Demosthenes, Speeches 41-50, Κατὰ Στεφάνου Ψευδομαρτυριῶν Α 54:

ἀλλ’ οὗ ἀνέγνων εἵνεκα, τοῦ τὴν διαθήκην ψευδῆ δεῖξαι, τοῦθ’ ὑμᾶσ ἀναμνήσω. γέγραπται γὰρ αὐτόθι, μὴ ἐξεῖναι δὲ τραπεζιτεύειν Φορμίωνι, ἐὰν μὴ ἡμᾶσ πείσῃ. τοῦτο τοίνυν τὸ γράμμα παντελῶσ δηλοῖ ψευδῆ τὴν διαθήκην οὖσαν. τίσ γὰρ <ἂν> ἀνθρώπων, ἃ μὲν ἔμελλεν τραπεζιτεύων οὗτοσ ἐργάζεσθαι, ταῦθ’ ὅπωσ ἡμῖν τοῖσ αὑτοῦ παισίν, ἀλλὰ μὴ τούτῳ γενήσεται προὐνοήθη, καὶ διὰ τοῦτο μὴ ἐξεῖναι τούτῳ τραπεζιτεύειν ἔγραψεν, ἵνα μὴ ἀφιστῆται ἀφ’ ἡμῶν· ἃ δ’ αὐτὸσ εἰργασμένοσ ἔνδον κατέλειπε, ταῦθ’ ὅπωσ οὗτοσ λήψεται παρεσκεύασε;