Demosthenes, Speeches 41-50, Κατὰ Στεφάνου Ψευδομαρτυριῶν Α 63:

τοῦτο τοίνυν ἐγὼ μὲν οἶδα ψεῦδοσ ὄν, καὶ ἐλέγξω δέ, ὅταν εἰσίω πρὸσ τοὺσ ταῦτα μεμαρτυρηκότασ· τούτῳ δ’ οὐχ οἱο͂́ν τε τοῦτ’ εἰπεῖν. εἰ τοίνυν ἀληθῆ πιστεύσαιτ’ εἶναι τὴν ἄφεσιν, οὕτω καὶ μάλιστ’ ἂν οὗτοσ φανείη ψευδῆ μεμαρτυρηκὼσ καὶ κατεσκευασμένησ διαθήκησ μάρτυσ γεγονώσ. τίσ γὰρ οὕτωσ ἄφρων ὥστ’ ἄφεσιν μὲν ἐναντίον μαρτύρων ποιήσασθαι τοῦ βεβαίαν αὑτῷ τὴν ἀπαλλαγὴν εἶναι, τὰσ δὲ συνθήκασ καὶ τὰσ διαθήκασ καὶ τἄλλα, ὑπὲρ ὧν ἐποιεῖτο τὴν ἄφεσιν, σεσημασμέν’ ἐᾶσαι καθ’ αὑτοῦ κεῖσθαι;