Demosthenes, Speeches 41-50, Πρὸσ Φαίνιππον περὶ Ἀντιδόσεως 37:

Παμφίλῳ φησὶν καὶ Φειδόλεῳ Ῥαμνουσίοισ κοινῇ τάλαντον ἐνοφείλειν καὶ Αἰαντίδῃ Φλυεῖ τετρακισχιλίασ καὶ Ἀριστομένει Ἀναγυρασίῳ τέτταρασ καὶ δέκα μνᾶσ. διὰ τί οὖν, Φαίνιππε, ὅτε μὲν ἐγὼ μάρτυρασ ἔχων ἠρώτων σε, εἴ τι ὀφείλεισ ἐπὶ τῇ ἐσχατιᾷ, καὶ ἐκέλευον δεῖξαι ὁρ́ον εἴ που ἔπεστι, καὶ διεμαρτυρόμην ὅπωσ μή μοι ὕστερον κατεσκευασμένοι δανεισταὶ φανήσονται, τότε μὲν οὐδὲν ἀπέφηνασ τῶν χρεῶν, ἐπειδὴ δὲ δευτέρῳ μηνὶ τὴν ἀπόφασιν ἔδωκάσ μοι, τοῦ νόμου κελεύοντοσ τριῶν ἡμερῶν, νῦν ἥκουσι δανεισταὶ καὶ ὀφειλήματα πλέον ἢ τριῶν ταλάντων;