헬라어 문장 검색 - Διογεν́Λιϝεσοφ́1́08́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Κεφ. ζ’. ΠΕΡΙΑΝΔΡΟΣ)

Περίανδροσ Κυψέλου Κορίνθιοσ ἀπὸ τοῦ τῶν Ἡρακλειδῶν γένουσ. οὗτοσ γήμασ Λυσίδην, ἣν αὐτὸσ Μέλισσαν ἐκάλει, τὴν Προκλέουσ τοῦ Ἐπιδαυρίων τυράννου καὶ Ἐρισθενείασ τῆσ Ἀριστοκράτουσ παιδόσ, ἀδελφῆσ δὲ τοῦ Ἀριστοδήμου θυγατέρα, οἳ σχεδὸν πάσησ Ἀρκαδίασ ἐπῆρξαν, ὥσ φησιν Ἡρακλείδησ ὁ Ποντικὸσ ἐν τῷ Περὶ ἀρχῆσ, παῖδασ ἐξ αὐτῆσ ἐποίησε δύο, Κύψελον καὶ Λυκόφρονα· τὸν μὲν νεώτερον συνετόν, τὸν δὲ πρεσβύτερον ἄφρονα. χρόνῳ δὴ ὑπ’ ὀργῆσ βαλὼν ὑποβάθρῳ ἢ λακτίσασ τὴν γυναῖκα ἔγκυον οὖσαν ἀπέκτεινε, πεισθεὶσ διαβολαῖσ παλλακίδων, ἃσ ὕστερον ἔκαυσε. Τόν τε παῖδα ἀπεκήρυξεν εἰσ Κέρκυραν, λυπού‐ μενον ἐπὶ τῇ μητρί, ᾧ ὄνομα Λυκόφρων. ἤδη δὲ ἐν γήρᾳ καθεστὼσ μετεπέμπετο αὐτὸν ὅπωσ παραλάβοι τὴν τυραννίδα· ὃν φθάσαντεσ οἱ Κερκυραῖοι διεχρήσαντο.

ὅθεν ὀργισθεὶσ ἔπεμψε τοὺσ παῖδασ αὐτῶν πρὸσ Ἀλυάττην ἐπ’ ἐκτομῇ· προσχούσησ δὲ τῆσ νεὼσ Σάμῳ, ἱκετεύσαντεσ τὴν Ἥραν ὑπὸ τῶν Σαμίων διεσώθησαν. Καὶ ὃσ ἀθυμήσασ ἐτελεύτησεν, ἤδη γεγονὼσ ἔτη ὀγδοήκοντα. Σωσικράτησ δέ φησι πρότερον Κροίσου τελευτῆσαι αὐτὸν ἔτεσι τεσσαράκοντα καὶ ἑνί, πρὸ τῆσ τεσσαρακοστῆσ ἐνάτησ Ὀλυμπιάδοσ. τοῦτον Ἡρόδοτοσ ἐν τῇ πρώτῃ ξένον φησὶν εἶναι Θρασυβούλῳ τῷ Μιλησίων τυράννῳ. Φησὶ δὲ Ἀρίστιπποσ ἐν πρώτῳ Περὶ παλαιᾶσ τρυφῆσ περὶ αὐτοῦ τάδε, ὡσ ἄρα ἐρασθεῖσα ἡ μήτηρ αὐτοῦ Κράτεια συνῆν αὐτῷ λάθρα·

καὶ ὃσ ἥδετο. φανεροῦ δὲ γενομένου βαρὺσ πᾶσιν ἐγένετο διὰ τὸ ἀλγεῖν ἐπὶ τῇ φωρᾷ. ἀλλὰ καὶ Ἔφοροσ ἱστορεῖ ὡσ εὔξαιτο, εἰ νικήσειεν Ὀλύμπια τεθρίππῳ, χρυσοῦν ἀνδριάντα ἀναθεῖναι. νικήσασ δὲ καὶ ἀπορῶν χρυσίου, κατά τινα ἑορτὴν ἐπιχώριον κεκοσμημένασ ἰδὼν τὰσ γυναῖκασ πάντα ἀφείλετο τὸν κόσμον, καὶ ἔπεμψε τὸ ἀνάθημα. Λέγουσι δέ τινεσ ὡσ θελήσασ αὐτοῦ τὸν τάφον μὴ γνωσθῆναι, τοιοῦτόν τι ἐμηχανήσατο. δυσὶν ἐκέλευσε νεανίσκοισ, δείξασ τινὰ ὁδόν, ἐξελθεῖν νύκτωρ, καὶ τὸν ἀπαντήσαντα ἀνελεῖν καὶ θάψαι· ἔπειτα βαδίζειν ἄλλουσ τε κατὰ τούτων τέτταρασ, καὶ ἀνελόντασ θάψαι· πάλιν τε κατὰ τούτων πλείονασ. καὶ οὕτωσ αὐτὸσ τοῖσ πρώτοισ ἐντυχὼν ἀνῃρέθη. Κορίνθιοι δὲ ἐπί τι κενοτάφιον ἐπέγραψαν αὐτῷ τόδε· πλούτου καὶ σοφίησ πρύτανιν πατρὶσ ἥδε Κόρινθοσ κόλποισ ἀγχίαλοσ γῆ Περίανδρον ἔχει.

ἔστι καὶ ἡμῶν· μή ποτε λυπήσῃ σε τὸ μή σε τυχεῖν τινοσ· ἀλλὰ τέρπεο πᾶσιν ὁμῶσ οἷσι δίδωσι θεόσ. καὶ γὰρ ἀθυμήσασ ὁ σοφὸσ Περίανδροσ ἀπέσβη, οὕνεκεν οὐκ ἔτυχεν πρήξιοσ ἧσ ἔθελεν. Τούτου ἐστὶ καὶ τὸ Μηδὲν χρημάτων ἕνεκα πράττειν· δεῖν γὰρ τὰ κερδαντὰ κερδαίνειν. ἐποίησε δὲ καὶ ὑποθήκασ εἰσ ἔπη δισχίλια. εἶπέ τε τοὺσ μέλλοντασ ἀσφαλῶσ τυραννήσειν τῇ εὐνοίᾳ δορυφορεῖσθαι, καὶ μὴ τοῖσ ὅπλοισ. καί ποτε ἐρωτηθεὶσ διὰ τί τυραννεῖ, ἔφη, "ὅτι καὶ τὸ ἑκουσίωσ ἀποστῆναι καὶ τὸ ἀφαιρεθῆναι κίνδυνον φέρει. " ἔλεγε δὲ καὶ τάδε· καλὸν ἡσυχία· ἐπισφαλὲσ προπέτεια· κέρδοσ αἰσχρόν· %2 δημοκρατία κρεῖττον τυραννίδοσ· αἱ μὲν ἡδοναὶ φθαρταί, αἱ δὲ τιμαὶ ἀθάνατοι· εὐτυχῶν μὲν μέτριοσ ἴσθι, δυστυχῶν δὲ φρόνιμοσ·

φίλοισ εὐτυχοῦσι καὶ ἀτυχοῦσιν ὁ αὐτὸσ ἴσθι· ὃ ἂν ὁμολογήσῃσ, διατήρει· λόγων ἀπορρήτων ἐκφορὰν μὴ ποιοῦ· μὴ μόνον τοὺσ ἁμαρτάνοντασ, ἀλλὰ καὶ τοὺσ μέλλοντασ κόλαζε. Οὗτοσ πρῶτοσ δορυφόρουσ ἔσχε, καὶ τὴν ἀρχὴν εἰσ τυραννίδα μετέστησε· καὶ οὐκ εἰά ἐν ἄστει ζῆν τοὺσ βουλομένουσ, καθά φησιν Ἔφοροσ καὶ Ἀριστοτέλησ, ἤκμαζε δὲ περὶ τὴν τριακοστὴν ὀγδόην Ὀλυμπιάδα, καὶ ἐτυράννησεν ἔτη τετταράκοντα. Σωτίων δὲ καὶ Ἡρακλείδησ καὶ Παμφίλη ἐν τῷ πέμπτῳ τῶν Ὑπομνημάτων δύο φασὶ Περιάνδρουσ γεγονέναι, τὸν μὲν τύραννον, τὸν δὲ σοφὸν καὶ Ἀμβρακιώτην. τοῦτο καὶ Νεάνθησ φησὶν ὁ Κυζικηνόσ, ἀνεψιούσ τε εἰῖναι ἀλλήλοισ.

καὶ Ἀριστοτέλησ μὲν τὸν Κορίνθιόν φησιν εἶναι τὸν σοφόν· Πλάτων δὲ οὔ φησι. Τούτου ἐστί· Μελέτη τὸ πᾶν. ἤθελε δὲ καὶ τὸν Ἰσθμὸν διορύξαι. Φέρεται δὲ αὐτοῦ καὶ ἐπιστολή· Περίανδροσ τοῖσ σοφοῖσ "Πολλὰ χάρισ τῷ Πυθοῖ Ἀπόλλωνι τοῦ εἰσ ἓν ἐλθόντασ εὑρεῖν. ἀξοῦντί τε καὶ ἐσ Κόρινθον ταὶ ἐμαὶ ἐπιστολαί. ἐγὼν δὲ ὑμᾶσ ἀποδέχομαι, ὡσ ἴστε αὐτοί, ὅτι δαμοτικώτατα. πεύθομαι ὡσ πέρυτι ἐγένετο ὑμῶν ἁλία παρὰ τὸν Λυδὸν ἐσ Σάρδεισ. ἤδη ὦν μὴ ὀκνεῖτε καὶ παρ’ ἐμὲ φοιτῆν τὸν Κορίνθου τύραννον. ὑμᾶσ γὰρ καὶ ἄσμενοι ὄψονται Κορίνθιοι φοιτεῦντασ ἐσ οἶκον τὸν Περιάνδρου. " Περίανδροσ Προκλεῖ "Ἐμὶν μὲν ἀκούσιον τᾶσ δάμαρτοσ τὸ ἄγοσ· τὺ δὲ ἑκὼν τῷ παιδί με ἄπο θυμοῦ ποιήσαισ ἀδικεῖσ.

ὕποπτοσ γὰρ ἀνδρὶ αἰσυμνήτῃ καὶ τῶν τισ ἑτάρων. ἢ ὦν παῦσον τὰν ἀπήνειαν τῶ παιδόσ, ἢ ἐγὼν τὺ ἀμυνοῦμαι. καὶ γὰρ δὴν καὶ αὐτὸσ ποινὰσ ἔτισα τὶν τᾷ θυγατρί, συγκατακαύσαισ αὐτᾷ τὰ πασᾶν Κορινθιᾶν εἵματα. " Ἔγραψε δὲ αὐτῷ καὶ Θρασύβουλοσ οὕτω· Θρασύβουλοσ Περιάνδρῳ "Τῷ μὲν κήρυκι σεῦ οὐδὲν ὑπεκρινάμην· ἀγαγὼν δὲ αὐτὸν ἐσ λήϊον, τοὺσ ὑπερφυέασ τῶν ἀσταχύων ῥάβδῳ παίων ἀπεθέριζον, ὁμαρτέοντοσ ἐκείνου. καί σοι ἀναγγελέει εἰ ἐπέροιο, ὅ τι μευ ἀκούσειεν ἢ ἴδοι. σὺ δὲ ποίει οὕτωσ, ἤν γ’ ἐθέλῃσ καρτύνασθαι τὴν αἰσυμνητίην· τοὺσ ἐξόχουσ τῶν πολιτέων ἐξαίρειν, ἤν τέ τισ ἐχθρόσ τοι φαίνηται, ἤν τε μή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Κεφ. ζ’. ΠΕΡΙΑΝΔΡΟΣ

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Κεφ. ζ’. ΠΕΡΙΑΝΔΡΟΣ)

상위

목록

SEARCH

MENU NAVIGATION