Dio, Chrysostom, Orationes, ΤΑΡΣΙΚΟΣ ΠΡΩΤΟΣ. 80:

ὡσ ἤδη μανίᾳ τὸ γιγνόμενον ἐοίκεν αἰσχρᾷ καὶ ἀπρεπεῖ καὶ τοῦτο τὸ νόσημα κύκλῳ περιιὸν ὑμᾶσ ἐπὶ πάντα ἄγει τὸ λοιπὸν καὶ ἔργα καὶ φωνὰσ καὶ σχήματα καὶ παντὸσ ἅπτεται καὶ καθικνεῖται μέρουσ, ποδῶν, χειρῶν, ὀμμάτων, γλώττησ. οὔκουν ἡμῶν ὄφελοσ οὐδὲν οὐδὲ τῆσ ἀνειμένησ ταύτησ καὶ ἀσθενοῦσ παραμυθίασ, ἀλλὰ μᾶλλον Στέντορόσ τινοσ χρεία φθεγγομένου χάλκεον ἢ σιδήρεον, ὃσ ἐμοῦ βοήσεται μεῖζον καὶ σαφέστερον. ὁρᾶτε γὰρ οἷ πρόεισιν.