Dio, Chrysostom, Orationes, περὶ ΒΑΣΙΛΕΙΑΣ β. 20:

καὶ ὁ Φίλιπποσ μικροῦ παροξυνθείσ, Ἀλλ’ ὑπ’ ἐμοῦ γε βασιλεύῃ, ὦ Ἀλέξανδρε. οὐκ ἔγωγε, εἶπεν· οὐ γὰρ ὡσ βασιλέωσ, ἀλλ’ ὡσ πατρὸσ ἀκούω σου. οὐ δήπου καὶ θεᾶσ φήσεισ μητρὸσ γεγονέναι σεαυτόν, ὥσπερ ὁ Ἀχιλλεύσ; εἶπεν ὁ Φίλιπποσ, ἢ Ὀλυμπιάδα συμβαλεῖν ἀξιοῖσ Θέτιδι; καὶ ὁ Ἀλέξανδροσ ἡσυχῇ μειδιάσασ, Ἐμοὶ μέν, εἶπεν, ὦ πάτερ, ἀνδρειοτέρα δοκεῖ πασῶν τῶν Νηρηίδων.