Demosthenes, Speeches, Κατὰ Φιλίππου Γ 3:

πολλὰ μὲν οὖν ἴσωσ ἐστὶν αἴτια τούτων, καὶ οὐ παρ’ ἓν οὐδὲ δύ’ εἰσ τοῦτο τὰ πράγματ’ ἀφῖκται, μάλιστα δ’, ἄνπερ ἐξετάζητ’ ὀρθῶσ, εὑρήσετε διὰ τοὺσ χαρίζεσθαι μᾶλλον ἢ τὰ βέλτιστα λέγειν προαιρουμένουσ, ὧν τινεσ μέν, ὦ ἄνδρεσ Ἀθηναῖοι, ἐν οἷσ εὐδοκιμοῦσιν αὐτοὶ καὶ δύνανται, ταῦτα φυλάττοντεσ οὐδεμίαν περὶ τῶν μελλόντων πρόνοιαν ἔχουσιν, οὐκοῦν οὐδ’ ὑμᾶσ οἰόνται δεῖν ἔχειν, ἕτεροι δὲ τοὺσ ἐπὶ τοῖσ πράγμασιν ὄντασ αἰτιώμενοι καὶ διαβάλλοντεσ οὐδὲν ἄλλο ποιοῦσιν ἢ ὅπωσ ἡ μὲν πόλισ αὐτὴ παρ’ αὑτῆσ δίκην λήψεται καὶ περὶ τοῦτ’ ἔσται, Φιλίππῳ δ’ ἐξέσται καὶ λέγειν καὶ πράττειν ὅ τι βούλεται.