Demosthenes, Speeches, Κατὰ Φιλίππου Γ 53:

οὐκοῦν ἐνόμιζον ἐκεῖνοι τῆσ πάντων τῶν Ἑλλήνων σωτηρίασ αὑτοῖσ ἐπιμελητέον εἶναι· οὐ γὰρ ἂν αὐτοῖσ ἔμελ’ εἴ τισ ἐν Πελοποννήσῳ τινὰσ ὠνεῖται καὶ διαφθείρει, μὴ τοῦθ’ ὑπολαμβάνουσιν· ἐκόλαζον δ’ οὕτω καὶ ἐτιμωροῦνθ’ οὓσ αἴσθοιντο, ὥστε καὶ στηλίτασ ποιεῖν. ἐκ δὲ τούτων εἰκότωσ τὰ τῶν Ἑλλήνων ἦν τῷ βαρβάρῳ φοβερά, οὐχ ὁ βάρβαροσ τοῖσ Ἕλλησιν. ἀλλ’ οὐ νῦν· οὐ γὰρ οὕτωσ ἔχεθ’ ὑμεῖσ οὔτε πρὸσ τὰ τοιαῦτ’ οὔτε πρὸσ τἄλλα, ἀλλὰ πῶσ;