Demosthenes, Speeches 41-50, Κατὰ Ὀλυμπιοδώρου Βλάβης 53:

ἐπεὶ εἰ μή ἐστιν ταῦτα ἀληθῆ ἃ λέγω, διὰ τί οὐκ ἐπεσκηψάμην ἐγὼ τότε τοῖσ μάρτυσιν τοῖσ ταῦτα μαρτυροῦσιν, ἀλλ’ ἡσυχίαν εἶχον πολλήν; ἢ διὰ τί σύ, Ὀλυμπιόδωρε, οὐδεπώποτέ μοι ἔλαχεσ ἐνοικίου δίκην τῆσ οἰκίασ ἧσ ἔφασκεσ μισθῶσαί μοι ὡσ σαυτοῦ οὖσαν, οὐδὲ τοῦ ἀργυρίου οὗ ἔλεγεσ πρὸσ τοὺσ δικαστὰσ ὅτι ἐδάνεισάσ μοι, τούτων οὐδὲν ἐποίησασ; ὥστε πῶσ ἂν μᾶλλον ἄνθρωποσ ἐξελέγχοιτο ψευδόμενοσ καὶ ὑπεναντία λέγων αὐτὸσ αὑτῷ καὶ αἰτιώμενοσ τὰ οὐδεπώποτε γενόμενα;