφθεὶσ ὑπὸ τοῦ πυρόσ. φασὶν ἐπιβουλῆσ τὸ πάθοσ γενέσθαι ἀνατιθέντεσ τὸ ἔργον Μαρκίῳ τῷ μετ’ ἐκεῖνον ἄρξαντι τῆσ πόλεωσ.

τοῦτον γὰρ ἐκ τῆσ Νόμα Πομπιλίου θυγατρὸσ γενόμενον ἄχθεσθαί τε, ὅτι ἐκ βασιλείου γένουσ πεφυκὼσ αὐτὸσ ἰδιώτησ ἦν, καὶ γένοσ ἐπιτρεφόμενον ὁρῶντα τῷ Τύλλῳ παντὸσ μάλιστα ὑποπτεύειν, εἴ τι πάθοι Τύλλοσ εἰσ τοὺσ ἐκείνου παῖδασ ἥξειν τὴν ἀρχήν.

ταῦτα δὴ διανοούμενον ἐκ πολλοῦ στήσασθαι κατὰ τοῦ βασιλέωσ ἐπιβουλὴν πολλοὺσ ἔχοντα Ῥωμαίων τοὺσ συγκατασκευάζοντασ αὐτῷ τὴν δυναστείαν, φίλον δὲ ὄντα τοῦ Τύλλου καὶ ἐν τοῖσ μάλιστα πιστευόμενον φυλάττειν ὅτε καιρὸσ ἐπιτήδειοσ φανείη τῆσ ἐπιθέσεωσ. καὶ ζάλην καὶ σκότοσ, ὥστ’ ἔρημον ἀπολειφθῆναι τὸν πρὸ τῆσ οἰκίασ τόπον τῶν φυλαττόντων, ἐπιτήδειον ὑπολαμβάνοντα τὸν καιρὸν ἅμα τοῖσ ἑταίροισ ἔχουσιν ὑπὸ ταῖσ περιβολαῖσ τὰ ξίφη παρελθεῖν εἴσω τῶν θυρῶν, ἀποκτείναντα δὲ τὸν βασιλέα καὶ τοὺσ παῖδασ αὐτοῦ καὶ τῶν ἄλλων ὅσοισ ἐνέτυχεν ἐνεῖναι πῦρ εἰσ τὴν οἰκίαν κατὰ πολλοὺσ τόπουσ, ταῦτα δὲ πράξαντα τὸν ὑπὲρ τῆσ κεραυνώσεωσ διασπεῖραι λόγον.

ἐγὼ δὲ τοῦτον μὲν οὐ δέχομαι τὸν λόγον οὔτ’ ἀληθῆ νομίζων οὔτε πιθανόν, τῷ δὲ προτέρῳ μᾶλλον προστιθέμενοσ κατὰ δαίμονα νομίζω τὸν ἄνδρα ταύτησ τῆσ τελευτῆσ τυχεῖν.

οὔτε γὰρ ἀπόρρητον φυλαχθῆναι τὴν πρᾶξιν ὑπὸ πολλῶν συσκευαζομένην. εἰκὸσ ἦν, οὔτε τῷ συστήσαντι αὐτὴν βέβαιον ἦν ὅτι μετὰ τὴν Ὁστιλίου τελευτὴν ἐκεῖνον ἀποδείξουσι Ῥωμαῖοι βασιλέα τῆσ πόλεωσ, οὔτ’ εἰ τὰ παρ’ ἀνθρώπων αὐτῷ πιστὰ καὶ βέβαια ἦν, τά γέ τοι παρὰ τῶν θεῶν ὅμοια ἔμελλε ταῖσ ἀνθρωπίναισ ἀγνοίαισ ἔσεσθαι. μετὰ γὰρ τὴν ὑπὸ τῶν φυλῶν γενησομένην ψηφηφορίαν τοὺσ θεοὺσ ἔδει τὴν βασιλείαν αὐτῷ δι’ οἰωνῶν αἰσίων ἐπιθεσπίσαι·

ἄνδρα δὲ μιαρὸν καὶ τοσούτοισ ᾑμαγμένον φόνοισ ἀδίκοισ τίσ ἔμελλε θεῶν ἢ δαιμόνων παρήσειν βωμοῖσ τε προσιόντα καὶ θυμάτων καταρχόμενον καὶ τὰσ ἄλλασ ἐπιτελοῦντα θεραπείασ;

ἐγὼ μὲν δὴ διὰ ταῦτα οὐκ εἰσ ἀνθρωπίνην ἐπιβουλὴν ἀλλ’ εἰσ θεοῦ βούλησιν τὸ ἔργον ἀναφέρω, κρινέτω δ’ ἕκαστοσ ὡσ βούλεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, book 3, chapter 35

(디오니시오스, Antiquitates Romanae, book 3, chapter 35)

상위

목록

SEARCH

MENU NAVIGATION