헬라어 문장 검색 - Δεμοστ́Σπεεξηε

(데모스테네스, Speeches 41-50, Κατὰ Στεφάνου Ψευδομαρτυριῶν Β)

ὅτι μὲν οὐκ ἀπορήσειν ἔμελλε Στέφανοσ οὑτοσὶ ὅ τι ἀπολογήσεται περὶ τῆσ μαρτυρίασ, παράγων τῷ λόγῳ ὡσ οὐ πάντα μεμαρτύρηκε τὰ ἐν τῷ γραμματείῳ γεγραμμένα, καὶ ἐξαπατῶν ὑμᾶσ, καὶ αὐτὸσ σχεδόν τι ὑπενόουν, ὦ ἄνδρεσ δικασταί. πανοῦργόσ τε γάρ ἐστιν, καὶ οἱ γράφοντεσ καὶ οἱ συμβουλεύοντεσ ὑπὲρ Φορμίωνοσ πολλοί· ἅμα τ’ εἰκόσ ἐστι τοὺσ ἐγχειροῦντασ τὰ ψευδῆ μαρτυρεῖν καὶ τὴν ἀπολογίαν εὐθέωσ ὑπὲρ αὐτῶν μελετᾶν. ὅτι δ’ ἐν τοσούτῳ λόγῳ οὐδαμοῦ μάρτυρασ παρέσχετο ὑμῖν, ὡσ ἢ διατιθεμένῳ τῷ πατρὶ τῷ ἐμῷ παρεγένετό που αὐτὸσ ταύτην τὴν διαθήκην, ὥστ’ εἰδέναι ταῦτα ὅτι ἀντίγραφά ἐστιν ὧν ὁ πατήρ μου διέθετο, ἢ ἀνοιχθὲν εἶδε τὸ γραμματεῖον ὅ φασι διαθέμενον ἐκεῖνον καταλιπεῖν, ταῦτα συμμέμνησθέ μοι.

ἀλλὰ μὴν ὁπότε μεμαρτύρηκεν ἀντίγραφα εἶναι τῶν διαθηκῶν τῶν Πασίωνοσ τὰ ἐν τῷ γραμματείῳ γεγραμμένα, τὰσ δὲ διαθήκασ μὴ ἔχει ἐπιδεῖξαι μήθ’ ὡσ ὁ πατὴρ διέθετο ἡμῶν μήθ’ ὡσ αὐτὸσ εἶδεν παραγενόμενοσ αὐτὰσ διατιθεμένου τοῦ πατρόσ, πῶσ οὐ περιφανῶσ οὗτοσ ἐξελέγχεται τὰ ψευδῆ μεμαρτυρηκώσ;

εἰ τοίνυν πρόκλησίν φησιν εἶναι καὶ μὴ μαρτυρίαν, οὐκ ἀληθῆ λέγει.

ἅπαντα γὰρ ὅσα παρέχονται εἰσ τὸ δικαστήριον προκαλούμενοι ἀλλήλουσ οἱ ἀντίδικοι, διὰ μαρτυρίασ παρέχονται. οὐ γὰρ ἂν εἰδείηθ’ ὑμεῖσ εἴτ’ ἐστὶν ἀληθῆ εἴτε ψευδῆ ἅ φασιν ἑκάτεροι, εἰ μή τισ καὶ τοὺσ μάρτυρασ παρέχοιτο. ὅταν δὲ παράσχηται, τούτοισ πιστεύοντεσ ὑποδίκοισ οὖσιν ψηφίζεσθε ἐκ τῶν λεγομένων καὶ μαρτυρουμένων ἃ ἂν ὑμῖν δοκῇ δίκαια εἶναι. βούλομαι τοίνυν καὶ τὴν μαρτυρίαν ἐξελέγξαι, ὅτι οὐ πρόκλησίσ ἐστιν, καὶ ὡσ ἔδει μαρτυρεῖν αὐτούσ, εἴπερ ἐγίγνετο ἡ πρόκλησισ, ὡσ οὐκ ἐγίγνετο.

μαρτυροῦσι παρεῖναι πρὸσ τῷ διαιτητῇ Τεισίᾳ, ὅτε προὐκαλεῖτο Φορμίων Ἀπολλόδωρον ἀνοίγειν τὸ γραμματεῖον, ὃ παρεῖχεν Ἀμφίασ ὁ Κηφισοφῶντοσ κηδεστήσ, Ἀπολλόδωρον δ’ οὐκ ἐθέλειν ἀνοίγειν. οὕτω μὲν ἂν μαρτυροῦντεσ ἐδόκουν ἀληθῆ μαρτυρεῖν· ἀντίγραφα δὲ τῶν διαθηκῶν τῶν Πασίωνοσ μαρτυρεῖν εἶναι τὰ ἐν τῷ γραμματείῳ ὃ παρείχετο Φορμίων, μήτε παραγενομένουσ ἐκείνῳ διατιθεμένῳ μήτ’ εἰδότασ εἰ διέθετο, πῶσ οὐ περιφανῶσ ἀναισχυντία δοκεῖ ὑμῖν εἶναι; ἀλλὰ μὴν εἰ φησὶ Φορμίωνοσ λέγοντοσ πιστεύειν ταῦτ’ ἀληθῆ εἶναι, τοῦ αὐτοῦ ἀνδρόσ ἐστιν πιστεύειν τε λέγοντι τούτῳ ταῦτα καὶ κελεύοντι μαρτυρεῖν.

οἱ δέ γε νόμοι οὐ ταῦτα λέγουσιν, ἀλλ’ ἃ ἂν εἰδῇ τισ καὶ οἷσ ἂν παραγένηται πραττομένοισ, ταῦτα μαρτυρεῖν κελεύουσιν ἐν γραμματείῳ γεγραμμένα, ἵνα μήτ’ ἀφελεῖν ἐξῇ μηδὲν μήτε προσθεῖναι τοῖσ γεγραμμένοισ. ἀκοὴν δ’ οὐκ ἐῶσι ζῶντοσ μαρτυρεῖν, ἀλλὰ τεθνεῶτοσ, τῶν δὲ ἀδυνάτων καὶ ὑπερορίων ἐκμαρτυρίαν γεγραμμένην ἐν τῷ γραμματείῳ·

καὶ ἀπὸ τῆσ αὐτῆσ ἐπισκήψεωσ τήν τε μαρτυρίαν καὶ ἐκμαρτυρίαν ἀγωνίζεσθαι ἅμα, ἵν’ ἐὰν μὲν ἀναδέχηται ὁ ἐκμαρτυρήσασ, ἐκεῖνοσ ὑπόδικοσ ᾖ τῶν ψευδομαρτυρίων, ἐὰν δὲ μὴ ἀναδέχηται, οἱ μαρτυρήσαντεσ τὴν ἐκμαρτυρίαν. Στέφανοσ τοίνυν οὑτοσί, οὔτ’ εἰδὼσ διαθήκασ καταλιπόντα τὸν πατέρα ἡμῶν, οὔτε παραγενόμενοσ πώποτε διατιθεμένῳ τῷ πατρὶ ἡμῶν, ἀκούσασ δὲ Φορμίωνοσ, μεμαρτύρηκεν ἀκοὴν τὰ ψευδῆ τε καὶ παρὰ τὸν νόμον.

καὶ ταῦθ’ ὅτι ἀληθῆ λέγω, αὐτὸν ὑμῖν τὸν νόμον ἀναγνώσεται. ἀκοὴν εἶναι μαρτυρεῖν τεθνεῶτοσ, ἐκμαρτυρίαν δὲ ὑπερορίου καὶ ἀδυνάτου.

ὡσ τοίνυν καὶ παρ’ ἕτερον νόμον μεμαρτύρηκεν, ἐπιδεῖξαι ὑμῖν βούλομαι, ἵνα εἰδῆτε ὅτι μεγάλων ἀδικημάτων οὐκ ἔχων καταφυγὴν ὁ Φορμίων, πρόφασιν λαβὼν λόγῳ τὴν πρόκλησιν, ἔργῳ αὐτὸσ αὑτῷ μεμαρτύρηκε προστησάμενοσ τούτουσ, δι’ ὧν οἱ μὲν δικασταὶ ἐξηπατήθησαν ὡσ ἀληθῆ τούτων μαρτυρούντων, ἐγὼ δὲ ἀπεστερήθην ὧν ὁ πατήρ μοι κατέλιπεν χρημάτων καὶ τοῦ δίκην λαβεῖν περὶ ὧν ἀδικοῦμαι.

μαρτυρεῖν γὰρ οἱ νόμοι οὐκ ἐῶσιν αὐτὸν αὑτῷ οὔτ’ ἐπὶ ταῖσ γραφαῖσ οὔτ’ ἐπὶ ταῖσ δίκαισ οὔτ’ ἐν ταῖσ εὐθύναισ. ὁ τοίνυν Φορμίων αὐτὸσ αὑτῷ μεμαρτύρηκεν, ὁπότε φασὶν οὗτοι ἀκούσαντεσ ἐκείνου ταῦτα μεμαρτυρηκέναι. ἵνα δὲ εἰδῆτε ἀκριβῶσ, αὐτὸν τὸν νόμον μοι ἀνάγνωθι.

τοῖν ἀντιδίκοιν ἐπάναγκεσ εἶναι ἀποκρίνασθαι ἀλλήλοισ τὸ ἐρωτώμενον, μαρτυρεῖν δὲ μή.

σκέψασθε τοίνυν τουτονὶ τὸν νόμον, ὃσ κελεύει ὑποδίκουσ εἶναι τῶν ψευδομαρτυρίων καὶ κατ’ αὐτὸ τοῦτο, ὅτι μαρτυρεῖ παρὰ τὸν νόμον.

Νόμοσ ἔστω δὲ καὶ ὑπόδικοσ τῶν ψευδομαρτυρίων ὁ μαρτυρήσασ αὐτοῦ τούτου, ὅτι μαρτυρεῖ παρὰ τὸν νόμον· καὶ ὁ προβαλόμενοσ κατὰ ταὐτά.

ἔτι τοίνυν κἂν ἀπὸ τοῦ γραμματείου γνοίη τισ, ἐν ᾧ ἡ μαρτυρία γέγραπται, ὅτι τὰ ψευδῆ μεμαρτύρηκεν.

λελευκωμένον τε γάρ ἐστιν καὶ οἴκοθεν κατεσκευασμένον. καίτοι τοὺσ μὲν τὰ πεπραγμένα μαρτυροῦντασ προσήκει οἴκοθεν τὰσ μαρτυρίασ κατεσκευασμένασ μαρτυρεῖν, τοὺσ δὲ τὰσ προκλήσεισ μαρτυροῦντασ, τοὺσ ἀπὸ ταὐτομάτου προσστάντασ, ἐν μάλθῃ γεγραμμένην τὴν μαρτυρίαν, ἵνα, ἐάν τι προσγράψαι ἢ ἀπαλεῖψαι βουληθῇ, ῥᾴδιον ᾖ. οὐκοῦν κατὰ μὲν ταῦτα πάντα ἐξελέγχεται τὰ ψευδῆ μεμαρτυρηκὼσ καὶ παρὰ τὸν νόμον·

βούλομαι δ’ ὑμῖν καὶ αὐτὸ τοῦτο ἐπιδεῖξαι, ὡσ οὔτε διέθετο ὁ πατὴρ ἡμῶν διαθήκην οὐδεμίαν οὔθ’ οἱ νόμοι ἐῶσιν. εἰ γάρ τισ ἔροιτο ὑμᾶσ, καθ’ ὁποίουσ νόμουσ δεῖ πολιτεύεσθαι ἡμᾶσ, δῆλον ὅτι ἀποκρίναισθ’ ἂν κατὰ τοὺσ κειμένουσ. ἀλλὰ μὴν οἵ γε νόμοι ἀπαγορεύουσι μηδὲ νόμον ἐξεῖναι ἐπ’ ἀνδρὶ θεῖναι, ἂν μὴ τὸν αὐτὸν ἐφ’ ἅπασιν Ἀθηναίοισ. οὐκοῦν ὁ μὲν νόμοσ οὑτοσὶ τοῖσ αὐτοῖσ νόμοισ πολιτεύεσθαι ἡμᾶσ κελεύει καὶ οὐκ <ἄλλουσ> ἄλλοισ.

ὁ δὲ πατὴρ ἐτελεύτησεν ἐπὶ Δυσνικήτου ἄρχοντοσ, ὁ δὲ Φορμίων Ἀθηναῖοσ ἐγένετο ἐπὶ Νικοφήμου ἄρχοντοσ, δεκάτῳ ἔτει ὕστερον ἢ ὁ πατὴρ ἡμῶν ἀπέθανεν. πῶσ ἂν οὖν μὴ εἰδὼσ ὁ πατὴρ αὐτὸν Ἀθηναῖον ἐσόμενον, ἔδωκεν ἂν τὴν ἑαυτοῦ γυναῖκα, καὶ προὐπηλάκισε μὲν ἂν ἡμᾶσ, κατεφρόνησε δ’ ἂν τῆσ δωρεᾶσ ἧσ παρ’ ὑμῶν ἔλαβεν, παρεῖδε δ’ ἂν τοὺσ νόμουσ; πότερα δὲ κάλλιον ἦν αὐτῷ ζῶντι πρᾶξαι ταῦτα, εἴπερ ἐβούλετο, ἢ ἀποθανόντα διαθήκασ καταλιπεῖν, ἃσ οὐ κύριοσ ἦν; ἀλλὰ μὴν αὐτῶν τῶν νόμων ἀκούσαντεσ γνώσεσθε, ὡσ οὐ κύριοσ ἦν διαθέσθαι.

λέγε τὸν νόμον. ὅσοι μὴ ἐπεποίηντο, ὥστε μήτε ἀπειπεῖν μήτ’ ἐπιδικάσασθαι, ὅτε Σόλων εἰσῄει τὴν ἀρχήν, τὰ ἑαυτοῦ διαθέσθαι εἶναι ὅπωσ ἂν ἐθέλῃ, ἂν μὴ παῖδεσ ὦσι γνήσιοι ἄρρενεσ, ἂν μὴ μανιῶν ἢ γήρωσ ἢ φαρμάκων ἢ νόσου ἕνεκα, ἢ γυναικὶ πειθόμενοσ, ὑπὸ τούτων του παρανοῶν, ἢ ὑπ’ ἀνάγκησ ἢ ὑπὸ δεσμοῦ καταληφθείσ.

τοῦ μὲν νόμου τοίνυν ἀκηκόατε, ὃσ οὐκ ἐᾷ διαθήκασ διαθέσθαι, ἐὰν παῖδεσ ὦσι γνήσιοι.

οὗτοι δέ φασι ταῦτα διαθέσθαι τὸν πατέρα, ὡσ δὲ παρεγένοντο οὐκ ἔχουσιν ἐπιδεῖξαι. ἄξιον δὲ καὶ τόδε ἐνθυμηθῆναι, ὅτι ὅσοι μὴ ἐπεποίηντο ἀλλ’ ἦσαν πεφυκότεσ γνήσιοι, τούτοισ ὁ νόμοσ δίδωσιν, ἐὰν ἄπαιδεσ ὦσιν, διαθέσθαι τὰ ἑαυτῶν. ὁ τοίνυν πατὴρ ἡμῶν ἐπεποίητο ὑπὸ τοῦ δήμου πολίτησ, ὥστε οὐδὲ κατὰ τοῦτο ἐξῆν αὐτῷ διαθέσθαι διαθήκην, ἄλλωσ τε καὶ περὶ τῆσ γυναικόσ, ἧσ οὐδὲ κύριοσ ἐκ τῶν νόμων ἦν, παῖδέσ τε ἦσαν αὐτῷ. σκέψασθε δὲ καὶ διότι οὐδ’ ἂν ἄπαισ τισ ᾖ, κύριόσ ἐστι τὰ αὑτοῦ διαθέσθαι, ἐὰν μὴ εὖ φρονῇ·

νοσοῦντα δὲ ἢ φαρμακῶντα ἢ γυναικὶ πειθόμενον ἢ ὑπὸ γήρωσ ἢ ὑπὸ μανιῶν ἢ ὑπὸ ἀνάγκησ τινὸσ καταληφθέντα ἄκυρον κελεύουσιν εἶναι οἱ νόμοι. σκοπεῖτε δή, εἰ δοκοῦσιν ὑμῖν εὖ φρονοῦντοσ ἀνδρὸσ εἶναι αἱ διαθῆκαι, ἅσ φασι διαθέσθαι οὗτοι τὸν πατέρα. μὴ πρὸσ ἄλλο δέ τι παράδειγμα σκέψησθε ἢ πρὸσ τὴν μίσθωσιν, εἰ δοκεῖ ὑμῖν ἀκόλουθον εἶναι τῷ τὴν τέχνην μὴ ἐξουσίαν δοῦναι εἰ μὴ ἐν τῷ αὐτῷ ἡμῖν ἐργάζεσθαι, τούτῳ τὴν γυναῖκα δοῦναι τὴν αὑτοῦ καὶ τῶν παίδων ἐᾶσαι κοινωνὸν αὑτῷ γενέσθαι.

καὶ μὴ θαυμάζετε, εἰ τἄλλα σκευωρουμένουσ αὐτοὺσ τὰ ἐν τῇ μισθώσει τοῦτο παρέλαθεν. ἴσωσ μὲν γὰρ οὐδὲ προσεῖχον ἄλλῳ οὐδενὶ ἢ τῷ τὰ χρήματα ἀποστερῆσαι καὶ τῷ προσοφείλοντα τὸν πατέρα ἐγγράψαι· εἶτα δὲ οὐδὲ ἐδόκουν ἐμὲ οὕτω δεινὸν ἔσεσθαι ὥστε ταῦτα ἀκριβῶσ ἐξετάσαι. σκέψασθε τοίνυν καὶ τοὺσ νόμουσ, παρ’ ὧν κελεύουσι τὰσ ἐγγύασ ποιεῖσθαι, ἵν’ εἰδῆτε καὶ ἐκ τούτων ὡσ κατεσκευασμένησ διαθήκησ ψευδὴσ μάρτυσ γέγονε Στέφανοσ οὑτοσί.

Νόμοσ ἣν ἂν ἐγγυήσῃ ἐπὶ δικαίοισ δάμαρτα εἶναι ἢ πατὴρ ἢ ἀδελφὸσ ὁμοπάτωρ ἢ πάπποσ ὁ πρὸσ πατρόσ, ἐκ ταύτησ εἶναι παῖδασ γνησίουσ. ἐὰν δὲ μηδεὶσ ᾖ τούτων, ἐὰν μὲν ἐπίκληρόσ τισ ᾖ, τὸν κύριον ἔχειν, ἐὰν δὲ μὴ ᾖ, ὅτῳ ἂν ἐπιτρέψῃ, τοῦτον κύριον εἶναι.

οὗτοσ μὲν τοίνυν ὁ νόμοσ οὓσ ἐποίησεν κυρίουσ εἶναι, ἀκηκόατε·

ὅτι δ’ οὐδεὶσ ἦν τούτων τῇ μητρί, οἱ ἀντίδικοί μοι αὐτοὶ μεμαρτυρήκασιν. εἰ γὰρ ἦν, παρείχοντ’ ἄν. ἢ μάρτυρασ μὲν ψευδεῖσ οἰέσθ’ ἂν παρασχέσθαι καὶ διαθήκασ οὐκ οὔσασ, ἀδελφὸν δὲ ἢ πάππον ἢ πατέρα οὐκ ἄν, εἴπερ ἦν δυνατὸν ἕνεκα χρημάτων; ὁπότε τοίνυν μηδεὶσ φαίνεται ζῶν τούτων, τότε ἀνάγκη ἐπίκληρον τὴν μητέρα ἡμῶν εἶναι. τῆσ τοίνυν ἐπικλήρου σκοπεῖτε τίνασ κελεύουσιν οἱ νόμοι κυρίουσ εἶναι. λέγε τὸν νόμον.

καὶ ἐὰν ἐξ ἐπικλήρου τισ γένηται καὶ ἅμα ἡβήσῃ ἐπὶ δίετεσ, κρατεῖν τῶν χρημάτων, τὸν δὲ σῖτον μετρεῖν τῇ μητρί.

οὐκοῦν ὁ μὲν νόμοσ κελεύει τοὺσ παῖδασ ἡβήσαντασ κυρίουσ τῆσ μητρὸσ εἶναι, τὸν δὲ σῖτον μετρεῖν τῇ μητρί.

ἐγὼ δὲ φαίνομαι στρατευόμενοσ καὶ τριηραρχῶν ὑμῖν, ὅτε οὗτοσ συνῴκησεν τῇ μητρί. ἀλλὰ μὴν ὅτι ἐγὼ μὲν ἀπεδήμουν τριηραρχῶν, ἐτετελευτήκει δὲ ὁ πατὴρ πάλαι, ὅτε οὗτοσ ἔγημε, τὰσ δὲ θεραπαίνασ αὐτὸν ἐξῄτουν καὶ ἠξίουν περὶ αὐτοῦ τούτου βασανίζεσθαι αὐτάσ, εἰ ταῦτ’ ἀληθῆ ἐστι, καὶ ὡσ προὐκαλούμην, λαβέ μοι τὴν μαρτυρίαν.

Μαρτυρία μαρτυροῦσι παρεῖναι ὅτε προὐκαλεῖτο Ἀπολλόδωροσ Φορμίωνα, ὅτε ἠξίου παραδοῦναι Ἀπολλόδωροσ Φορμίωνα τὰσ θεραπαίνασ εἰσ βάσανον, εἰ μή φησι Φορμίων καὶ πρότερον διεφθαρκέναι τὴν μητέρα τὴν ἐμήν, πρὶν οὗ ἀποφαίνει Φορμίων γῆμαι ἐγγυησάμενοσ αὐτὴν παρὰ Πασίωνοσ. ταῦτα δὲ προκαλουμένου Ἀπολλοδώρου οὐκ ἠθέλησε Φορμίων παραδοῦναι τὰσ θεραπαίνασ.

τὸν τοίνυν νόμον ἐπὶ τούτοισ ἀνάγνωθι, ὃσ κελεύει ἐπιδικασίαν εἶναι τῶν ἐπικλήρων ἁπασῶν, καὶ ξένων καὶ ἀστῶν, καὶ περὶ μὲν τῶν πολιτῶν τὸν ἄρχοντα εἰσάγειν καὶ ἐπιμελεῖσθαι, περὶ δὲ τῶν μετοίκων τὸν πολέμαρχον, καὶ ἀνεπίδικον μὴ ἐξεῖναι ἔχειν μήτε κλῆρον μήτε ἐπίκληρον.

Νόμοσ κληροῦν δὲ τὸν ἄρχοντα κλήρων καὶ ἐπικλήρων, ὅσοι εἰσὶ μῆνεσ, πλὴν τοῦ σκιροφοριῶνοσ. ἀνεπίδικον δὲ κλῆρον μὴ ἔχειν.

οὐκοῦν αὐτόν, εἴπερ ἐβούλετο ὀρθῶσ διαπράττεσθαι, λαχεῖν ἔδει τῆσ ἐπικλήρου, εἴτε κατὰ δόσιν αὐτῷ προσῆκεν εἴτε κατὰ γένοσ, εἰ μὲν ὡσ ὑπὲρ ἀστῆσ, πρὸσ τὸν ἄρχοντα, εἰ δὲ ὡσ ὑπὲρ ξένησ, πρὸσ τὸν πολέμαρχον, καὶ τότε, εἴπερ τι λέγειν εἶχε δίκαιον, πείσαντα ὑμῶν τοὺσ λαχόντασ μετὰ τῶν νόμων καὶ τῆσ ψήφου κύριον εἶναι, καὶ μὴ αὐτὸν αὑτῷ νόμουσ ἰδίουσ θέμενον διαπράξασθαι ἃ ἐβούλετο.

σκέψασθε δὴ καὶ τονδὶ τὸν νόμον, ὃσ κελεύει τὴν διαθήκην, ἣν ἂν παίδων ὄντων γνησίων ὁ πατὴρ διαθῆται ἐὰν ἀποθάνωσιν οἱ παῖδεσ πρὶν ἡβῆσαι, κυρίαν εἶναι.

ὅ τι ἂν γνησίων ὄντων υἱέων ὁ πατὴρ διαθῆται ἐὰν ἀποθάνωσιν οἱ υἱεῖσ πρὶν ἐπὶ δίετεσ ἡβᾶν, τὴν τοῦ πατρὸσ διαθήκην κυρίαν εἶναι.

οὐκοῦν ὁπότε ζῶσιν, ἄκυροσ μὲν ἡ διαθήκη ἐστίν, ἥν φασιν οὗτοι τὸν πατέρα καταλιπεῖν, παρὰ πάντασ δὲ τοὺσ νόμουσ μεμαρτύρηκε Στέφανοσ οὑτοσὶ τὰ ψευδῆ, ὡσ ἀντίγραφά ἐστι τῆσ διαθήκησ τῆσ Πασίωνοσ·

πῶσ γὰρ σὺ οἶσθα, καὶ ποῦ παραγενόμενοσ διατιθεμένῳ τῷ πατρί; κακοτεχνῶν δὲ φαίνει περὶ τὰσ δίκασ, τὰ ψευδῆ μὲν αὐτὸσ μαρτυρῶν ἑτοίμωσ, κλέπτων δὲ τὰσ ἀληθεῖσ μαρτυρίασ, ἐξαπατῶν δὲ τοὺσ δικαστάσ, συνιστάμενοσ δ’ ἐπὶ ταῖσ δίκαισ. οἱ δὲ νόμοι καὶ περὶ τῶν τοιούτων γραφὴν πεποιήκασιν. καί μοι ἀνάγνωθι τὸν νόμον.

Εἄν τισ συνιστῆται, ἢ συνδεκάζῃ τὴν ἡλιαίαν ἢ τῶν δικαστηρίων τι τῶν Ἀθήνησιν ἢ τὴν βουλὴν ἐπὶ δωροδοκίᾳ χρήματα διδοὺσ ἢ δεχόμενοσ, ἢ ἑταιρείαν συνιστῇ ἐπὶ καταλύσει τοῦ δήμου, ἢ συνήγοροσ ὢν λαμβάνῃ χρήματα ἐπὶ ταῖσ δίκαισ ταῖσ ἰδίαισ ἢ δημοσίαισ, τούτων εἶναι τὰσ γραφὰσ πρὸσ τοὺσ θεσμοθέτασ.

ἡδέωσ ἂν τοίνυν ὑμᾶσ ἐροίμην ἐπὶ τούτοισ ἅπασι, κατὰ ποίουσ νόμουσ ὀμωμοκότεσ δικάζετε, πότερα κατὰ τοὺσ τῆσ πόλεωσ ἢ καθ’ οὓσ Φορμίων αὑτῷ νομοθετεῖ.

ἐγὼ μὲν τοίνυν τούτουσ παρέχομαι ὑμῖν, καὶ ἐξελέγχω αὐτοὺσ ἀμφοτέρουσ παραβεβηκότασ, Φορμίωνα μὲν ἐξ ἀρχῆσ ἀδικήσαντα ἡμᾶσ καὶ ἀποστερήσαντα τὰ χρήματα, ἃ ὁ πατὴρ ἡμῖν κατέλιπεν καὶ ἐμίσθωσε τούτῳ μετὰ τῆσ τραπέζησ καὶ τοῦ ἐργαστηρίου, Στέφανον δὲ τουτονὶ τὰ ψευδῆ μεμαρτυρηκότα καὶ παρὰ τὸν νόμον. ἄξιον τοίνυν, ὦ ἄνδρεσ δικασταί, καὶ τόδε ἐνθυμηθῆναι, ὅτι διαθήκησ οὐδεὶσ πώποτε ἀντίγραφα ἐποιήσατο, ἀλλὰ συγγραφῶν μέν, ἵνα εἰδῶσι καὶ μὴ παραβαίνωσι, διαθηκῶν δὲ οὔ.

τούτου γὰρ ἕνεκα <κατασεσημασμένασ> καταλείπουσιν οἱ διατιθέμενοι, ἵνα μηδεὶσ εἰδῇ ἃ διατίθενται. πῶσ οὖν ὑμεῖσ ἴστε ὅτι ἀντίγραφά ἐστιν τῶν διαθηκῶν τῶν Πασίωνοσ τὰ ἐν τῷ γραμματείῳ γεγραμμένα; δέομαι οὖν ὑμῶν ἁπάντων, ὦ ἄνδρεσ δικασταί, καὶ ἱκετεύω βοηθῆσαι μὲν ἐμοί, τιμωρήσασθαι δὲ τοὺσ ἑτοίμωσ οὕτωσ τὰ ψευδῆ μαρτυροῦντασ, ὑπέρ τε ὑμῶν αὐτῶν καὶ ἐμοῦ καὶ τοῦ δικαίου καὶ τῶν νόμων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Demosthenes, Speeches 41-50, Κατὰ Στεφάνου Ψευδομαρτυριῶν Β

(데모스테네스, Speeches 41-50, Κατὰ Στεφάνου Ψευδομαρτυριῶν Β)

상위

목록

SEARCH

MENU NAVIGATION