헬라어 문장 검색 - Διονψσ́Αντιθυί3́05́

(디오니시오스, Antiquitates Romanae, book 3, chapter 5)

παραδόξου δὲ τοῦ πάθουσ ὥσπερ εἰκὸσ ἅπασι φαινομένου καὶ ζητουμένησ τῆσ αἰτίασ οὑ̓δὲ γὰρ νόσον προηγησαμένην εἶχέ τισ αἰτιάσασθαἰ οἱ μὲν ἐπὶ τὴν θείαν πρόνοιαν ἁπάσασ τὰσ ἀνθρωπίνασ ἀναφέροντεσ τύχασ κατὰ χόλον δαιμόνιον ἔλεγον αὐτὸν ἀποθανεῖν, ὅτι πόλεμον ἐξέκαυσε τῇ μητροπόλει πρὸσ τὴν ἀπόκτισιν οὔτε δίκαιον οὔτε ἀναγκαῖον· οἱ δὲ χρηματισμὸν ἡγούμενοι τὸν πόλεμον καὶ μεγάλων ἀπεστερῆσθαι νομίζοντεσ ὠφελειῶν εἰσ ἐπιβουλὴν καὶ φθόνον ἀνθρώπινον τὸ ἔργον μετέφερον αἰτιώμενοι τῶν ἀντιπολιτευομένων τινὰσ ἀφανῆ καὶ δυσεξέλεγκτα ἐξευρόντασ φάρμακα διὰ τούτων τὸν ἄνδρα ἀνῃρηκέναι· οἱ δὲ ὑπὸ λύπησ τε καὶ ἀμηχανίασ κρατούμενον ἑκουσίῳ χρήσασθαι τελευτῇ αὐτὸν ἔφασαν, ἐπειδὴ πάντα χαλεπὰ καὶ ἄπορα συνέβαινεν αὐτῷ καὶ οὐδὲν ἐχώρει κατὰ νοῦν τῶν ἐν ἀρχαῖσ, ὅτε εἰσ τὰ πράγματα εἰσῄει, προσδοκηθέντων·

τοῖσ δ’ ἐκτὸσ οὖσι φιλίασ τε καὶ ἔχθρασ τῆσ πρὸσ τὸν στρατηγὸν καὶ ἀπὸ παντὸσ τοῦ βελτίστου κρίνουσι τὸ συμβεβηκὸσ οὔτε ἡ θεία νέμεσισ οὔτε ὁ τῶν ἀντιπολιτευομένων φθόνοσ οὔθ’ ἡ τῶν πραγμάτων ἀπόγνωσισ ἀνῃρηκέναι τὸν ἄνδρα ἐδόκει, ἀλλ’ ἡ τῆσ φύσεωσ ἀνάγκη καὶ τὸ χρεὼν ὡσ ἐκπεπληρωκότα τὴν ὀφειλομένην μοῖραν, ἧσ ἅπασι τοῖσ γινομένοισ πέπρωται τυχεῖν.

ἔτυχε καὶ ὅσα ἦν ἐν τοῖσ πράγμασι δυσχερῆ καὶ ἄπορα συνεῖδεν, οὐκέτι διέμεινεν ἐπὶ τοῖσ αὐτοῖσ βουλεύμασιν, ἀλλ’ εἰσ ἀναβολὰσ καὶ διατριβὰσ ἄγειν ἠξίου τὰ πράγματα ὁρῶν οὔτε τοὺσ Ἀλβανοὺσ ἅπαντασ ὁμοίαν ἔχοντασ ἔτι προθυμίαν πρὸσ πόλεμον οὔτε τὰ σφάγια ὁπότε θύοιτο περὶ μάχησ καλὰ γινόμενα·

τελευτῶν δὲ καὶ εἰσ καταλλαγὰσ ἔγνω προκαλεῖσθαι τοὺσ πολεμίουσ πρότεροσ ἐπικηρυκευσάμενοσ, μαθὼν τὸν ἐπικρεμάμενον ἔξωθεν Ἀλβανοῖσ τε καὶ Ῥωμαίοισ κίνδυνον, εἰ μὴ σπείσονται τὸν πρὸσ ἀλλήλουσ πόλεμον, ἀφύλακτον ὄντα, ὃσ ἔμελλεν ἀμφοτέρασ ἀναρπάσασθαι τὰσ δυνάμεισ.

ἦν δὲ τοιόσ2δε·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, book 3, chapter 5

(디오니시오스, Antiquitates Romanae, book 3, chapter 5)

상위

목록

SEARCH

MENU NAVIGATION