Demosthenes, Speeches 41-50, Πρὸσ Τιμόθεον ὑπὲρ Χρέως 42:

οἰέσθε γάρ, ὦ ἄνδρεσ δικασταί, τὸν πατέρα τὸν ἐμόν, εἰ μὴ Τιμοθέου ἦν τὰ ξύλα καὶ ἐδεήθη οὗτοσ αὐτοῦ συστήσασ τὸν Φιλώνδαν, ὅτε ἀνήγετο ὡσ τοὺσ στρατηγοὺσ τοὺσ βασιλέωσ, παρασχεῖν τὸ ναῦλον, ἐᾶσαι ἄν ποτε ὑποκειμένων αὐτῷ τῶν ξύλων τοῦ ναύλου ἀνακομίσαι τὸν Φιλώνδαν τὰ ξύλα ἐκ τοῦ λιμένοσ, ἀλλ’ οὐκ ἂν παρακαταστήσαντά τινα τῶν οἰκετῶν φυλάττειν καὶ τιμὴν λαμβάνειν τῶν πωλουμένων ξύλων, ἑώσ ἐκομίσατο τὰ ἑαυτοῦ, εἴπερ Φιλώνδου ἦν τὰ ξύλα καὶ ἐμπορίασ ἕνεκα ἤχθη;