헬라어 문장 검색 - Διογεν́Λιϝεσοφ́1́04́

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. g'. XILWN)

Χίλων Δαμαγήτου Λακεδαιμόνοισ. οὗτοσ ἐποίησεν ἐλεγεῖα εἰσ ἔπη διακόσια, καὶ ἔφασκε πρόνοιαν περὶ τοῦ μέλλοντοσ λογισμῷ καταληπτὴν εἶναι ἀνδρὸσ ἀρετήν. πρόσ τε τὸν ἀδελφὸν δυσφοροῦντα ὅτι μὴ ἔφοροσ ἐγένετο, αὐτοῦ ὄντοσ, "ἐγὼ μὲν γὰρ ἐπίσταμαι," εἶπεν, "ἀδικεῖσθαι, σὺ δὲ οὔ. " γέγονε δὲ ἔφοροσ κατὰ τὴν πεντηκοστὴν πέμπτην Ὀλυμπιάδα· Παμφίλη δέ φησι κατὰ τὴν ἕκτην. καὶ πρῶτον ἔφορον γενέσθαι ἐπὶ Εὐθυδήμου, ὥσ φησι Σωσικράτησ. καὶ πρῶ‐ τοσ εἰσηγήσατο ἐφόρουσ τοῖσ βασιλεῦσι παραζευγνύναι· Σάτυροσ δὲ Λυκοῦργον. Οὗτοσ, ὥσ φησιν Ἡρόδοτοσ ἐν τῇ πρώτῃ, Ἱπποκράτει θυομένῳ ἐν Ὀλυμπίᾳ, τῶν λεβήτων αὐτομάτων ζεσάντων, συνεβούλευσεν ἢ μὴ γῆμαι, ἤ, εἰ ἔχοι γυναῖκα, ἐκπέμψαι καὶ παῖδασ ἀπείπασθαι. φασὶ δ’ αὐτὸν καὶ Αἰσώπου πυθέσθαι, ὁ Ζεὺσ τί εἰή ποιῶν·

τὸν δὲ φάναι, "τὰ μὲν ὑψηλὰ ταπεινῶν, τὰ δὲ ταπεινὰ ὑψῶν. " ἐρωτηθεὶσ τίνι διαφέρουσιν οἱ πεπαιδευμένοι τῶν ἀπαιδεύτων, ἔφη, "ἐλπίσιν ἀγαθαῖσ. " τί δύσκολον, "τὸ τὰ ἀπόρρητα σιωπῆσαι, καὶ σχολὴν εὖ διαθέσθαι, καὶ ἀδικούμενον [δύνασθαι] φέρειν. " προσέταττε δὲ καὶ ταῦτα· γλώττησ κρατεῖν, καὶ μάλιστα ἐν συμποσίῳ. μὴ κακολογεῖν τοὺσ πλησίον· εἰ δὲ μή, ἀκούσεσθαι ἐφ’ οἷσ λυπήσεσθαι. μὴ ἀπειλεῖν μηδενί·

γυναικῶδεσ γάρ. ταχύτερον ἐπὶ τὰσ ἀτυχίασ τῶν φίλων ἢ ἐπὶ τὰσ εὐτυχίασ πορεύεσθαι. γάμον εὐτελῆ ποιεῖσθαι. τὸν τεθνηκότα μὴ κακολογεῖν. γῆρασ τιμᾶν. φυλάττειν ἑαυτόν. ζημίαν αἱρεῖσθαι μᾶλλον ἢ κέρδοσ αἰσχρόν· ἡ μὲν γὰρ ἅπαξ ἐλύπησε, τὸ δὲ διὰ παντόσ. ἀτυχοῦντι μὴ ἐπεγγελᾶν. ἰσχυρὸν ὄντα πρᾷον εἶναι, ὅπωσ οἱ πλησίον αἰδῶνται μᾶλλον ἢ φοβῶνται. μανθάνειν τῆσ αὑτοῦ οἰκίασ καλῶσ προστατεῖν. τὴν γλῶτταν μὴ προτρέχειν τοῦ νοῦ. θυμοῦ κρατεῖν. μαντικὴν μὴ ἐχθαίρειν. μὴ ἐπιθυμεῖν ἀδυνάτων. ἐν ὁδῷ μὴ σπεύδειν. λέγοντα μὴ κινεῖν τὴν χεῖρα· μανικὸν γάρ. νόμοισ πείθεσθαι. ἠρεμίᾳ χρῆσθαι. Τῶν δὲ ᾀδομένων αὐτοῦ μάλιστα εὐδοκίμησεν ἐκεῖνο·

"ἐν λιθίναισ ἀκόναισ ὁ χρυσὸσ ἐξετάζεται, διδοὺσ βάσανον φανεράν· ἐν δὲ χρυσῷ ἀνδρῶν ἀγαθῶν τε κακῶν τε νοῦσ ἔδωκ’ ἔλεγχον. " φασὶ δ’ αὐτόν ποτε γηραιὸν ἤδη ὄντα εἰπεῖν, ὡσ οὐδὲν συνειδείη ἄνομον ἑαυτῷ ἐν τῷ βίῳ· διστάζειν δὲ περὶ ἑνόσ. κρίνων γάρ ποτε φίλῳ δίκην αὐτὸσ μὲν κατὰ τὸν νόμον, τὸν δὲ φίλον πείσειεν ἀποδικάσαι αὐτοῦ, ἵνα ἀμφότερα καὶ τὸν νόμον καὶ τὸν φίλον τηρήσαι. Ἐνδοξότατοσ δὲ μάλιστα παρὰ τοῖσ Ἕλλησιν ἐγένετο προειπὼν περὶ Κυθήρων τῆσ νήσου τῆσ Λακωνικῆσ. καταμαθὼν γὰρ τὴν φύσιν αὐτῆσ, "εἴθε," ἔφη, "μὴ ἐγεγόνει, ἢ γενομένη κατεβυθίσθη. καὶ εὖ προὐνοήσατο.

Δημάρατοσ μὲν γὰρ φυγὰσ ὢν Λακεδαιμονίων Ξέρξῃ συνεβούλευσε τὰσ ναῦσ συνέχειν ἐν τῇ νήσῳ· κἂν ἑαλώκει ἡ Ἑλλάσ, εἰ ἐπείσθη Ξέρξησ. ὕστερόν τε Νικίασ ἐπὶ τῶν Πελοποννησιακῶν καταστρεψάμενοσ τὴν νῆσον, φρουρὰν ἐγκατέστησεν Ἀθηναίων, καὶ πάμπολλα τοὺσ Λακεδαιμονίουσ κακὰ διέθηκε. Βραχυλόγοσ τε ἦν· ὅθεν καὶ Ἀρισταγόρασ ὁ Μιλήσιοσ τοῦτον τὸν τρόπον Χιλώνειον καλεῖ. . . . Βράγχου δὲ εἶναι, ὃσ τὸ ἱερὸν ἔκτισε τὸ ἐν Βραγχίδαισ. ἦν δὲ γέρων περὶ τὴν πεντηκοστὴν δευτέραν Ὀλυμπιάδα, ὅτε Αἴσωποσ ὁ λογοποιὸσ ἤκμαζεν. ἐτελεύτησε δ’, ὥσ φησιν Ἕρμιπποσ, ἐν Πίσῃ, τὸν υἱὸν Ὀλυμπιονίκην ἀσπασάμενοσ πυγμῆσ. ἔπαθε δὲ τοῦτο ὑπερβολῇ τε χαρᾶσ καὶ ἀσθενείᾳ πολυετίασ. καὶ αὐτὸν πάντεσ οἱ κατὰ τὴν πανήγυριν ἐντιμότατα παρέπεμψαν. Ἔστι δὲ καὶ εἰσ τοῦτον ἐπίγραμμα ἡμῶν· Φωσφόρε, σοί, Πολύδευκεσ, ἔχω χάριν, οὕνεκεν υἱὸσ Χίλωνοσ πυγμῇ χλωρὸν ἕλεν κότινον.

εἰ δ’ ὁ πατὴρ στεφανοῦχον ἰδὼν τέκνον ἤμυσεν ἡσθείσ, οὐ νεμεσητόν· ἐμοὶ τοῖοσ ἴτω θάνατοσ. ἐπὶ δὲ τῆσ εἰκόνοσ αὐτοῦ ἐπιγέγραπται τόδε· τόνδε δοριστέφανοσ Σπάρτα Χίλων’ ἐφύτευσεν, ὃσ τῶν ἑπτὰ σοφῶν πρῶτοσ ἔφυ σοφίᾳ. ἀπεφθέγξατο, "ἐγγύα, πάρα δ’ ἄτα. " ἔστιν αὐτοῦ καὶ ἐπιστόλιον τόδε· Χίλων Περιάνδρῳ "Ἐπιστέλλεισ ἐμὶν ἐκστρατείαν ἐπὶ ἐκδάμωσ, ὡσ αὐτόσ κα ἐξέρποισ· ἐγὼν δὲ δοκέω καὶ τὰ οἰκῇα σφαλερὰ ἦμεν ἀνδρὶ μονάρχῳ, καὶ τῆνον τυράννων εὐδαιμονίζω ὅστισ κα οἴκοι ἐξ αὐτὸσ αὑτῶ κατθάνῃ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. g'. XILWN

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΠΡΩΤΟΝ, Kef. g'. XILWN)

상위

목록

SEARCH

MENU NAVIGATION