헬라어 문장 검색 - Διονψσ́Αντιθυί3́25́

(디오니시오스, Antiquitates Romanae, book 3, chapter 25)

ταῦτα παρὰ τὰσ τάξεισ ἁπάσασ παρεξιὼν ἔλεγε, καὶ αὐτίκα τοὺσ μὲν Φιδηναίουσ δέοσ εἰσέρχεται παλινπροδοσίασ ὡσ κατεστρατηγημένουσ ὑπὸ τοῦ Ἀλβανοῦ, ἐπεὶ οὔτε ἀντιμεταταξάμενον αὐτὸν εἶδον οὔτ’ ἐπὶ τοὺσ Ῥωμαίουσ εὐθὺσ αὐτὸν ἐλαύνοντα, ὥσπερ ὑπέσχετο αὐτοῖσ, τοὺσ δὲ Ῥωμαίουσ ἐπῆρεν εἰσ εὐτολμίαν καὶ θάρσουσ ἐνέπλησεν ὁ λόγοσ· καὶ μέγα ἐμβοήσαντεσ ὁρμῶσιν ἐπὶ τοὺσ πολεμίουσ ἀθρόοι.

τροπὴ δὲ γίνεται μετὰ τοῦτο τῶν Φιδηναίων καὶ φυγὴ πρὸσ τὴν πόλιν ἄκοσμοσ. ὁ δὲ τῶν Ῥωμαίων βασιλεὺσ ἐπιρράξασ αὐτοῖσ τὴν ἵππον περιφόβοισ οὖσι καὶ τεταραγμένοισ καὶ μέχρι τινὸσ διώξασ, ὡσ ἔμαθεν ἐσκεδασμένουσ ἀπ’ ἀλλήλων καὶ οὔτε λογισμὸν ἔτι τοῦ συστῆναι ληψομένουσ οὔτε δύναμιν ἔχοντασ, ἀφεὶσ τοὺσ φεύγοντασ ἐπὶ τὸ συνεστηκὸσ ἔτι καὶ διαμένον τῶν πολεμίων ἐχώρει μέροσ.

καὶ γίνεται καλὸσ μὲν καὶ ὁ τῶν πεζῶν ἀγών, ἔτι δὲ καλλίων ὁ τῶν ἱππέων. οὐ γὰρ ἐνέκλινον οἱ τῇδε τεταγμένοι Οὐιεντανοὶ τὴν ἔφοδον ὑπὸ τῆσ Ῥωμαῖκῆσ ἵππου καταπλαγέντεσ, ἀλλ’ ἀντεῖχον ἄχρι πολλοῦ.

δείσαντεσ μὴ κυκλωθῶσιν ὑπὸ τῶν ἀναστραφέντων ἐκ τοῦ διωγμοῦ τρέπονται καὶ αὐτοὶ λύσαντεσ τὰσ τάξεισ καὶ διὰ τοῦ ποταμοῦ σώζειν ἑαυτοὺσ ἐπειρῶντο.

ὅσοι μὲν οὖν ἐρρωμενέστατοί τε αὐτῶν ἦσαν καὶ ἥκιστα ὑπὸ τραυμάτων βαρυνόμενοι νεῖν τε οὐκ ἀδύνατοι δίχα τῶν ὅπλων τὸ ῥεῖθρον διεπεραιοῦντο, ὅσοι δὲ τούτων τινὸσ ἐνέλιπον ἐν ταῖσ δίναισ ἀπέθνησκον·

ὀξὺ γὰρ τοῦ Τεβέριοσ περὶ τὴν Φιδήνην καὶ σκολιὸν τὸ ῥεῦμα. ὁ δὲ Τύλλοσ μοίρᾳ τινὶ τῶν ἱππέων κελεύσασ τοὺσ ἐπὶ τὸν ποταμὸν ὠθουμένουσ κτείνειν, αὐτὸσ ἐπὶ τὸ στρατόπεδον τῶν Οὐιεντανῶν τὴν ἄλλην δύναμιν ἄγων ἐξ ἐφόδου γίνεται κύριοσ αὐτοῦ·

καὶ τὰ μὲν Ῥωμαίων πράγματα παραδόξου τυχόντα σωτηρίασ ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 25

(디오니시오스, Antiquitates Romanae, book 3, chapter 25)

상위

목록

SEARCH

MENU NAVIGATION