헬라어 문장 검색 - Διογεν́Λιϝεσοφ́1́12́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. ia'. FEREKUDHS)

Φερεκύδησ Βάβυοσ Σύριοσ, καθά φησιν Ἀλέξανδροσ ἐν Διαδοχαῖσ, Πιττακοῦ διακήκοεν. τοῦτόν φησι Θεόπομποσ πρῶτον περὶ φύσεωσ καὶ θεῶν γράψαι. Πολλὰ δὲ καὶ θαυμάσια λέγεται περὶ αὐτοῦ. καὶ γὰρ παρὰ τὸν αἰγιαλὸν τῆσ Σάμου περιπατοῦντα καὶ ναῦν οὐριοδρομοῦσαν ἰδόντα εἰπεῖν ὡσ οὐ μετὰ πολὺ καταδύσεται· καὶ ἐν ὀφθαλμοῖσ αὐτοῦ καταδῦναι. καὶ ἀνιμηθέντοσ ἐκ φρέατοσ ὕδατοσ πιόντα προειπεῖν, ὡσ εἰσ τρίτην ἡμέραν ἔσοιτο σεισμόσ, καὶ γενέσθαι. ἀνιόντα τε ἐξ Ὀλυμπίασ εἰσ Μεσσήνην τῷ ξένῳ Περιλάῳ συμβουλεῦσαι ἐξοικῆσαι μετὰ τῶν οἰκείων· καὶ τὸν μὴ πεισθῆναι, Μεσσήνην δὲ ἑαλωκέναι. Καὶ Λακεδαιμονίοισ εἰπεῖν μήτε χρυσὸν τιμᾶν μήτε ἄργυρον, ὥσ φησι Θεόπομποσ ἐν Θαυμασίοισ·

προστάξαι δὲ αὐτῷ ὄναρ τοῦτο τὸν Ἡρακλέα, ὃν καὶ τῆσ αὐτῆσ νυκτὸσ τοῖσ βασιλεῦσι κελεῦσαι Φερεκύδῃ πείθεσθαι. ἔνιοι δὲ Πυθαγόρᾳ περιάπτουσι ταῦτα. Φησὶ δ’ Ἕρμιπποσ πολέμου συνεστῶτοσ Ἐφεσίοισ καὶ Μάγνησι βουλόμενον τοὺσ Ἐφεσίουσ νικῆσαι πυθέσθαι τινὸσ παριόντοσ πόθεν εἰή, τοῦ δ’ εἰπόντοσ "ἐξ Ἐφέσου," "ἕλκυσόν με τοίνυν, ἔφη, τῶν σκελῶν καὶ θὲσ εἰσ τὴν τῶν Μαγνήτων χώραν, καὶ ἀπάγγειλόν σου τοῖσ πολίταισ μετὰ τὸ νικῆσαι αὐτόθι με θάψαι· ἐπεσκηφέναι τε ταῦτα Φερεκύδην. ὁ μὲν <οὖν> ἀπήγγειλεν·

οἱ δὲ μετὰ μίαν ἐπελθόντεσ κρατοῦσι τῶν Μαγνήτων, καὶ τόν τε Φερεκύδην μεταλλάξαντα θάπτουσιν αὐτόθι καὶ μεγαλοπρεπῶσ τιμῶσιν. ἔνιοι δέ φασιν ἐλθόντα εἰσ Δελφοὺσ ἀπὸ τοῦ Κωρυκίου ὄρουσ αὑτὸν δισκῆσαι. Ἀριστόξενοσ δ’ ἐν τῷ Περὶ Πυθαγόρου καὶ τῶν γνωρίμων αὐτοῦ φησι νοσήσαντα αὐτὸν ὑπὸ Πυθαγόρου ταφῆναι ἐν Δήλῳ. οἱ δὲ φθειριάσαντα τὸν βίον τελευτῆσαι· ὅτε καὶ Πυθαγόρου παραγενομένου καὶ πυνθανομένου, πῶσ διακέοιτο, διαβαλόντα τῆσ θύρασ τὸν δάκτυλον εἰπεῖν, "χροῒ δῆλα"· καὶ τοὐντεῦθεν παρὰ τοῖσ φιλολόγοισ ἡ λέξισ ἐπὶ τῶν χειρόνων τάττεται, οἱ δ’ ἐπὶ τῶν βελτίστων χρώμενοι διαμαρτάνουσιν. ἔλεγέ τε ὅτι οἱ θεοὶ τὴν τράπεζαν θυωρὸν καλοῦσιν.

Ἄνδρων δ’ ὁ Ἐφέσιόσ φησι δύο γεγονέναι Φερεκύδασ Συρίουσ, τὸν μὲν ἀστρολόγον, τὸν δὲ θεολόγον υἱὸν Βάβυοσ, ᾧ καὶ Πυθαγόραν σχολάσαι. Ἐρατοσθένησ δ’ ἕνα μόνον, καὶ ἕτερον Ἀθηναῖον, γενεαλόγον. Σώζεται δὲ τοῦ Συρίου τό τε βιβλίον ὃ συνέγραψεν, οὗ ἡ ἀρχή· "Ζὰσ μὲν καὶ Χρόνοσ ἦσαν ἀεὶ καὶ Χθονίη· Χθονίῃ δὲ ὄνομα ἐγένετο Γῆ, ἐπειδὴ αὐτῇ Ζὰσ γῆν γέρασ διδοῖ. " σώζεται δὲ καὶ ἡλιοτροπεῖον ἐν Σύρῳ τῇ νήσῳ. Φησὶ δὲ Δοῦρισ ἐν τῷ δευτέρῳ τῶν Ὡρῶν ἐπιγεγράφθαι αὐτῷ τὸ ἐπίγραμμα τόδε· τῆσ σοφίησ πάσησ ἐν ἐμοὶ τέλοσ·

ἢν δέ τι πλεῖον, Πυθαγόρῃ τὠμῷ λέγε ταῦθ’, ὅτι πρῶτοσ ἁπάντων ἔστιν ἀν’ Ἑλλάδα γῆν· οὐ ψεύδομαι ὧδ’ ἀγορεύων. Ιὤν δ’ ὁ Χῖόσ φησιν περὶ αὐτοῦ. ὣσ ὁ μὲν ἠνορέῃ τε κεκασμένοσ ἠδὲ καὶ αἰδοῖ καὶ φθίμενοσ ψυχῇ τερπνὸν ἔχει βίοτον, εἴπερ Πυθαγόρησ ἐτύμωσ ὁ σοφὸσ περὶ πάντων ἀνθρώπων γνώμασ ᾔδεε κἀξέμαθεν. Ἐστι καὶ ἡμῶν οὕτωσ ἔχον τῷ μέτρῳ τῷ Φερεκρατείῳ· τὸν κλεινὸν Φερεκύδην, ὃν τίκτει ποτὲ Σῦροσ, ἐσ φθεῖρασ λόγοσ ἐστὶν ἀλλάξαι τὸ πρὶν εἶδοσ, θεῖναί τ’ εὐθὺ κελεύειν Μαγνήτων, ἵνα νίκην δοίη τοῖσ Ἐφέσοιο γενναίοισ πολιήταισ. ἦν γὰρ χρησμόσ, ὃν ᾔδει μοῦνοσ, τοῦτο κελεύων·

καὶ θνήσκει παρ’ ἐκείνοισ. ἦν οὖν τοῦτ’ ἄρ’ ἀληθέσ· ἢν ᾖ τισ σοφὸσ ὄντωσ, καὶ ζῶν ἐστιν ὄνησισ, χὤταν μηδὲν ὑπάρχῃ. Γέγονε δὲ κατὰ τὴν πεντηκοστὴν καὶ ἐνάτην Ὀλυμπιάδα. καὶ ἐπέστειλεν ὧδε· Φερεκύδησ Θαλῇ "Εὖ θνήσκοισ ὅταν τοι τὸ χρεὼν ἥκῃ· νοῦσόσ με καταλελάβηκε δεδεγμένον τὰ παρὰ σέο γράμματα.

φθειρῶν ἔβρυον πᾶσ καί με εἶχεν ἠπίαλοσ. ἐπέσκηψα δ’ ὦν τοῖσιν οἰκιήτῃσιν, ἐπήν με κατθάψωσιν, ἐσ σὲ τὴν γραφὴν ἐνεῖκαι. σὺ δὲ ἢν δοκι‐ μώσῃσ σὺν τοῖσ ἄλλοισ σοφοῖσ, οὕτω μιν φῆνον· ἢν δὲ οὐ δοκιμώσητε, μὴ φήνῃσ. ἐμοὶ μὲν γὰρ οὔκω ἥνδανεν. ἔστι δὲ οὐκ ἀτρεκηϊή πρηγμάτων οὐδ’ ὑπίσχομαι τἀληθὲσ εἰδέναι· ἅσσα δ’ ἂν ἐπιλέγῃ θεολογέων· τὰ ἄλλα χρὴ νοέειν· ἅπαντα γὰρ αἰνίσσομαι. τῇ δὲ νούσῳ πιεζόμενοσ ἐπὶ μᾶλλον οὔτε τῶν τινα ἰητρῶν οὔτε τοὺσ ἑταίρουσ ἐσιέμην· προεστεῶσι δὲ τῇ θύρῃ καὶ εἰρομένοισ ὁκοῖόν τι εἰή, διεὶσ δάκτυλον ἐκ τῆσ κληΐθρησ ἔδειξ’ ἂν ὡσ ἔβρυον τοῦ κακοῦ. καὶ προεῖπα αὐτοῖσι ἥκειν ἐσ τὴν ὑστεραίην ἐπὶ τὰσ Φερεκύδεω ταφάσ. " Καὶ οὗτοι μὲν οἱ κληθέντεσ σοφοί, οἷσ τινεσ καὶ Πεισίστρατον τὸν τύραννον προσκαταλέγουσι. λεκτέον δὲ περὶ τῶν φιλοσόφων· καὶ πρῶτόν γε ἀρκτέον ἀπὸ τῆσ Ιὠνικῆσ φιλοσοφίασ, ἧσ καθηγήσατο Θαλῆσ, οὗ διήκουσεν Ἀναξίμανδροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. ia'. FEREKUDHS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. ia'. FEREKUDHS)

상위

목록

SEARCH

MENU NAVIGATION