호흡부호 보기
강세부호 보기
장단부호 보기
작은 Iota 보기
모든 부호 보기
ἀφικομένων δὲ τῶν πρεσβευτῶν εἰσ Ῥώμην ὑποπτεύσασ ὁ Τύλλοσ, ὅτι δίκασ αἰτήσοντεσ ἥκοιεν, αὐτὸσ τοῦτο ποιῆσαι πρότεροσ ἔγνω περιστῆσαι βουλόμενοσ εἰσ ἐκείνουσ τὴν αἰτίαν τοῦ λύειν τὰ πρὸσ τὴν ἀποικίαν συγκείμενα. συνθῆκαι γὰρ ἦσαν ταῖσ πόλεσιν ἐπὶ Ῥωμύλου γενόμεναι τά τε ἄλλα ἔχουσαι δίκαια καὶ ἵνα μηδετέρα πολέμου ἄρχῃ· ἡ δ’ ἐγκαλοῦσα ὅ τι δή ποτε ἀδίκημα δίκασ αἰτοῖ παρὰ τῆσ ἀδικούσησ, εἰ δὲ μὴ τυγχάνοι τότε τὸν ἐξ ἀνάγκησ ἐπιφέροι πόλεμον, ὡσ λελυμένων ἤδη τῶν σπονδῶν. φυλαττόμενοσ δὲ τὸ μὴ προτέρουσ αἰτηθέντασ δίκασ Ῥωμαίουσ ἀντειπεῖν, ἔπειτα ὑπαιτίουσ Ἀλβανοῖσ γενέσθαι, προσέταξε τοῖσ ἐπιφανεστάτοισ τῶν ἑαυτοῦ φίλων τοὺσ Ἀλβανῶν πρέσβεισ ξενίζειν ἁπάσῃ φιλοφροσύνῃ καὶ κατέχειν ἔνδον παρ’ ἑαυτοῖσ·
τὴν πρόσοδον αὐτῶν.
τῇ δ’ ἔγγιστα νυκτὶ Ῥωμαίων ἄνδρασ ἐπιφανεῖσ ἐντειλάμενοσ αὐτοῖσ ἃ χρὴ πράττειν ἀπέστειλεν εἰσ Ἄλβαν ἅμα τοῖσ εἰρηνοδίκαισ αἰτήσοντασ ὑπὲρ ὧν ἠδίκηντο Ῥωμαῖοι δίκασ παρ’ Ἀλβανῶν λαβεῖν, οἳ πρὶν ἥλιον ἀνίσχειν διανύσαντεσ τὴν ὁδὸν πληθυούσησ τῆσ ἑωθινῆσ ἀγορᾶσ ἐντυγχάνουσι τῷ Κλοιλίῳ κατ’ ἀγορὰν ὄντι καὶ διεξιόντεσ ὅσα ἠδίκηντο Ῥωμαῖοι πρὸσ Ἀλβανῶν ἠξίουν πράττειν τὰ συγκείμενα ταῖσ πόλεσιν. ὁ δὲ Κλοίλιοσ, ὡσ Ἀλβανῶν προτέρων ἀπεσταλκότων εἰσ Ῥώμην τοὺσ αἰτήσοντασ δίκασ καὶ μηδὲ ἀποκρίσεωσ ἠξιωμένων, ἀπιέναι τοὺσ Ῥωμαίουσ ἐκέλευσεν ωσ παραβεβηκότασ τὰσ ὁμολογίασ καὶ προεῖπεν αὐτοῖσ τὸν πόλεμον.
ὁσίων.
ὁμολογήσαντοσ δὲ τοῦ Κλοιλίου, μαρτύρομαι τοίνυν, ἔφη, τοὺσ θεούσ, οὓσ ἐποιησάμεθα τῶν σπονδῶν μάρτυρασ, ὅτι Ῥωμαίοισ οὐ τυχοῦσι τῶν δικαίων προτέροισ ὅσιοσ ὁ κατὰ τῶν παραβάντων τὰσ σπονδὰσ πόλεμοσ ἔσται, οἱ δὲ πεφευγότεσ τοῦτο τὸ δίκαιον ὑμεῖσ ἐστε, ὡσ αὐτὰ τὰ ἔργα δηλοῖ.
πρότεροί τε γὰρ αἰτηθέντεσ τὸ δίκαιον οὐχ ὑπέσχετε καὶ πρότερον τὸν πόλεμον ἡμῖν προειρήκατε. τοιγάρτοι τοὺσ ἀμυνουμένουσ ὑμᾶσ προσδέχεσθε μετὰ τῶν ὅπλων οὐκ εἰσ μακράν. ταῦτα παρὰ τῶν πρεσβευτῶν ἀφικομένων εἰσ Ῥώμην ἀκούσασ ὁ Τύλλοσ, τότε τοὺσ Ἀλβανοὺσ προσάγειν ἐκέλευσε καὶ περὶ ὧν ἥκουσι λέγειν.
ἀπαγγειλάντων δ’ αὐτῶν ὅσα προσέταξεν ὁ Κλοίλιοσ καὶ τὸν πόλεμον ἀπειλούντων εἰ μὴ τεύξονται τῆσ δίκησ, Ἐγὼ πρότεροσ ὑμῶν, ἔφη, τοῦτο πεποίηκα καὶ μηδὲν εὑρόμενοσ ὧν ἐκέλευον αἱ συνθῆκαι. . . τε καὶ δίκαιον Ἀλβανοῖσ παραγγέλλω πόλεμον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기