호흡부호 보기
강세부호 보기
장단부호 보기
작은 Iota 보기
모든 부호 보기
τοσαῦτα τοῦ Φουφεττίου λέξαντοσ καὶ πάντων τὴν γνώμην ἐπαινεσάντων ἑ̓́τυχον δὲ Ῥωμαίων τε καὶ Ἀλβανῶν οἱ κράτιστοι παρόντεσ ἀμφοτέροισ’ μικρὸν ἐπισχὼν ὁ Τύλλοσ λέγει· τὰ μὲν ἄλλα ὀρθῶσ ἐπιλελογίσθαι μοι δοκεῖσ, ὦ Φουφέττιε· θαυμαστὴ γάρ τισ ἡ τὴν οὐδέποτε συμβᾶσαν ὁμοιογένειαν ἐν ἀμφοτέραισ ταῖσ πόλεσιν ἐπὶ τῆσ ἡμετέρασ γενεᾶσ ἐξενέγκασα τύχη· ἓν δ’ ἀγνοεῖν ἐοίκασ, ὃ πολὺν παρέξει τοῖσ νεανίσκοισ ὄκνον, ἐὰν ἀξιῶμεν αὐτοὺσ ἀλλήλοισ χωρεῖν διὰ μάχησ. ἡ γὰρ Ὁρατίων μήτηρ τῶν ἡμετέρων ἀδελφὴ τῆσ Κορατίων μητρόσ ἐστι τῶν Ἀλβανῶν, καὶ τέθραπται τὰ μειράκια ἐν τοῖσ ἀμφοτέρων τῶν γυναικῶν κόλποισ ἀσπάζονταί τ’ ἀλλήλουσ καὶ φιλοῦσιν οὐχ ἧττον ἢ πολλοὶ τοὺσ ἑαυτῶν ἀδελφούσ.
ὁρ́α δὴ μή ποτε οὐδ’ ὅσιον ᾖ τούτοισ ἀναδιδόναι τὰ ὅπλα καὶ καλεῖν αὐτοὺσ ἐπὶ τὸν κατ’ ἀλλήλων φόνον ἀνεψιοὺσ καὶ συντρόφουσ ὄντασ. τὸ γὰρ ἐμφύλιον ἄγοσ, ἐὰν ἀναγκασθῶσιν ἀλλήλουσ μιαιφονεῖν, εἰσ ἡμᾶσ ἐλεύσεται τοὺσ ἀναγκάζοντασ.
λέγει πρὸσ αὐτὸν ὁ Φουφέττιοσ·
οὐδ’ ἐμὲ λέληθεν, ὦ Τύλλε, τὸ συγγενὲσ τῶν μειρακίων, οὐδ’ ὡσ ἀναγκάσων αὐτοὺσ τοῖσ ἀνεψιοῖσ διὰ μάχησ χωρεῖν εἰ μὴ βουληθεῖεν αὐτοὶ τὸν ἀγῶνα ὑπομεῖναι παρεσκευασάμην, ἀλλ’ ἐπειδὴ τάχιστα ἐπὶ νοῦν ἦλθέ μοι τόδε τὸ βούλευμα τοὺσ Ἀλβανοὺσ Κορατίουσ μεταπεμψάμενοσ αὐτὸσ ἐπ’ ἐμαυτοῦ διάπειραν ἔλαβον εἰ βουλομένοισ αὐτοῖσ ἐστιν ὁ ἀγών· δεξαμένων δ’ αὐτῶν τὸν λόγον ἀπίστῳ τινὶ καὶ θαυμαστῇ προθυμίᾳ, τότε ἀνακαλύπτειν ἔγνων τὸ βούλευμα καὶ φέρειν εἰσ μέσον· σοί τε τὸ αὐτὸ τοῦτο ὑποτίθεμαι ποιεῖν καλέσαντι τοὺσ παρ’ ὑμῖν τριδύμουσ πεῖραν αὐτῶν τῆσ γνώμησ ποιήσασθαι. ἐὰν μὲν οὖν ἑκόντεσ συνεπιδιδῶσι κἀκεῖνοι τὰ σώματα προκινδυνεῦσαι τῆσ ἑαυτῶν πατρίδοσ δέχου τὴν χάριν, ἐὰν δὲ ἀναδύωνται μηδεμίαν αὐτοῖσ πρόσφερε ἀνάγκην.
μαντεύομαι δὲ καὶ περὶ ἐκείνων οἱᾶ καὶ περὶ τῶν ἡμετέρων, εἴπερ οὖν εἰσὶν οἱούσ ἀκούομεν, ἐν ὀλίγοισ τοῖσ ἄριστα πεφυκόσιν ὅμοιοι καὶ τὰ πολέμια ἀγαθοί·
κλέοσ γὰρ αὐτῶν καὶ πρὸσ ἡμᾶσ ἐλήλυθε τῆσ ἀρετῆσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기