Demosthenes, Speeches, Περὶ τῶν ἐν Χερρονήσῳ 10:

εἰ δ’ ἐκ τούτων τὰ δίκαια τίθενται καὶ τὴν εἰρήνην ταύτην ὁρίζονται, ὅτι μὲν δήπουθεν οὔθ’ ὅσι’ οὔτ’ ἀνεκτὰ λέγουσιν οὔθ’ ὑμῖν ἀσφαλῆ, δῆλόν ἐστιν ἅπασιν, οὐ μὴν ἀλλ’ ἐναντία συμβαίνει ταῖσ κατηγορίαισ ἃσ Διοπείθουσ κατηγοροῦσι καὶ αὐτὰ ταῦτα λέγειν αὐτούσ. τί γὰρ δήποτε τῷ μὲν Φιλίππῳ πάντα τἄλλα ποιεῖν ἐξουσίαν δώσομεν, ἂν τῆσ Ἀττικῆσ ἀπέχηται, τῷ Διοπείθει δ’ οὐδὲ βοηθεῖν τοῖσ Θρᾳξὶν ἐξέσται, ἢ πόλεμον ποιεῖν αὐτὸν φήσομεν;