Demosthenes, Speeches 41-50, Κατὰ Στεφάνου Ψευδομαρτυριῶν Α 121:

καίτοι πρὸσ θεῶν, εἰ κλέπτην σ’ ἀπῆγον ὡσ ἐπ’ αὐτοφώρῳ εἰληφώσ, τὴν οὐσίαν ἣν ἔχεισ, εἴ πωσ οἱο͂́ν τ’ ἦν, ἐπιθείσ σοι, εἶτά σ’ ἠξίουν, εἰ μὴ φὴσ ὑφῃρημένοσ ταῦτ’ ἔχειν, ἀνάγειν ὅθεν εἴληφασ, εἰσ τίν’ ἂν αὔτ’ ἀνήγαγεσ; οὔτε γάρ σοι πατὴρ παρέδωκεν, οὔθ’ ηὑρ͂εσ, οὔτε λαβών ποθεν ἄλλοθεν ἦλθεσ ὡσ ἡμᾶσ· βάρβαροσ γὰρ ἐωνήθησ. εἶθ’ ᾧ δημοσίᾳ προσῆκεν ἐπὶ τοῖσ εἰργασμένοισ τεθνάναι, σύ, τὸ σῶμα σεσῳκὼσ καὶ πόλιν ἐκ τῶν ἡμετέρων σαυτῷ κτησάμενοσ καὶ παῖδασ ἀδελφοὺσ τοῖσ σεαυτοῦ δεσπόταισ ἀξιωθεὶσ ποιήσασθαι, παρεγράψω μὴ εἰσαγώγιμον εἶναι τὴν δίκην τῶν ἐγκαλουμένων χρημάτων ὑφ’ ἡμῶν;