Demosthenes, Speeches, Κατὰ Φιλίππου Γ 31:

καὶ τοῦτ’ ἐκ βραχέοσ λόγου ῥᾴδιον δεῖξαι. Ὄλυνθον μὲν δὴ καὶ Μεθώνην καὶ Ἀπολλωνίαν καὶ δύο καὶ τριάκοντα πόλεισ ἐπὶ Θρᾴκησ ἐῶ, ἃσ ἁπάσασ οὕτωσ ὠμῶσ ἀνῄρηκεν ὥστε μηδ’ εἰ πώποτ’ ᾠκήθησαν προσελθόντ’ εἶναι ῥᾴδιον εἰπεῖν· καὶ τὸ Φωκέων ἔθνοσ τοσοῦτον ἀνῃρημένον σιωπῶ. ἀλλὰ Θετταλία πῶσ ἔχει; οὐχὶ τὰσ πολιτείασ καὶ τὰσ πόλεισ αὐτῶν παρῄρηται καὶ τετραρχίασ κατέστησεν, ἵνα μὴ μόνον κατὰ πόλεισ ἀλλὰ καὶ κατ’ ἔθνη δουλεύωσιν;