헬라어 문장 검색 - Διονψσ́Αντιθυί3́33́

(디오니시오스, Antiquitates Romanae, book 3, chapter 33)

οὐδὲ γεγενημένων ἐπελάθοντο, καιρὸν δὲ νομίσαντεσ ἐπιτήδειον ἔχειν ὧν ἐξέτισαν Ῥωμαίοισ χρημάτων πολλαπλάσια παρ’ αὐτῶν ἀπολαβεῖν, ὀλίγοι μὲν τὸ πρῶτον καὶ ἀφανῶσ ἐξιόντεσ ἐληίζοντο τὴν ὅμορον· ἔπειτα δὲ πολλοὶ συνιόντεσ καὶ ἐκ τοῦ φανεροῦ, ἐπεὶ τὰ πρῶτα κατὰ γνώμην αὐτοῖσ ἐχώρησεν οὐδεμιᾶσ ἐπὶ τὴν φυλακὴν τῶν γεωργῶν ἀφικομένησ βοηθείασ, καταφρονήσαντεσ τῶν πολεμίων ἐπ’ αὐτὴν διενοοῦντο τὴν Ῥώμην ἐλαύνειν καὶ συνῆγον ἐξ ἁπάσησ πόλεωσ στρατόν, διελέγοντο δὲ καὶ ταῖσ Λατίνων πόλεσι περὶ συμμαχίασ.

οὐ μὴν ἐξεγένετό γε αὐτοῖσ φιλίαν τε καὶ ὁμαιχμίαν ποιήσασθαι πρὸσ τὸ ἔθνοσ·

μαθὼν γὰρ τὴν διάνοιαν αὐτῶν ὁ Τύλλοσ ἀνοχὰσ πρὸσ Λατίνουσ ποιησάμενοσ ἐπὶ τούτουσ ἔγνω στρατὸν ἐξάγειν τήν τε Ῥωμαίων ἅπασαν δύναμιν καθοπλίσασ διπλασίαν οὖσαν ἤδη τῆσ πρότερον, ἐξ οὗ τὴν Ἀλβανῶν πόλιν προσέλαβε, καὶ ἀπὸ τῶν ἄλλων συμμάχων ἐπικουρικὸν ὅσον πλεῖστον ἐδύνατο μεταπεμψάμενοσ. συνῆκτο δὲ καὶ τοῖσ Σαβίνοισ ἤδη τὸ στράτευμα, καὶ ἐπειδὴ πλησίον ἀλλήλων ἐγένοντο περὶ τὴν καλουμένην ὕλην κακοῦργον ὀλίγον τὸ μεταξὺ χωρίον ἀφέντεσ κατεστρατοπεδεύσαντο.

τῇ δ’ ἑξῆσ ἡμέρᾳ συμπεσόντεσ ἐμάχοντο καὶ ἦσαν ἰσόρροποι μέχρι πολλοῦ·

ἤδη δὲ περὶ δείλην ὀψίαν ἐγκλίνουσιν οἱ Σαβῖνοι βιασθέντεσ ὑπὸ τοῦ Ῥωμαίων ἱππικοῦ καὶ πολὺσ αὐτῶν γίνεται φόνοσ ἐν τῇ φυγῇ, Ῥωμαῖοι δὲ νεκρούσ τε τῶν πολεμίων σκυλεύσαντεσ καὶ χρήματα ὅσα ἦν ἐν τῷ χάρακι διαρπάσαντεσ τῆσ τε χώρασ τὴν κρατίστην λεηλατήσαντεσ ἀπῄεσαν ἐπ’ οἴκου. τοῦτο τὸ τέλοσ ἔλαβεν ὁ συμβὰσ Ῥωμαίοισ πρὸσ Σαβίνουσ πόλεμοσ ἐπὶ τῆσ Τύλλου ἀρχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 33

(디오니시오스, Antiquitates Romanae, book 3, chapter 33)

상위

목록

SEARCH

MENU NAVIGATION