Dio, Chrysostom, Orationes, περὶ ΒΑΣΙΛΕΙΑΣ β. 8:

τὴν δέ γε Ὁμήρου ποίησιν μόνην ὁρῶ τῷ ὄντι γενναίαν καὶ μεγαλοπρεπῆ πρεπῆ καὶ βασιλικήν, ᾗ πρέπει τὸν νοῦν προσέχειν ἄνδρα μάλιστα μὲν ἄρξειν μέλλοντα τῶν ὅποι ποτὲ ἀνθρώπων, εἰ δὲ μή, τῶν πλείστων καὶ φανερωτάτων, ἀτεχνῶσ γε ἐσόμενον κατ’ ἐκεῖνον ποιμένα λαῶν. ἢ πῶσ οὐκ ἄτοπον ἵππῳ μὲν μὴ ἐθέλειν ἢ τῷ ἀρίστῳ χρῆσθαι τὸν βασιλέα, τῶν δὲ ποιητῶν καὶ τοῖσ ἥττοσιν ἐντυγχάνειν, ὥσπερ σχολὴν ἄγοντα;