Dionysius of Halicarnassus, Antiquitates Romanae, book 3, chapter 4

(디오니시오스, Antiquitates Romanae, book 3, chapter 4)

μετὰ δὲ τὰσ προφάσεισ ταύτασ παρεσκευάζοντο ἀμφότεροι τὰ πρὸσ τὸν πόλεμον, οὐ μόνον τὰσ οἰκείασ καθοπλίζοντεσ δυνάμεισ, ἀλλὰ καὶ τὰσ παρὰ τῶν ὑπηκόων ἐπικαλούμενοι· ὡσ δὲ πάντα ἦν αὐτοῖσ εὐτρεπῆ συνῄεσαν ὁμόσε καὶ καταστρατοπεδεύονται τετταράκοντα τῆσ Ῥώμησ σταδίουσ ἀποσχόντεσ· οἱ μὲν Ἀλβανοὶ περὶ τὰσ καλουμένασ Κλοιλίασ τάφρουσ ̔φυλάττουσι γὰρ ἔτι τὴν τοῦ κατασκευάσαντοσ αὐτὰσ ἐπίκλησιν’ Ῥωμαῖοι δὲ ὀλίγον ἐνδοτέρω τὸν ἐπιτηδειότατον εἰσ στρατοπεδείαν τόπον ἐκλεξάμενοι. ἐπεὶ δὲ συνεῖδον ἀλλήλων ἀμφότεροι τὰσ δυνάμεισ οὔτε πλήθει λειπομένασ οὔτε ὁπλισμοῖσ εὐτελεῖσ οὔτε ταῖσ ἄλλαισ παρασκευαῖσ οὔσασ εὐκαταφρονήτουσ, τῆσ μὲν ταχείασ ἐπὶ τὸν ἀγῶνα ὁρμῆσ, ἣν κατ’ ἀρχὰσ εἶχον ὡσ αὐτῇ ἐφόδῳ τρεψόμενοι τοὺσ πολεμίουσ, ἀπέστησαν·

φυλακῆσ δὲ μᾶλλον ἢ προεπιχειρήσεωσ πρόνοιαν ἐλάμβανον ὑψηλοτέρουσ ἐγείροντεσ τοὺσ χάρακασ, εἰσῄει τε αὐτῶν τοῖσ χαριεστάτοισ λογισμὸσ ὡσ οὐ τὰ κράτιστα βουλευομένοισ, καὶ κατάμεμψισ τῶν ἐν τέλει.

ἑλκομένου δὲ τοῦ χρόνου διὰ κενῆσ οὑ̓δὲν γὰρ ὅ τι καὶ λόγου ἄξιον εἴτε καταδρομαῖσ ψιλῶν ἢ συμπλοκαῖσ ἱππέων ἔβλαπτον ἀλλήλουσ’ ὁ τοῦ πολέμου δόξασ αἴτιοσ γενονέναι Κλοίλιοσ ἀχθόμενοσ ἐπὶ τῇ ἀπράκτῳ καθέδρᾳ γνώμην ἔσχεν ἐξάγειν τὴν στρατιὰν καὶ προκαλεῖσθαι τοὺσ πολεμίουσ εἰσ μάχην, ἐὰν δὲ μὴ ὑπακούσωσι προσβάλλειν αὐτῶν πρὸσ τὰ ἐρύματα.

τῇ στρατηγικῇ σκηνῇ παρούσησ αὐτῷ τῆσ εἰωθυίασ φυλακῆσ περὶ τὸν ὄρθρον εὑρίσκεται νεκρόσ, οὔτε σφαγῆσ οὔτε ἀγχόνησ οὔτε φαρμάκων οὔτε ἄλλησ βιαίου συμφορᾶσ σημεῖον ἐπὶ τοῦ σώματοσ οὐδὲν ἔχων.

일치하는 문장이 없습니다.

SEARCH

MENU NAVIGATION