Demosthenes, Speeches 41-50, Κατὰ Εὐέργου καὶ Μνησιβούλου Ψευδομαρτυριῶν 40:

ὁ δὲ Θεόφημοσ χρόνου ἐγγεγενημένου, ὁπότε αὐτὸν ἥκων ἀπαιτοίην, ἔμελλε φήσειν ἀποδεδωκέναι, καὶ τούτοισ τεκμηρίοισ καταχρήσεσθαι ὡσ ἀποδέδωκεν, τῷ καιρῷ, τῇ χρείᾳ, ὡσ οὐκ ἠλίθιοσ ἦν οὐδ’ αὖ φίλοσ αὐτῷ γενόμενοσ οὐδεπώποτε ὥστ’ ἐπισχεῖν· ὥστε τί ἄν ποτε βουλόμενοσ ἐγώ, τριηραρχῶν μὲν τῇ πόλει, ἐπιμελητὴσ δὲ ὢν τῆσ συμμορίασ, ψηφισμάτων δὲ τοιούτων καὶ νόμου ὄντοσ, περὶ τὴν εἴσπραξιν ἐπέσχον ἂν τούτῳ;