Demosthenes, Speeches 41-50, Πρὸσ Φαίνιππον περὶ Ἀντιδόσεως 41:

ποῖ γὰρ τραπέσθαι δεήσει διαμαρτόντα τῆσ ὑμετέρασ γνώμησ, ὅταν οἱ πλούσιοι καὶ μηδὲν ὑμῖν πώποτε χρήσιμοι γεγενημένοι, πολὺν καὶ σῖτον καὶ οἶνον ποιοῦντεσ καὶ τοῦτον τριπλασίασ τιμῆσ ἢ πρότερον διατιθέμενοι, πλεονεκτῶσιν παρ’ ὑμῖν; ὃ μηδαμῶσ νυνὶ γενέσθω, ἀλλ’ ὥσπερ καὶ κοινῇ πᾶσιν βεβοηθήκατε τοῖσ ἐν τοῖσ ἔργοισ ἐργαζομένοισ, οὕτω καὶ ἰδίᾳ βοηθήσατέ μοι νῦν.