Dio, Chrysostom, Orationes, ΤΑΡΣΙΚΟΣ ΠΡΩΤΟΣ. 7:

ἡ μὲν οὖν τοιάδε ἀκρόασισ θεωρία τισ οὖσα καὶ πομπὴ παραπλήσιον ἔχει τι ταῖσ ἐπιδείξεσι τῶν καλουμένων ἰατρῶν, οἳ προκαθίζοντεσ ἐν τῷ μέσῳ ξυμβολὰσ ἄρθρων καὶ ὀστέων συνθέσεισ καὶ παραθέσεισ καὶ τοιαῦθ’ ἕτερα ἐπεξίασι, πόρουσ καὶ πνεύματα καὶ διηθήσεισ. οἱ δὲ πολλοὶ κεχήνασι καὶ κεκήληνται τῶν παιδίων μᾶλλον. ὁ δ’ ἀληθὴσ ἰατρὸσ οὐκ ἔστι τοιοῦτοσ οὐδὲ οὕτωσ διαλέγεται τοῖσ ὄντωσ δεομένοισ· πόθεν; ἀλλὰ προσέταξε τί δεῖ ποιεῖν, καὶ φαγεῖν βουλόμενον ἢ πιεῖν ἐκώλυσε, καὶ λαβὼν ἔτεμεν ἀφεστηκόσ τι τοῦ σώματοσ.