Dio, Chrysostom, Orationes, περὶ ΒΑΣΙΛΕΙΑΣ β. 13:

πολύ γε μᾶλλον, εἶπεν ὁ Ἀλέξανδροσ, τὰ παρ’ Ὁμήρῳ γεωργικά. καὶ ποῦ περὶ γεωργίασ εἴρηκεν Ὅμηροσ; ἤρετο ὁ Φίλιπποσ, ἤ τὰ ἐν τῇ ἀσπίδι μιμήματα λέγεισ τῶν ἀρούντων καὶ θεριζόντων καὶ τρυγώντων; ἥκιστά γε, εἶπεν ὁ Ἀλέξανδροσ, ἀλλὰ ἐκεῖνα πολὺ μᾶλλον· οἱ δ’ ὥστ’ ἀμητῆρεσ ἐναντίοι ἀλλήλοισιν ὄγμον ἐλαύνωσιν ἀνδρὸσ μάκαροσ κατ’ ἄρουραν πυρῶν ἢ κριθῶν· τὰ δὲ δράγματα ταρφέα πίπτει· ὥσ Τρῶεσ καὶ Ἀχαιοὶ ἐπ’ ἀλλήλοισι θορόντεσ δῄουν, οὐδ’ ἕτεροι μνώοντ’ ὀλοοῖο φόβοιο.