헬라어 문장 검색 - Διονψσ́Αντιθυί3́30́

(디오니시오스, Antiquitates Romanae, book 3, chapter 30)

ὡσ δὲ ταῦτ’ εἶπεν, ὅσοι μὲν ἦσαν Ἀλβανῶν πένητεσ ἠγάπων εἰ Ῥώμην τε οἰκήσουσι καὶ τῆσ γῆσ κλῆρον ἕξουσι καὶ ἐπῄνουν μεγάλῃ βοῇ τὰ διδόμενα, οἱ δὲ λαμπρότεροι τοῖσ ἀξιώμασι καὶ ταῖσ τύχαισ κρείττουσ ἤχθοντο, εἰ δεήσει πόλιν τε τὴν γειναμένην αὐτοὺσ ἐκλιπεῖν καὶ προγονικὰσ ἑστίασ ἐρημῶσαι καὶ τὸ λοιπὸν οἰκεῖν ἐν τῇ ξένῃ· οἷσ οὐδὲν ἐπῄει λέγειν εἰσ τὴν ἐσχάτην κατακεκλειμένοισ ἀνάγκην. ὁ δὲ Τύλλοσ ἐπειδὴ τὴν διάνοιαν εἶδε τῶν πολλῶν, ἀπολογεῖσθαι τὸν Μέττιον ἐκέλευσεν, εἴ τι πρὸσ ταῦτα λέγειν βούλεται. οὐκ ἔχων δ’ ὁ Μέττιοσ ὅ τι χρὴ λέγειν πρὸσ τοὺσ κατηγοροῦντάσ τε καὶ καταμαρτυροῦντασ τὴν Ἀλβανῶν βουλὴν ἔφησεν αὑτῷ ταῦτα ὑποθέσθαι ποιεῖν δι’ ἀπορρήτων, ὅτε ἐξῆγε τὴν δύναμιν ἐπὶ τὸν πόλεμον, ἠξίου τε τοὺσ Ἀλβανούσ, οἷσ ἀνακτήσασθαι τὴν ἡγεμονίαν ἐπεχείρει, βοηθεῖν αὐτῷ καὶ μήτε τὴν πατρίδα κατασκαπτομένην περιορᾶν μήτε τοὺσ ἐπιφανεστάτουσ τῶν πολιτῶν ἐπὶ τιμωρίαισ συναρπαζομένουσ.

οἱ περιεστεφανωκότεσ τὸν ὄχλον ἀρθέντοσ σημείου τινὸσ ἀνέσχον τὰ ξίφη.

περιφόβων δὲ γενομένων ἁπάντων ἀναστὰσ πάλιν ὁ Τύλλοσ εἶπεν·

οὐδὲν ἔτι ἔξεστιν ὑμῖν νεωτερίζειν οὐδ’ ἐξαμαρτάνειν, ἄνδρεσ Ἀλβανοί. ὑμεῖσ γὰρ ἂν παρακινεῖν τι τολμήσητε, πάντεσ ἀπολεῖσθε ὑπὸ τούτων· δείξασ τοὺσ ἔχοντασ τὰ ξίφη. δέχεσθε οὖν τὰ διδόμενα καὶ γίνεσθε ἀπὸ τοῦ χρόνου τοῦδε Ῥωμαῖοι. δυεῖν γὰρ ἀνάγκη θάτερον ὑμᾶσ ποιεῖν ἢ Ῥώμην κατοικεῖν ἢ μηδεμίαν ἑτέραν γῆν ἔχειν πατρίδα. οἴχεται γὰρ ἑώθεν ἐκπεμφθεὶσ ὑπ’ ἐμοῦ Μάρκοσ Ὁράτιοσ ἀναιρήσων τὴν πόλιν ὑμῶν ἐκ θεμελίων καὶ τοὺσ ἀνθρώπουσ ἅπαντασ εἰσ Ῥώμην μετάξων.

ταῦτα οὖν εἰδότεσ ὅσον οὔπω γενησόμενα παύσασθε θανατῶντεσ καὶ ποιεῖτε τὰ κελευόμενα. Μέττιον δὲ Φουφέττιον ἀφανῶσ τε ἡμῖν ἐπιβουλεύσαντα καὶ οὐδὲ νῦν ὀκνήσαντα ἐπὶ τὰ ὅπλα τοὺσ ταραχώδεισ καὶ στασιαστὰσ καλεῖν τιμωρήσομαι τῆσ κακῆσ καὶ δολίου ψυχῆσ ἀξίωσ. μὲν ἐρεθιζόμενον τῆσ ἐκκλησίασ μέροσ ἔπτηξεν, οἱᾶ δὴ κρατούμενον ἀνάγκῃ ἀφύκτῳ, τὸν δὲ Φουφέττιον ἀγανακτοῦντα ἔτι καὶ κεκραγότα μόνον τάσ τε συνθήκασ ἀνακαλούμενον, ἃσ αὐτὸσ ἐξηλέγχθη παρασπονδῶν, καὶ οὐδ’ ἐν κακοῖσ τοῦ θράσουσ ὑφιέμενον οἱ ῥαβδοῦχοι κελεύσαντοσ τοῦ βασιλέωσ Τύλλου συλλαβόντεσ καὶ τὴν ἐσθῆτα περικαταρρήξαντεσ ἔξαινον τὸ σῶμα μάστιξι πάνυ πολλαῖσ.

ἐπεὶ δὲ ταύτησ ἅλισ εἶχε τῆσ τιμωρίασ, προσελάσαντεσ δύο συνωρίδασ τῇ μὲν ἑτέρᾳ προσήρτων τοὺσ βραχίονασ αὐτοῦ, τῇ δ’ ἑτέρᾳ τοὺσ πόδασ ῥυτῆρσι κατεχομένουσ μακροῖσ·

ἐλαυνόντων δὲ τῶν ἡνιόχων τὰσ συνωρίδασ ἀπ’ ἀλλήλων ξαινόμενόσ τε περὶ τῇ γῇ καὶ ἀνθελκόμενοσ ὑφ’ ἑκατέρασ ἐπὶ τἀναντία ὁ δείλαιοσ ἐν ὀλίγῳ διασπᾶται χρόνῳ. ὁ βασιλεὺσ καθίσασ τοὺσ ἁλόντασ ἐξ αὐτῶν κατὰ τὸν τῶν λειποτακτῶν τε καὶ προδοτῶν νόμον ἀπέκτεινεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 30

(디오니시오스, Antiquitates Romanae, book 3, chapter 30)

상위

목록

SEARCH

MENU NAVIGATION