헬라어 문장 검색 - Διονψσ́Αντιθυί3́20́

(디오니시오스, Antiquitates Romanae, book 3, chapter 20)

ὁ μὲν δὴ τὸ καίριον τραῦμα λαβὼν εὐθὺσ ἐτεθνήκει, ὁ δὲ τὴν ἰγνύαν τετρωμένοσ οὐκέτι βέβαιοσ ἦν ἑστάναι, σκάζων δὲ καὶ τὰ πολλὰ τῷ θυρεῷ διερειδόμενοσ ἀντεῖχεν ὅμωσ ἔτι καὶ μετὰ τοῦ περιλειπομένου τῶν ἀδελφῶν ἐπὶ τὸν ὑπομένοντα Ῥωμαῖον ἐχώρει, περιέστησάν τε αὐτὸν ὁ μὲν ἐξ ἐναντίασ προσιών, ὁ δὲ κατὰ νώτου. τῷ δὲ Ῥωμαίῳ δείσαντι μὴ κυκλωθεὶσ πρὸσ αὐτῶν εὐκατέργαστοσ γένηται δυσί τε μαχόμενοσ καὶ διχόθεν ἐπιοῦσιν, ἦν δὲ ἀκραιφνὴσ ἔτι, λογισμὸσ εἰσέρχεται διελεῖν τοὺσ πολεμίουσ ἀπ’ ἀλλήλων καὶ χωρὶσ ἑκατέρῳ μάχεσθαι.

ῥᾷστα δὲ διαστήσειν αὐτοὺσ ὑπελάμβανεν, εἰ δόξαν παράσχοι φυγῆσ· οὐ γὰρ ὑπ’ ἀμφοτέρων διώξεσθαι τῶν Ἀλβανῶν, ἀλλ’ ὑφ’ ἑνόσ, ὁρῶν τὸν ἀδελφὸν οὐκέτι καρτερὸν τῶν ποδῶν.

ταῦτα δὴ διανοηθεὶσ ὡσ εἶχε τάχουσ ἔφευγε καὶ συνέπεσεν αὐτῷ μὴ διαμαρτεῖν τῆσ ἐλπίδοσ. ὁ μὲν γὰρ ἕτεροσ τῶν Ἀλβανῶν οὐδεμίαν ἔχων πληγὴν καίριον ἐδίωκεν αὐτὸν ἐκποδόσ, ὁ δ’ ἐπιβαίνειν ἀδύνατοσ ὢν πολὺ τοῦ δέοντοσ ὑστέρει.

ἔνθα δὴ τῶν Ἀλβανῶν τοῖσ σφετέροισ ἐγκελευομένων, τῶν δὲ Ῥωμαίων τὸν αὑτῶν ἀγωνιστὴν κακιζόντων καὶ τῶν μὲν δὴ παιανιζόντων τε καὶ στεφανουμένων ὡσ ἐπὶ κατορθουμένῳ τῷ ἀγῶνι, τῶν δ’ ὀδυρομένων ὡσ οὐκ ἂν ἔτι τῆσ τύχησ σφᾶσ διαναστησομένησ, ταμιευσάμενοσ τὸν καιρὸν ὁ Ῥωμαῖοσ ὑποστρέφει τε ὀξέωσ καὶ πρὶν ἢ φυλάξασθαι τὸν Ἀλβανὸν φθάνει τῷ ξίφει κατὰ τοῦ βραχίονοσ πληγὴν ἐνέγκασ καὶ διελὼν τὸν ἀγκῶνα. πεσούσησ δὲ χαμαὶ τῆσ χειρὸσ ἅμα τῷ ξίφει μίαν ἔτι πληγὴν καίριον ἐξενέγκασ ἀποκτείνει τὸν Ἀλβανόν, καὶ μετὰ τοῦτον ἐπὶ τὸν τελευταῖον ὠσάμενοσ ἡμιθνῆτα καὶ παρειμένον ἐπικατασφάττει.

σκυλεύσασ δὲ τοὺσ τῶν ἀνεψιῶν νεκροὺσ εἰσ τὴν πόλιν ἠπείγετο πρῶτοσ ἀπαγγεῖλαι θέλων τὴν ἑαυτοῦ νίκην τῷ πατρί.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 20

(디오니시오스, Antiquitates Romanae, book 3, chapter 20)

상위

목록

SEARCH

MENU NAVIGATION