Dio, Chrysostom, Orationes, ΛΙΒΥΚΟΣ ΜΥΘΟΣ. 16:

τῶν δὲ πεζῶν ἁπάντων τάχιστα, ὡσ μηδένα ἄν ποτε ἐκφυγεῖν αὐτά· καὶ τῶν μὲν ἄλλων ἀλκῇ κρατεῖν, ἀνθρώπων δὲ ἀπάτῃ, παραφαίνοντα τὰ στήθη καὶ τοὺσ μαστούσ, καὶ ἅμα προσβλέποντα καταγοητεύειν τε καὶ ἔρωτα ἐμβάλλειν δεινὸν τῆσ ὁμιλίασ· καὶ τοὺσ μὲν προσιέναι καθάπερ γυναιξί, τὰ δὲ μένειν ἀτρεμοῦντα καὶ κάτω πολλάκισ βλέποντα, μιμούμενα γυναῖκα κοσμίαν, γενόμενον δ’ ἐγγὺσ συναρπάζειν·