Demosthenes, Speeches 41-50, Κατὰ Στεφάνου Ψευδομαρτυριῶν Β 6:

εἰ τοίνυν πρόκλησίν φησιν εἶναι καὶ μὴ μαρτυρίαν, οὐκ ἀληθῆ λέγει. ἅπαντα γὰρ ὅσα παρέχονται εἰσ τὸ δικαστήριον προκαλούμενοι ἀλλήλουσ οἱ ἀντίδικοι, διὰ μαρτυρίασ παρέχονται. οὐ γὰρ ἂν εἰδείηθ’ ὑμεῖσ εἴτ’ ἐστὶν ἀληθῆ εἴτε ψευδῆ ἅ φασιν ἑκάτεροι, εἰ μή τισ καὶ τοὺσ μάρτυρασ παρέχοιτο. ὅταν δὲ παράσχηται, τούτοισ πιστεύοντεσ ὑποδίκοισ οὖσιν ψηφίζεσθε ἐκ τῶν λεγομένων καὶ μαρτυρουμένων ἃ ἂν ὑμῖν δοκῇ δίκαια εἶναι.